§ 1

Imigassaq pillugu Inatsisartut inatsisaata nr. 35, 23. november 2017-imeersumi, Inatsisartut inatsisaatigut nr. 9, 12. juni 2019-imeersukkut allanngortinneqartumi, uku allanngortinneqarput:

1. § 9, imm. 1, nr. 3, ima oqaasertalerneqassaaq:
”3)  5,09 % tikillugit tuniniaaneq: Imigassanik aalakoornartortalinnik 5,09 volumenprocent angullugu aalakoornartumik akoqartunik taamaallaat tuniniarneqarsinnaanerinut akuersissut."

2. § 10, imm. 1, nr. 3, ima oqaasertalerneqassaaq: 
”3)  5,09 % tikillugit sassaalliineq:  Imigassanik aalakoornartortalinnik sassaalliisinnaanermut akuersissut, tamatumani imigassalliissutigineqartoq ataaseq 5,09 volumenprocent angullugu kimittussuseqaqqusaanani."

3. § 26, imm. 1, nr. 4, ima oqaasertalerneqassaaq: 
”4)  Ulluinnarni ullut freerfiusussanut atasuni nal.12.00-04.00.  Ullut freerfiit paasineqarput nalliuttut, tak. § 2, imm. 7.”

4. Kapitali 9-mi, § 41 kingorna ikkunneqarpoq: 
”  § 41 a.  Nappaatit tunillaassortut akiorniarlugit iliuutsit pillugit Inatsisartut peqqussutaanni eqqaaneqartutut inuiaqatigiit nappaammut illersorneqarnissaasa pisariaqalernerata malitsigisaanik nunamut tamarmut ilaannaanulluunniit piffissamut aalajangersimasumut imigassanik aalakoornartortalinnik tuniniaanermut sassaalliinermullu killilersuineq utaqqiisaasumilluunniit inerteqquteqarneq pillugu malittarisassanik Naalakkersuisut aalajangersaasinnaapput."

5. § 43  ima oqaasertalerneqassaaq: 
"  § 43.  Kalaallit Nunaanni pinerluttulerineq pillugu inatsimmi malittarisassat naapertorlugit akiliisitsinikkut pineqaatissiisoqarsinnaavoq:
1)  Inatsisartut inatsisaanni § 3, imm. 1, § 7, imm. 1, § 8, § 11, imm. 1, § 15, imm. 1, §§ 16 - 18, § 19, § 1 imm. 2, §§ 20 - 25, § 26, § 1 - 4, § 29, § 30, §§ 31, imm. 1 aamma 2, § 34 aamma § 37-mik unioqqutitsisoqarpat. 
2)  § 32 malillugu inerteqqutinik malinninngitsunut. 
3)  § 35, imm. 1, aamma § 36, imm. 1 naapertorlugit peqqussutaasunik malinninngitsunut.
  Imm. 2.  Aalajangersakkanik ukuninnga unioqqutitsinermi aamma arsaarinnittoqarsinnaavoq: § 3, imm. 1, § 11, § 19, imm. 1, § 20, § 22, imm. 1, § 23, § 25, § 26, imm. 1 - 4, § 29, aamma § 30.
  Imm. 3.  Najoqqutassani Inatsisartut inatsisaat naapertorlugu atulersinneqartuni najoqqutassani aalajangersakkanik unioqqutitsinerit akiliisitaanermik arsaarinninnermilluunniit pineqaatissiissutaasinnaaneri aalajangersarneqarsinnaapput.
  Imm. 4.  Pinerluttulerinermi inatsimmi kapitali 5-imi malittarisassat malillugu ingerlatseqatigiiffiit il.il. (inatsisitigut pisinnaatitaasut pisussaatitaasullu) pinerluttulerinermi inatsisitigut akisussaatinneqarsinnaapput. Ingerlatseqatigiiffiit il.il. (inatsisitigut pisinnaatitaasut pisussaatitaasullu) aamma akiliinermik pineqaatissiinermut atatillugu arsaarinninnermik pineqaatissinneqarsinnaapput.
  Imm. 5.  Imm. 1-4 naapertorlugu akiliisitsissutit arsaarinnissutillu Nunatta Karsianut nakkartinneqartassapput."

§ 2

Inatsisartut inatsisaat ulloq 1. juli 2022 atuutilissaaq.

Namminersorlutik Oqartussat, ulloq 25. maj 2022

Múte Bourup Egede
Naalakkersuisut Siulittaasuat