§ 1

Pisortanit ikiorsiissutit pillugit Inatsisartut inatsisaanni nr. 6, 20. juni 2022-meersumi, Inatsisartut inatsisaatigut nr. 25, 25. november 2022-imeersukkut allanngortinneqartumi imatut allannguisoqassaaq:

1. § 57, imm. 1, ima oqaasertalerneqassaaq:

” Inatsisartut inatsisaat atortuulersinneqarpoq nalunaarutip kingorna ulloq 1. januar imaluunniit 1. juli.”

2. § 59 ima oqaasertalerneqassaaq:

”  § 59.  Inatsisartut inatsisaata ullormi atuutilerfiani qaammatip affaanut siumoortumik ikiorsiissutinik annertussusileriikkanik tunniussisoqassaaq.

  Imm. 2.  Inatsisartut inatsisaata ulloq atuutilerfiata kingorna ullut 15-it qaangiuppata qaammatip affaanut siumoortumik ikiorsiissutinik annertussusileriikkanik tunniussisoqassaaq.

  Imm. 3.  Ikiorsiissutit annertussusileriikkat, tak. imm. 2 aamma imm. 3, tunngaviusumik akigititaq atorlugu tunniunneqassapput, tak. § 22, aamma iliuusissatut pilersaarummut tapeq, tak. § 24, aamma aningaasarsianut ilanngaat ilanngunnagu, tak. § 25-26. § 27 assigisaanik atortinneqassaaq.”

§ 2

Suliffissarsiortunut ikiorsiissutit pillugit Inatsisartut inatsisaanni nr. 7, 20. juni 2022-meersumi, Inatsisartut inatsisaatigut nr. 25, 25. november 2022-meersukkut allanngortinneqartumi imatut allannguisoqassaaq:

1. § 34, imm. 1, ima oqaasertalerneqassaaq:

” Inatsisartut inatsisaat una atortuulersinneqarpoq ulloq nalunaarutip kingorna 1. januar imaluunniit 1. juli.”

§ 3

Inatsisartut inatsisaat atortuulersinneqassaaq saqqummiunneqarnerata aqaguani.

Namminersorlutik Oqartussat, ulloq 13. juuni 2023

Múte Bourup Egede (atsior.)

Naalakkersuisut Siulittaasuat