§ 1

Suliffissarsiortunut ikiorsiissutit pillugit Inatsisartut inatsisaat nr. 7, 20. juni 2022-meersoq, Inatsisartut inatsisaatigut nr. 25, 25. november 2022-meersukkut aamma Inatsisartut inatsisaatigut nr. 32, 13. juni 2023-meersukkut allanngortinneqartoq, imatut allannguuteqassaaq:

1. § 7, imm. 1-2, ima oqaasertalerneqassaaq:

”  Suliffissarsiortunut ikiorsiissutinik pisartagaqartoq tamanut ammasumik digitaliusumik aaqqiissummi Naalakkersuisunit innersuussutigineqartumi eqeersimaartutut suliffissarsiortutut nalunaarsoqqanissamut aamma naammassillugu suliaasumik atuuttumillu CV-mik peqassalluni pisussaaffeqarpoq.

  Imm. 2.  Suliffissarsiortunut ikiorsiissutinik pisartagaqartoq minnerpaamik sapaatip akunneranut ataasiarluni nalunaarsortittassaaq, tamanut ammasumik digitaliusumik aaqqiissummi Naalakkersuisunit innersuussutigineqartumi, tamanut atuuttumik nammineq digitaliusumik ilisarnaatini atorlugu imaluunniit Qitiusumik Ingerlatsivimmi Majoriami nalunaarsortilluni.”

2. § 7, imm. 2-p kingorna immikkoortutut nutaatut ikkunneqassaaq:

”  Imm. 3.  Naalakkersuisut piffissaagallartillugu qaqugukkulluunniit tamanut ammasumik digitaliusumik aaqqiissut aamma tamanit iserfigineqarsinnaasoq pillugu paasissutissat kiisalu Kalaallit Nunaanni Qitiusumik Ingerlatsiviit Majoriat pillugit attaveqarnissamut paasissutissat pillugit saqqummiussisassapput.”

3. § 14, imm. 3, ima oqaasertalerneqassaaq:

”  Imm. 3. Inuk suliffissarsiortoq sulinngiffeqartutut nalunaarsortissaaq, tamanut atuuttumik digitaliusumik aaqqiissummi Naalakkersuisunit innersuussutigineqartumi imaluunniit Qitiusumik Ingerlatsivimmi Majoriami nalunaarsortissalluni. Inuk pineqartoq suliffissarsiortoq sulinngiffeqartutut nalunaarsorsimanngikkuni sulilernissamut piareersimasutut isigineqassanngilaq.”

§ 2

Inatsisartut inatsisaat una atortuulersoq ulloq 1. januar 2024.

Namminersorlutik Oqartussat, ulloq 20. novembari 2023

Múte Bourup Egede (atsior.)

Naalakkersuisut Siulittaasuat