§ 1

Nalunaarasuartaatitigut atassuteqarneq nalunaarasuartaatitigullu kiffartuussinerit pillugit Inatsisartut Inatsisaat nr. 31, 23. november 2017-imeersumi uku allanngortinneqassapput:

1. § 1, imm. 2, nr. 2, ima oqaasertaqarpoq:

”2)  ajunaalernerni isumannaallisaanikkullu sullissinerit.”

2. § 5-ip kingorna immikkoortumi ”Akuersissummik nalunaaruteqarnermi” ilanngunneqassaaq:

”  § 5 a.  Naalakkersuisut sullissinerni akuersissuteqarfiusuni nunap immikkoortuini akitigut naligiissaarisoqassasoq akuersissummik pigisaqartumut peqqusisinnaapput, tak. § 5.”

§ 2

Inatsisartut inatsisaat 1. januar 2025-mi atuutilissaaq.

Namminersorlutik Oqartussat, ulloq 25. novembari 2024

Múte Bourup Egede (atsior.)

Naalakkersuisut Siulittaasuat