Imigassaq pillugu Inatsisartut Inatsisaat nr. 35, 23. november 2017-imeersumi § 41, imm. 1 aamma 2 kiisalu § 43, imm. 2 naapertorlugu aalajangerneqarpoq:

Atuuffii

  § 1.  Nalunaarusiaq Kommuneqarfik Sermersuup najugaqarfiini ukunani atuutissaaq: Nuuk, Kapisillit aamma Qeqertarsuatsiaat.

Imigassanik aalakoornartortalinnik tuniniaasarnermik sassaallertarnermillu inerteqquteqarallarneq.

  § 2. Imigassat aalakoornartortallit 2,25 volumenprocent qaangerlugulu aalakoornartumik akullit tuniniarnissai sassaalliutigineqarnissaallu inerteqqutaagallassaaq, tak. Imigassaq pillugu inatsit § 2, imm. 1.

Kinguneqartitsineq

  § 3.  § 2-mik unioqqutitsineq pillaammik akiliisitsinermik kinguneqartinneqarsinnaavoq.

Atuutilerfia

  § 4.  Nalunaarut ulloq 28. marts 2020, nal. 20:00 atuutilissaaq ullorlu 15. april 2020 nal. 10:00 atorunnaarsinneqassalluni.

Namminersorlutik Oqartussat, ulloq 28. marts 2020

Martha Abelsen

/

Tine Pars