§ 1

Pigisanit pissarsiat ilaasa akileraaruserneqartarnerat pillugu Inatsisartut inatsisaanni nr. 37, 23. no­vember 2017-imeersumi makku allannguutigitinneqarput:

1.  § 1, imm. 1, ima oqaasertaqarpoq:

”Soraarnerussutisiaqarsinnaatitaasut aningaasarsianit akileraarutit pillugit Inatsisartut inatsi­saanni (aningaasarsianit akileraarutit pillugit inatsimmi) § 1, imm. 1, nr. 1 imaluunniit 2, imaluunniit imm. 2 naapertor­lugu akileraartussaasut, aammalu marloqiusamik akileraartannginnissamik isumaqatigiissummi aalajange

rsakkat naapertorlugit naalagaaffimmi takornartami, Danmarkimi imaluunniit Sa­valimmiuni angerlarsimaffeqartutut isigineqanngitsut, inuunermut sillimmasiissutit aamma soraar­nerussutisiaqarnissamut aaqqissuussinerit aningaasarsianit akileraarutit pillugit Inatsisartut inatsi­saanni § 39 a, imm. 1-imi 2-milu piumasaqaatinik naammassinnittut, aamma aaqqissuussinerit danskit soraarnerussutisiaqarnissamut aaqqissuussinerit il.il. akileraaruserneqartarnerat pillugu inat­sisaanni § 53 A-mi pineqartut iluanaarutaannit akileraarutinik, Inatsisartut inatsisaat manna malillu­gu akiliissapput.”

2. § 3 malillugu qulequtaq ”Paasissutissanik nalunaarutiginninneq” atorunnaarsinneqarpoq.

3.  § 4 imatut oqaasertaqarpoq:

”  § 4.  § 3 apeqqutaatinnagu pissarsiat soraarnerussutisiaqalernissamut aningaasaatit ilaannit pissarsiat akileraaruserneqartarnerat pillugu Inatsisartut inatsisaanni § 3 malillugu naatsorsorneqarsinnaapput. § 3 malillugu imaluunniit Soraarnerussutisiaqalernissamut aningaasaatit ilaannit pissarsiat akileraaruserneqartarnerat pillugu Inatsisartut inatsisaat § 3 malillugu pissarsiat naatsorsorneqarnissaannik toqqaaneq, ukiumi isertitaqarfiusumi tullermi allanngortinneqarsinnaanani pisussaaffiliivoq. Ukiumi isertitaqarfiusumi akileraartussaatitaanerup atuutilerfiani imaluunniit atorunnaarfiani, ukioq isertitaqarfiusoq qaammatisiutit malillugit ukiumi akileraartussaatitaaffiusumi ilaavoq.

  Imm. 2.  Aaqqissuussami pissarsiat amigartoorutaasut ukiumi isertitaqarfiusumi pineqartumi aammalu ukiuni isertitaqarfiusuni 10-ini tullerni aaqqissuussami ataatsimi pissarsiani sinneqartoorutaasuni taamaallaat ilanngaatigineqarsinnaapput. Pissarsiat amigartoorutaasut, ukiuni isertitaqarfiusumi siusinnerusumiittumi pissarsiani sinneqartoorutaasuniitinneqarsinnaanngippata, aatsaat ukiumut isertitaqarfiusumut kingusinnerusumiittumut ingerlatinneqarsinnaapput.”

4. § 8, imm. 1, imatut oqaasertalerneqarpoq:

”Inuunermut sillimmasiissutinik aamma soraarnerussutisiaqarnissamut ileqqaakkanik, aningaasarsianit akileraarutit pillugit Inatsisartut inatsisaanni § 39 a, imm. 1-imi 2-milu piumasaqaatinik naammassinnittunik, aammalu aaqqissuussinernik, soraarnerussutisiaqarnissamut aaqqissuussinerit il. il. akileraaruserneqartarnerat pillugu danskit inatsisaanni § 53 A-mi, pineqartunik neqerooruteqartut, makku pillugit paasissutissanik akileraaruseriffimmut nalunaaruteqartarnissaannik Naalakkersuisut isumaqatigiissuteqarfigisinnaavaat:

1) kontumik piginnittut ataasiakkaat aqqi, najugaat aamma cpr-normui,

2) ukiup aallartinnerani naaneranilu uninngasuutit, aamma

3) ukiumi iluanaarutit, takuuk § 3.

5.  § 8-mi imm. 3-tut ilanngunneqarpoq:

”  Imm. 3. Naalakkersuisut paasissutissanik tunniussisarneq, akileraarutinik unerartitsisarneq akilii­sarnerlu il.il., imm. 1-imi 2-milu taaneqartut pillugit maleruagassanik sukumiinerusunik aalajanger­saasinnaapput.”

6.  § 9, imm. 1, ima oqaasertaqarpoq:

”§ 1, imm. 1-imik aamma § 5-imik piaaraluneerluni mianersuaalliorujussuarluniluunniit unioq­qutitsineq Kalaallit Nunaanni pinerluttulerinermik inatsimmi maleruagassat malillugit akiliisitsiner­mik pineqaatissiissutigineqarsinnaavoq.”

7.  § 11 ima oqaasertaqarpoq:

”  § 11.  Inatsisartut inatsisissaat ulloq 1. januar 2018-imi atuutilissaaq.”

§ 2

Inatsisartut inatsisaat 1. juli 2018-imi atortuulissaaq.

  Imm. 2.  Inatsisartut inatsisaat ukiumit aningaasarsiorfiusumit 2018-imiit atuutissaaq.

Namminersorlutik Oqartussat, ulloq 28. november 2018