§ 1

Inissiani attartortittakkani ineqarnermut tapiissutit pillugit Inatsisartut inatsisaat nr. 23, 7. december 2015-imeersoq, Inatsisartut inatsisaatigut nr. 32, 23. november 2017-imeersukkut allanngortinneqartoq, imatut allannguuteqassaaq:

1. § 5, imm. 1 ima oqaasertalerneqassaaq:

”Inissiani attartortittakkani akiliutinut tapiissutit inigisamut akiliutit annertussusaat, inoqutigiit tamakkiisumik isertitarisaat, inissiap pissuserisaa kiisalu inoqutigiinni 18-it inorlugit ukiullit amerlassusaat tunngavigalugit naatsorsorneqartarput.

Piffissami 1. juli 2022-miit 31. december 2022-mut utoqqalinersialimmut maannakkorpiaq isertitanit 13.100 kr-it aamma siusinaartumik pensionisialimmut 9.760 kr-it ilanngaatigineqassapput. Ukiumut 2023-mut utoqqalinersialimmut maannakkorpiaq isertitanit 14.817 kr-it aamma siusinaartumik pensionisialimmut 12.679 kr-it ilanngaatigineqassapput. Ukiumut 2024-mut siumullu utoqqalinersialinnut siusinaartumillu pensionisialinnut ukiormanna iluarsiissut ukiup siuliani utoqqalinersialinnut siusinaartumillu pensionisialinnut isertitanut ilanngaammik ilallugu tassaassaaq ilanngaatissaq.”

§ 2

Inatsisartut inatsisaat una saqqummiunneqarnerata kingorna aqaguani atuutilissaaq aamma inissiani attartortittakkani ineqarnermut tapiissutit tunniunneqartarnerannut ulloq 1. juli 2022-miit siumullu sunniuteqarluni.

Namminersorlutik Oqartussat, ulloq 13. juuni 2023

Múte Bourup Egede (atsior.)

Naalakkersuisut Siulittaasuat