2022-mi akileraarutitigut naligiissaarinissaq aamma kommuninut ataatsimut akileraarutip agguataarneqarnissaa pillugit Namminersorlutik Oqartussat nalunaarutaat
Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi, kingullermik Inatsisartut inatsisaatigut nr. 38, 28. november 2019-imeersukkut allanngortinneqartumi § 41 aamma § 42, imm. 2 naapertorlugit aalajangersarneqarput:
§ 1. Kommunini inummut ataatsimut agguaqatigiissitanik akileraarutitigut isertitat assigiinngissutaasa naligiissaarneqarnissaannut aammalu kommuninut ataatsimut akileraarutip agguataarneqarnissaanut kommunit ataani taaneqartut 2022-mi tapiissuteqarfigineqassapput:
1) Kommune Kujalleq kr. 133.377.000
2) Kommuneqarfik Sermersooq kr. 79.990.000
3) Qeqqata Kommunia kr. 118.816.000
4) Avannaata Kommunia kr. 196.055.000
5) Kommune Qeqertalik kr. 136.758.000
Imm. 2. Tapiissutit Nunatta Karsianit akilerneqartassapput qaammatikkaarlugit 1/12-imik qaammatit ataasiakkaani tapiissutitut agguagassanut tapertaliullugit.
§ 2. 2022-mi kommuninut ataatsimut akileraarummit agguataagassaapput kr. 577.000.000 kiisalu iluarsiissutit, takuuk imm. 3, ukiuni 1987-imit 2017 ilanngullugu, 2018-imi 343.898 kr., 2019-imi -1.724.396, 2020-miillu 26.875.754 kr. aamma 62.500.822 kr., katillugit kr. 664.996.078.
Imm. 2. Kommuninut ataatsimut akileraarut nuna tamakkerlugu akileraarutip akilersorneqar-tarneratut Nunatta Karsianut akilersorneqartassaaq.
Imm. 3. Kommuninut ataatsimut akileraarummit isertitat imm. 1-imi kisitsimmit aalajangerneqarsimasumit allaaneruppata nikingassut ukiumi tulliuttumi kommuninut ataatsimut akileraarutip agguataarneqarnerani iluarsiissutigineqassaaq.
§ 3. Nalunaarut 1. januar 2022-mi atuutilissaaq.
Namminersorlutik Oqartussat, ulloq 12. novembari 2021
Asii Chemnitz Narup
Aningaasaqarnermut Nunamullu Namminermut Naalakkersuisoq