Pisortanit ikiorsiissutit Inatsisartut inatsisaata aamma Suliffissarsiortunut ikiorsiissutit pillugit Inatsisartut inatsisaata allanngortinneqarnera pillugu Inatsisartut inatsisissaat
(2023-mut ukiumut missingersuusiorfiusumut kommuninut ataatsimoortumik tapiissutit pillugit isumaqatigiissut naapertorlugu atortuulersitsinermut ulluinik ikaarsaarnermilu aalajangersakkanik allanngortitsineq)
§ 1
Pisortanit ikiorsiissutit pillugit Inatsisartut inatsisaanni nr. 6, 20. juni 2022-meersumi imatut allannguisoqassaaq:
1. § 57, imm. 1, ima oqaasertalerneqassaaq:
”Inatsisartut inatsisaat atortuulersinneqarpoq ulloq 1. juli 2023.”
2. § 59 ima oqaasertalerneqassaaq:
”Ullormi 1. juli 2023 qaammatip affaanut siumoortumik ikiorsiissutinik annertussusileriikkanik tunniussisoqassaaq.
Imm. 2. Ullormi 15. juli 2023 qaammatip affaanut siumoortumik ikiorsiissutinik annertussusileriikkanik tunniussisoqassaaq.
Imm. 3. Ikiorsiissutit annertussusileriikkat 2023-mi julip qaammataani tunngaviusumik akigititaq atorlugu tunniunneqassapput, tak. § 22 aamma iliuusissatut pilersaarummut tapeq, tak. § 24 aamma aningaasarsianut ilanngaat ilanngunnagu, tak. § 25-26. § 27 assigisaanik atortinneqassaaq.”
§ 2
Suliffissarsiortunut ikiorsiissutit pillugit Inatsisartut inatsisaanni nr. 7, 20. juni 2022- meersumi imatut allannguisoqassaaq:
1. § 34, imm. 1, ima oqaasertalerneqassaaq:
”Inatsisartut inatsisaat una atortuulerpoq ulloq 1. juli 2023.”
§ 3
Inatsisartut inatsisaat atortuulersinneqassaaq saqqummiunneqarnerata aqaguani.
Kalaallit Nunaanni Namminersorlutik Oqartussat, ulloq 25. novembari 2022
Múte Bourup Egede
Naalakkersuisut Siulittaasuat