Aalisarneq pillugu Inatsisartut inatsisaanni nr. 18, 31. oktober 1996-imeersumi, ilaatigut inatsisartut inatsisaatigut nr. 5, 21. maj 2002-meersutigut allanngortinneqartumi, kingullermillu inatsisartut inatsisaatigut nr. 18, 3. juni 2015-imeersutigut § 5, imm. 1, § 9, imm. 1, § 10, § 14, imm. 2, § 33, imm. 2 aamma 3, aamma § 34, imm. 3 naapertorlugit aalajangersarneqarput:

 

 Atuuffia

  § 1.  Nalunaarummi sumiiffiit taaneqartut WGS84 naapertorlugu nalunaarsorneqarput, imartat assinginut Kalaallit Nunaannut atuuttunut iluarsiissutinik iluarsisarlugit.

  § 2.  Nalunaarut manna imartami Kalaallit Nunaata aalisarnikkut oqartussaaffigisaani inuussutissarsiutigalugu aalisarnermut kiisalu imartani Kalaallit Nunaata aalisarnikkut oqartussaaffigisaasa avataanni kalaallit inuussutissarsiutigalugu aalisarnerannut atuuppoq.

  § 3.  Nalunaarummi matumani angallatip usitussutsimut killigititamik qaangiisimaneranut ataassisimanerannulluunniit aalajangiisuussaaq usitussutsip angallatip uuttuutaanut uppernarsaammi allassimanera. Uuttueriaatsit pillugit maleruagassat sorliit angissusaannut uuttuummik atulersitsinermut tunngaviliisuusimanersut apeqqutaatinnagit.

Nassuiaatit

  § 4.  Nalunaarummi matumani "imartaq Kalaallit Nunaata aalisarnikkut oqartussaaffigisaa” aamma ”tunngaviusumik killeqarfik" paasineqassapput tunngaviusumik killeqarfittut, imartat Kalaallit Nunaata aningaasaqarniarnikkut immikkut oqartussaaffigisaasa kingusinnerusukkut allanngortinneqarsimasut Statsministeriaqarfiup nalunaarutaani aalajangersarneqarsimasut.
  Imm. 2.  Kitaani imartaq Kalaallit Nunaata aalisarnikkut oqartussaaffigisaa inissisimavoq 59°N-ip avannaata tungaani 44°V-ip kitaani aamma 59°N-ip kujataata tungaani 42°V-ip kitaani.
  Imm. 3.  Tunumi imartaq Kalaallit Nunaata aalisarnikkut oqartussaaffigisaa inissisimavoq 59°N-ip avannaata tungaani 44°V-ip kangiani aamma 59°N-ip kujataata tungaani 42°V-ip kangiani.

  § 5.  "Avataasiorluni aalisarneq” paasineqassaaq imartami Kalaallit Nunaata aalisarnikkut oqartussaaffigisaani tunngaviusumik killeqarfinnit 3 sømilip avataani kiisalu imartami Kalaallit Nunaata aalisarnikkut oqartussaaffigisaata avataani aalisarneq ingerlanneqartoq. Avataasiorluni aalisarneq tassaavoq angallatinik usitussutsimut uuttuut malillugu 75 BRT/120 BT-mik angissusilinnik anginerusunilluunniit ingerlanneqartoq, nalunaarummi allami allanik aalajangiisoqarsimatinnagu.
  Imm. 2.  "Sinerissamut qanittumi aalisarneq”  paasineqassaaq imartami Kalaallit Nunaata aalisarnikkut oqartussaaffigisaani tunngaviusumik killeqarfinnit 3 sømilip avataani kiisalu imartami tassani Kalaallit Nunaata aalisarnikkut oqartussaaffigisaata avataani aalisarneq ingerlanneqartoq. Sinerissamut qanittumi aalisarneq angallatinik usitussutsimut uuttuut malillugu 75 BRT/120 BT-mik mikinerusunit ingerlanneqassaaq, nalunaarummi allami allanik aalajangiisoqarsimatinnagu

  § 6.  Uiluinniarnermi sumiiffiit pisassiissuteqarfiusut imatut aalajangersarneqarput:
1)  Nuup - eqqaa: Sumiiffik 63º45’0N-ip aamma 64º21’5N-ip akornanniittoq kiisalu sumiiffik Nuup Kangerluani 64º21’5N-ip avannaaniittoq.
2)  Aqajarua: Sumiiffik titarnermit 51º40’V-imit Qeqertarsuarmut 69º35’N-ip aamma 69º50’-N-ip akornanniittoq.
3)  Attup - eqqaa: - Sumiiffik 53º00’V-ip aamma 54º00’V-ip akornanniittoq kiisalu 67º50’N-ip aamma 68º10’N-ip akornanniittoq.
4)  Sisimiut - Kujataa (Saqqaq): Sumiiffik imartap aalisarnikkut oqartussaaffigisap tunngaviusumik killinganut kimmut killilik; avannamut imartap aalisarnikkut oqartussaaffigisap tunngaviusumik killinganiit kangimut 66º55’5 N-ip Sisimiut kujataanni nunaviup tungaanut; kujammut imartap aalisarnikkut oqartussaaffigisap tunngaviusumik killinganiit kangimut  66º36 N-imut nunaviup tungaanut.
5)  Sisimiut - Avannaa (Kangaarsuk): Sumiiffik imartap aalisarnikkut oqartussaaffigisap tunngaviusumik killinganut kimmut killilik; avannamut imartap aalisarnikkut oqartussaaffigisap tunngaviusumik killinganiit kangimut 67º20’N-ip nunaviup tungaanut; kujammut imartap aalisarnikkut oqartussaaffigisap tunngaviusumik killinganiit kangimut  66º55,5N-ikkut nunaviup tungaanut. Kangimut killeqarfiuvoq sineriak.
6)  Nassuttooq: Sumiiffik imartap aalisarnikkut oqartussaaffigisap tunngaviusumik killinganut kimmut killilik; avannamut imartap aalisarnikkut oqartussaaffigisap tunngaviusumik killinganiit kangimut 67º35’N-ip nunaviup tungaanut; kujammut imartap aalisarnikkut oqartussaaffigisap tunngaviusumik killinganiit kangimut avannarpasissutsikkut 67º20’N-ikkut nunaviup tungaanut. Kangimut killeqarfiuvoq sineriak.
7)  Kitaata sinnerani: Pisassiissuteqarfiit taaneqartut sinneri Kalaallit Nunaata kitaata avataaniipput. Sumiiffimmi tamaani pisassiissutit qummut killeqanngillat.

  § 7.  Sinerissap qanittuani qaleralinniarnermi aqutsiveqarfiit ukua aalajangersaavigineqarput:
1) Aqutsiveqarfik Upernavik, nassuiarneqartoq 71° 30’N avannaanit 75° 00’N kujataanut imartami sinerissamiit aamma titarnerup aalisarnikkut oqartussaaffigisami tunngaviusumik killigititamit 3 sømilit avataanut.
2) Aqutsiveqarfik Uummannaq, nassuiarneqartoq 70° 30’N avannaanit 71° 30’N kujataanut imartami sinerissamiit aamma titarnerup aalisarnikkut oqartussaaffigisamut tunngaviusumik killigititamit 3 sømilit avataanut. Kisiannili 70° 30’N kujataani taamaallaat Ikerasaap Sulluani Qarassallu Imaani aalisartoqarsinnaavoq. Aammattaaq 71° 30’N avannaani kangerlunni aalisartoqarsinnaavoq, kangerlunni ukunani: Karrat, Kangilleq, Inngiata Kangerlua, Ukkusissat Kangerluat, Kangiussap Imaa, Umiiviup Kangerlua aamma Nuugaatsiap tunua.

 3)  Aqutsiveqarfik Qeqertarsuup Tunua, Qeqertarsuup Tunua nassuiarneqarpoq 68° 52,5’N avannaanit 70° 30’N kujataanut imartami sinerissamiit aamma titarnerup aalisarnikkut oqartussaaffigisamut tunngaviusumik killigititamit sømilit pingasut avataanut
 4)  Kalaallit Nunaat aqutsiveqarfiit nr. 1-3-mi taaneqartut avataanniittoq aqutsiveqarfimmik Kalaallit Nunaata sinneranik taagorneqassaaq.

Pisat annertussusaat

  § 8.  Avataasiorluni aalisarnermi pisat tamarmiusut kiisalu Aalisarneq pillugu Inatsisartut inatsisaanni § 7-imi aalisarnerit taaneqartut, ilanngussaq 1-imi, kolonne 1-imi takuneqarsinnaapput.
  Imm. 2. Sinerissamut qanittumi aalisarnermi pisat tamarmiusut, ilanngussaq 2-mi takuneqarsinnaapput.
  Imm. 3.  Ukiup ingerlanerani allannguisoqarsinnaavoq, Aalisarneq pillugu Inatsisartut inatsisaanni § 10 naapertorlugu.

  § 9.  Aalisakkanik ilanngussaq 1-imi taaneqartunik kalaallit angallataat, ilanngussaq 1-imi kolonne 2-mi, allassimasunit pisassiissutinit annertunerusunik aalisassanngillat, Aalisarneq pillugu Inatsisartut inatsisaanni § 6, naapertorlugu. 

  § 10.  Aalisakkanik ilanngussaq 2-mi taaneqartunik, kalallit angallataat, ilanngussami 2-mi, kolonne 1-imi allassimasunit pisassiissutinit annertunerusunik aalisassanngillat, Aalisarneq pillugu Inatsisartut inatsisaanni § 6, naapertorlugu.

  § 11.  Angallatit nunani EU-mut ilaasortaasutut nalunaarsorneqarsimasut ilanngussaq 1-imi kolonne 3-mi, pisassiissutit katillugit allassimasut taamaallaat aalisarsinnaavaat.

  § 12.  Angallatit Savalimmiuni nalunaarsorneqarsimasut ilanngussaq 1-imi kolonne 4-mi, pisassiissutit katillugit aallassimasut taamaallaat aalisarsinnaavaat.

  § 13.  Angallatit Islandimi nalunaarsorneqarsimasut ilanngussaq 1-imi kolonne 5-imi, pisassiissutit katillugit allassimasut taamaallaat aalisarsinnaavaat.

  § 14.  Angallatit Norgemi nalunaarsorneqarsimasut ilanngussaq 1-imi kolonne 6-imi, pisassiissutit katillugit allassimasut taamaallaat aalisarsinnaavaat.

  § 15.  Angallatit Ruslandimi nalunaarsorneqarsimasut ilanngussaq 1-imi kolonne 7-imi, pisassiissutit katillugit allassimasut taamaallaat aalisarsinnaavaat.

  § 16.  Angallatinut §§-ini 9-miit 15-imut taaneqartunut akuersissutinut amerlassutsit atuuffissallu, Aalisarnermut Naalakkersuisup tunniussai pisassiissutit amerlassusiinut naapertuutissapput, tunniussinerlu angallatit taaneqartut aalisarsinnaassusiat eqqarsaatigalugu pissaaq, Aalisarsinnaanermut akuersissuteqartarneq pillugu  malittarisassat atuuttut nalunaarutaat naapertorlugit.

Aalisarnermik unitsitsineq

  § 17.  Aalisarnermut Naalakkersuisup pisassiissutit ilanngussani 1-imi 2-milu taaneqartut pisarineqarpata aalisakkanik pineqartunik aalisarneq angallatinit ataatsimoortunit tamanit §§-ini 9-miit 15-imut taaneqartunit ingerlanneqartoq unitsissavaa.  Nunanut ataasiakkaanut pisassiissutit tamarmik immikkut naatsorsorneqartassapput. Matumunnga atatillugu EU nunatut ataatsitut isigineqarpoq.
  Imm. 2.  Kalaallit angallataataannut pisassiissutinik ataatsimoorussanik aalisartunut, aalisarnerup unitsinneqarnissaanut piffissaliussaq radiukkut tusagassiorfitsigullu nalunaarutigineqassaaq.
   Imm. 3.  §§ 9-15 naapertorlugit angallatinut tamanut unitsitsinissamik piffissaliussaq telexikkut imaluunniit telefaxikkut angallammut pineqartumut nalunaarutigineqassaaq. Angallatinut EU-mi angerlarsimaffeqartunut tamanut nalunaarut taamatuttaaq EU-Kommissionimut nassiunneqassaaq. Kalaallit angallatiginngisaannut allanut taamatut nalunaarut nunap pineqartup aalisarnikkut oqartussaasuinut aamma nassiunneqassaaq.
  Imm. 4.  Angallatit aalisarunnaassapput piffissami Aalisarnermut Naalakkersuisup aalajangigaani.

Pineqaatissiissutit

  § 18.  §§-ini 9-miit 15-imut aamma § 17, imm. 4-mik unioqqutsitsinerit akiliisitsinermik kinguneqarsinnaapput.
   Imm. 2.  Aktiaateqarluni ingerlatseqatigiiffik, piginneqataassuteqarluni ingerlatseqatigiiffik, piginneqatigiiffik imaluunniit piginneqatigiilluni umiarsuaatileqatigiiffik unioqqutitsippat ingerlatseqatigiiffik taannaatillugu akiliisitassatut akisussaasunngortinneqarsinnaavoq.
   Imm. 3.  Pinerluttulerinermi inatsimmi arsaarinnittarneq pillugu malittarisassat taamatuttaaq atorneqarsinnaapput.

Atortuulersitsineq

  § 19.  Nalunaarut ulloq 23. september 2016-imi atuutilerpoq.  Tamanna ilutigalugu 2015-imi aalisarnermi pisassiissutit pillugit Namminersorlutik Oqartussat nalunaarutaat nr. 23, 30. december 2015-imeersoq atorunnaarsinneqarpoq.

Namminersorlutik Oqartussat, ulloq 21. september 2016

Nikolaj Jeremiassen

/

Jørgen Isak Olsen