Aalisarneq pillugu Inatsisartut inatsisaat nr. 18, 31. oktober 1996-imeersumi, Inatsisartut inat-sisaat nr. 6, 20. maj 1998-imeersukkut, Inatsisartut inatsisaat nr. 5, 21. maj 2002-meersukkut, Inatsisartut inatsisaat nr. 5, 4. juni 2012-imeersukkut kingullermillu Inatsisartut inatsisaat nr. 18, 3. juni 2015-imeersukkut allanngortinneqartumi § 9, § 10, § 10a, § 10b, § 11, § 13, imm. 2 aamma imm. 3, § 23, § 24, § 33, imm. 2 aamma § 34, imm. 3 malillugit aalajangersarneqar-poq:

 

Atuuffia

  § 1.  Nalunaarut inuussutissarsiutigalugu aalisarnermi atuuppoq:
1) angallatinik Kalaallit Nunaanni nalunaarsorsimasunik,
2) angallatit nunanit allaneersut atorlugit Kalaallit Nunaata aalisarnikkut oqartussaaffigisaani aalisarnermi, imaluunniit
3) angallatit nunanit allaneersut kalaallit pisassiissutaannik Kalaallit Nunaata aalisarnikkut oqartussaaffigisaata avataani aalisarnermi.
  Imm. 2.  Nalunaarut naapertorlugu akuersissummik tunniussinermi piumasaqaataavoq, qinnuteqartoq aalisarnermik inuussutissarsiummik pingaarnertut ingerlatatut inuussutissarsiuteqas­sasoq imaluunniit inuussutissarsiortunngorniarluni aamma akuersissut inuussutissarsiutiga­lugu aalisarnerup pingaarnertut inuussutissarsiutiginissaanut tunngavissiisuuniassasoq.
  Imm. 3.  Angallatit usitussutsimut uuttuutaat malillugu 75 BRT/120 BT-mit mikinerusut taa-maallaat imartami sinerissap tunngaviusumillu titarnerup aalisarnikkut oqartussaaffiup killi-ngata 3 sømilit avataanniittup akornanni aalisarsinnaapput.
Imm. 4.  Angallatit usitussutsimut uuttuutaat malillugu 75 BRT/120 BT-tut angitigisut anginerusullu taamaallaat titarnerup aalisarnikkut oqartussaaffiup tunngaviusumik killingata 3 sømil-it avataanni aalisarsinnaapput.                        
  Imm. 5.  imm. 3. saattuarniarnermi imaluunniit saarullinniarnermi atuutinngilaq.
  Imm. 6.  imm. 3. aamma imm. 4. uiluinniarnermi atuutinngillat.

  § 2.  Angallatip usitussutsimut killigititaq qaangersimaneraa ataassimaneraaluunniit nalu-naarummi uani aalajangiisoq tassaavoq usitussutsip annertussusia angallatip usitussutsimut uuttuutaani allaqqasoq, usitussutsimut uuttueriaaseq pillugu malittarisassat suut tunngavigalugit suliarineqarsimanera apeqqutaatinnagu.

Piffissaa killilerlugu aalisarsinnaanermut akuersissut pisassat annertunerpaaffilerlugit

  § 3.  Piffissaa killilerlugu aalisarsinnaanermut akuersissut, tassunga pisassat annertunerpaaf-filerneqarsimatillugit inuussutissarsiutigalugu aalisarnissamut piumasaqaataavoq:
1) angallatit 75 BRT/120 BT-tut angitigisut anginerusullu aamma angallatit 6 meteritut ta-makkiisumik takissusillit (l.o.a) atorlugit raajarniarneq sinerissamullu qanittumi qaleralin-niartut ilanngunnagit,
2) uiluinniarnermi, angallatit angissusaat apeqqutaatinnagit aamma
3) aalisarneq pillugu oqartussaaffinni nunat allat imaluunniit nunarsuup immikkoortuini aali-sarneq pillugu suleqatigiiffiit aalisarnermik killilersuisinnaanermut pisinnaatitaaffigisaanni angallatit Kalaallit Nunaanni nalunaarsorneqarsimasut atorlugit aalisarnermi.
  Imm. 2.  Piffissaa killilerlugu aalisarsinnaanermut akuersissut, tassunga pisassat annertuner-paaffilerneqarsimatillugit, taamatuttaaq nunat tamalaat imartaanni malittarisassaqartitsiviun-ngitsuni inuussutissarsiutigalugu aalisarnissamut piumasaqaataavoq.
  Imm. 3.  Akuersissummik tunniussinermi aalisagaqatigiinnut pisassiissutinik aalajangersaa-nermi pineqartunik naliliinermik, qinnuteqartut tamarmiusut amerlassusiinik Naalakkersuisul-lu agguaassinermi piumasaqaataanik tunngaveqassaaq.    
  Imm. 4.  Akuersissut ukiut ataasiakkaarlugit tunniunneqartassaaq. Uumassusilerisut siunner­suinerat ukiunut arlalinnut atuuppat aalisarsinnaanermut akuersissummik ukiunut arlalinnut atuuttumik tunniussisoqarsinnaavoq.

 
Piffissaa killilerlugu aalisarsinnaanermut akuersissut pisassat annertunerpaaffilernagit

  § 4.  Piffissaa killilerlugu pisassat annertunerpaaffilernagit aalisarsinnaanermut akuersissute-qarnissaq ukuninnga inuussutissarsiutigalugu aalisarnermi piumasaqaataavoq:
1) aalisagaqatigiinnik, angallatinit Kalaallit Nunaanni nalunaarsorneqarsimasunit ataatsimoo-rullugu aalisarneqarsinnaasunik pisassiisoqartillugu aalisarnermi,
2) immikkut pisoqarnerani uumassusilerisut siunnersuinerat pisassiissutinik aalajangiinissa­mik kinguneqartussaatinnagu angallatit Kalaallit Nunaanni nalunaarsorneqarsimasut atorlugit aalisarnermi, aamma
3) angallatit nunanit allaneersut atorlugit Kalaallit Nunaata aalisarnikkut oqartussaaffigisaani aalisarnermi, aalisakkanik pisassiissutit nunap erfalasoqarfiusup pineqartup angallataanit ataatsimoorullugit aalisarneqarsinnaatillugit.
  Imm. 2.  § 4, imm. 1, nr. 1 aamma § 4, imm. 1, nr. 2 naapertorlugit akuersissummik tunnius-sineq piumasaqaatit § 8-mi aalajangersarneqarsimasut tunngavigalugit pisassaaq.               
  Imm. 3.  § 4, imm. 1, nr. 3 naapertorlugu akuersissummik tunniussineq nunat tamalaat isu-maqatigiissutaat tunngavigalugit pisassaaq.
  Imm. 4.  Akuersissut ukiut ataasiakkaarlugit tunniunneqartassaaq.Uumassusilerisunit siunnersuineq ukiunut arlalinnut atuuppat aalisarsinnaanermut akuersissummik ukiunut arla-linnut atuuttumik tunniussisoqarsinnaavoq.
  Imm. 5.  Imm. 1 naapertorlugu assagiarniarsinnaanermut, kapisilinniarsinnaanermut ima-luunniit nipisanniarsinnaanermut akuersissutinik tunniussisoqassanngilaq. Assagiarsunniarsinnaanermut, kapisilinniarsinnaanermut imaluunniit nipisanniarsinnaanermut akuersissummik tunniussisoqarsinnaavoq aalisagaqatigiinnut pineqartunut nalunaarummi piu-masaqaatit tunngavigalugit.

  § 5.  Umiatsiaaqqat 6 meteritut tamakkiisumik takissusillit mikinerusulluunniit atorlugit inuussutissarsiutigalugu aalisarnermi piffissaa killilerlugu pisassat annertunerpaaffilernagit aalisarsinnaanermut akuersissummik peqarnissaq piumasaqaataavoq. 
  Imm. 2.  Imm. 1. naapertorlugu, Qeqertarsuup Tunuata, Uummannami, Upernaviullu aqutsi­veqarfiini umiatsiaaqqamik qaleralinniarsinnaanermut akuersissummik tunniussisoqassanngilaq.
  Imm. 3.  Qeqertarsuup Tunuata, Uummannami, Upernaviullu aqutsiveqarfiini umiaaqqamik qaleralinniar­lutik aalisartunut immikkut ittumik aalisarsinnaanermut akuersissutinik tunniussisoqartassaaq.
  Imm. 4.  Imm. 3 naapertorlugu immikkut qaleralinniarsinnaanermut akuersissummik tunineqarsimasoq imm. 1 naapertorlugu qaleralinniarsinnaanermut akuersissummik tunineqarsinnaanngilaq. Imm. 1 naapertorlugu qaleralinniarsinnaanermut akuersissummik tunineqarsimasoq imm. 3 naapertorlugu qaleralinniarsinnaanermut akuersissummik tunineqarsinnaanngilaq.
  Imm. 5.  Imm. 1 naapertorlugu qaleralinniarsinnaanermut akuersissuteqartoqarnerani, peqati-gitillugu saarullinniarsinnaanermut akuersissummik tunniussisoqassaaq.
  Imm. 6.  Imm. 1 aamma imm. 3 naapertorlugu aalisarsinnaanermut akuersissummik tunnius-sineq pisarpoq § 8-mi piumasaqaatitut aalajangersarneqarsimasut tunngavigalugit.
  Imm. 7.  Imm. 1, imm. 3 aamma imm. 5 naapertorlugit aalisarsinnaanermut akuersissut ukiut ataasiakkaarlugit tunniunneqartassaaq. Uumassusilerisunit siunnersuineq ukiunut arlalinnut atuuppat aalisarsinnaanermut akuersissummik ukiunut arlalinnut atuuttumik tunniussisoqar­sinnaavoq.   
  Imm. 8.  Imm. 1. naapertorlugu kapisilinniarsinnaanermut imaluunniit nipisanniarsinnaaner-mut akuersissummik tunniussisoqassanngilaq. Kapisilinniarsinnaanermut imaluunniit nipisan-niarsinnaanermut akuersissummik tunniussisoqarsinnaavoq aalisagaqatigiinnut pineqartunut nalunaarummi piumasaqaatit tunngavigalugit.

Piffissaa killiligaanngitsumik akuersissut pisarineqarsinnaasut annertunerpaaffilerlugit

  § 6.  Angallatit 6 meter sinnerlugu tamakkiisumik takissusillit atorlugit raajarniarnermi sine-rissamullu qanittumi qaleralinniarnermi piffissaa killilernagu pisassat annertunerpaaffilerlugit akuersissummik peqarnissaq piumasaqaataavoq.                                     
  Imm. 2. Piginnittup pisassiissutinit pigisai aalisarsinnaanermut akuersissummi allaqqasar-put. Pisassiissutinit pigisat tassaapput pisassiissutit tamarmiusut imartami pisassiiffiusumi aalisagaqatigiinnik pineqartunik Naalakkersuisut aalajangersarsimasaasa procentinngorlugit ilaat.
  Imm. 3.  Piffissaa killilernagu aalisarsinnaanermut akuersissummut atatillugu ukiut tamaasa ukioq pisassiiffiusoq aallartitsinnagu ukiumoortumik pisassiissutit pillugit nalunaarut tunniun-neqassaaq, ukiumi pineqartumi annertussutsit tunisassiornissamullu akuersissutaajunnartut nalunaarlugit.                                    

  § 7.  Raajarniarnermi qaleralinniarnermilu aalisariutaatileqatigiiffik ukiumoortumik pisas-siissutinik tamakkerlugit aalisarsimasoq qinnuteqartoqarneratigut 15. novembarip kingornati-gut ukiumi pineqartumi aalisarnermik ingerlatitseqqinnissaminut akuerineqarsinnaavoq.  Ukiumoortumik pisassiissutit saniatigut pisarineqartut annertussusii ukiup tulliani aalisariu-taatileqatigiiffimmut ukiumoortumik pisassiissutigineqartunit ilanngaatigineqassapput.
  Imm. 2.  Raajarniarnermi qaleralinniarnermilu aalisariutaatileqatigiiffiup ukiumoortumik pisassiissutinik tamakkerlugit aalisarsimanngitsup qinnuteqartoqarneratigut ukiup siuliani pisarineqanngitsut amerlaqataannik ukiup tulliani ukiumoortumik pisassiissutit amerlineqar-nissaannik akuerineqarsinnaavoq. Raajarniarnermi pisassiissutit nuunneqartut kingusinnerpaa-mik 30. april pisarineqarsimassapput qaleralinniarnermilu kingusinnerpaamik 1. juli pisarine-qarsimassallutik.
  Imm. 3.  Imm. 1 malillugit qinnuteqaat Aalisarnermut, Piniarnermut Nunalerinermullu Naa-lakkersuisoqarfimmut nassiunneqassaaq. Qinnuteqaat kingusinnerpaamik sapaatit akunneri marluk aalisarnerup nangeqqikkusunneqarnera sioqqullugu Naalakkersuisoqarfimmit tigune-qareersimassaaq, takuuk imm. 1.
  Imm. 4.  Imm. 1 naapertorlugu qinnuteqaatip pisassatut kissaatigineqartut annertussusilerne-qarnerannik imaqassaaq.

Sineriammut qanittumi aalisarnermi aalisarsinnaanermut akuersissutinik tunniussisarneq

  § 8.  § 4, imm. 1, nr. 1, § 4, imm. 1, nr. 2 aamma § 5 naapertorlugit qinnuteqartunut, ukiup siuliani assinganik aalisarsinnaanermut akuersissuteqarsimasunut tunniunneqassaaq. Akuersissummik tunniussineq pineqartumik naliliinermik tunngaveqarpoq, piumasaqaatit makku pingaarnersiuinermi ilaatinneqassallutik:
1) Pisarineqarsinnaasut amerlassusissaat.
2) Pisaqarsinnaassuseq.
  Imm. 2.   § 4, imm. 1, nr. 1, § 4, imm. 1, nr. 2 aamma § 5 naapertorlugit qinnuteqartunut, ukiup siuliani assinganik aalisarsinnaanermut akuersissuteqarsimanngitsunut tunniunneqassaaq. Akuersissummik tunniussineq pineqartumik naliliinermik tunngaveqarpoq, piumasaqaatit makku pingaarnersiuinermi ilaatinneqassallutik:   
1) Pisarineqarsinnaasut amerlassusissaat.
2) Pisaqarsinnaassuseq.
3) Qinnuteqartoq Aalisarnermut Piniarnermullu Ilinniarfimmi imarsiornermik ilinniagaqarsi-manersoq imaluunniit allatigut assinganik piginnaasaqalersimanersoq.
4) Qinnuteqartoq sinerissamut qanittumi aalisarnermi ukiuni marlunni ataannartumik inuttatut aalisartuusimanersoq.
5) Qinnuteqartoq akilersinnaasumik aalisarnermik ingerlatsisinnaanersoq.
  Imm. 3.  Qinnuteqaatit imm. 1-imi pineqartunut ilaasut imm. 2-mi pineqartunut ilaasunit sal-liutillugit nalilersorneqartarput.
  Imm. 4.  Aalisarnermut, Piniarnermut Nunalerinermullu Naalakkersuisoqarfik akuersisitsiso-qareerneratigut qinnuteqartoq pillugu qinnuteqartup kommunianit najukkamilu aalisartut pi-niartullu peqatigiiffianit paasissutissanik § 8, imm. 1-imi imaluunniit § 8, imm. 2-mi nalilii-nermi atugassanik pissarsiniarsinnaavoq.

Inuussutissarsiutigalugu misileraalluni aalisarsinnaanermut akuersissut

  § 9.  Inuussutissarsiutigalugu misileraalluni aalisarsinnaanermut akuersissummik qinnute-qartup inuussutissarsiutigalugu misileraalluni aalisarnissamut qinnuteqarfissaq naalakkersui-sut.gl-imi aaneqarsinnaasoq immersussavaa Aalisarnermut, Piniarnermut Nunalerinermullu Naalakkersuisoqarfimmut nassiullugu. Akuerineqarnissamik qinnuteqaatinik ataasiakkaanik nalilersuineq tunngaviussaaq, tassani piumasaqaatit uku pingaartinneqassallutik:
1) Qinnuteqaateqartoq pisariaqartinneqartunik piginnaaneqarnersoq aamma inuussutissarsiu-tigalugu misileraalluni aalisarnissaminut naleqquttumik angallateqarnersoq aamma pisariaqar-tinneqartunik atortussaqarnersoq, taamaalilluni siunertarineqartut sapinngisamik pitsaanerpaa-mik naammassineqarniassammata.                       
2) Aalisakkanut qinnuteqaatigineqartunut atorneqartussat inuussutissarsiutigalugu misileraal-luni aalisarneq naammassisinnaaneraat.
3) Qinnuteqaateqartup angallataa piginnittoqarnermigut Kalaallit Nunaanni angerlarsimaffe-qarnersoq.
4) Aalisakkat pineqartut, imartap pineqartup, atortulersuutit teknologiillu misissuiffigineqar-nissaat ilumut pisariaqartinneqarnersoq.
  Imm. 2  Inuussutissarsiutigalugu misileraalluni aalisarnissamut akuersissutip piffissaa killili-gaavoq pisarineqarsinnaasullu annertunerpaaffissaligaanerannik ilaqarluni.                             
  Imm. 3.  Akuersissut ukiut ataasiakkaarlugit tunniunneqartassaaq.                         

  § 10.  Aalisarnermut, Piniarnermut Nunalerinermullu Naalakkersuisoqarfik aalisagaqatigiin-nik pisassiissutigineqanngitsunik inuussutissarsiutigalugu misileraalluni aalisarnissamut akuersissuteqarsinnaavoq.
  Imm. 2.  Aalisagaqatigiinnut pisassiissutaareersunut inuussutissarsiutigalugu misileraalluni aalisarnissamut, Aalisarnermut, Piniarnermut Nunalerinermullu Naalakkersuisoqarfiup Pin-ngortitaleriffik isumasioqatigalugu tamatumunnga pisariaqartitsisoqartoq isumaqarpat, im-mikkut akuersissummik tunisisoqarsinnaavoq.                              

  § 11.  Qinnuteqaateqartut inuussutissarsiutigalugu misileraalluni aalisarnerup ingerlanneqar-nissaanut nunat allamiut angallataat attartorsinnaavaat, kalaallit angallataanni atortussat pisa-riaqartinneqartut imaluunniit teknologi pisariaqartinneqartoq pigineqanngippata.              

Tamanut tunngatillugu aalajangersakkat

  § 12.  Aalisarnermut, Piniarnermut Nunalerinermullu Naalakkersuisoqarfiup nalunaarut tun-ngavigalugu qinnuteqaatit nalilersortarpai akuersissutinillu tunniussisarluni.

  § 13.  Akuersissutinut, ukiumut nutaamut tunniunneqartussanut qinnuteqaat Aalisarnermut, Piniarnermut Nunalerinermullu Naalakkersuisoqarfimmut 30. november nallertinnagu apuu-tereersimassaaq.
  Imm. 2.  Avataasiorluni aalisarnissamut qinnuteqartut avataasiorluni aalisarnissamut qinnu-teqarnissamut immersuiffissaq naalakkersuisut.gl-imi aaneqarsinnaasoq immersussavaat.
  Imm. 3.  § 8, imm. 2 naapertorlugu akuersissummik nutaamik qinnuteqaatit,  Aalisarnermut, Piniarnermut Nunalerinermullu Naalakkersuisoqarfimmiit kingusinnerpaamik 30. november tiguneqareersimassapput.

  § 14.  Aalisarsinnaanermut akuersissut taassumaluunniit assilineqarnera aalisarnerup nalaani angallammiitinneqassaaq. Taamatuttaaq ukiumoortumik pisassiissutinik nalunaarut taassuma-luunniit assilineqarnera aalisarnerup nalaani angallammiitinneqassaaq.

  § 15.  Akuersissut piginnittumut aalajangersimasumut ataatsimut tunniunneqartarpoq aammalu angallat angallatilluunniit aalisarnermut atorneqartussat allassimassallutik. § 6, imm. 1 naapertorlugu piffissaa killilernagu aalisarsinnaanermut akuersissummut atatillu-gu ukiumoortumik pisassiissutinik nalunaarummi angallatit allassimassapput.
  Imm. 2.  Akuersissummi allannguutit, tassunga ilanngullugit piginnittuunermi pissutsit allan-ngorneri, Aalisarnermut, Piniarnermut Nunalerinermullu Naalaakkersuisoqarfimmit akuersis-sutigineqassapput.    

  § 16.   Inuk ingerlatseqatigiiffilluunniit peqatigitillugu angallammut 6 meter taannaluunniit inorlugu tamakkiisumik takissusilimmut aamma angallammut 6 meter sinnerlugu tamakkiisu-mik takissusilimmut aalisarsinnaanermut akuersissutinik pigisaqarsinnaanngilaq.
  Imm. 2  Angallat  6 meter sinnerlugu tamakkiisumik takissusilik motooriarsimanerup, amutsivimmiinnerup sikuunerataluunniit kinguneranik ingerlanngippat, angallammut tassunga akuersissummik piginnittoq, piffissami angallatip motooriarsimanerani, amutsivimmiinnerani sikuuneraniluunniit, angallammik 6 meter taannaluunniit inorlugu tamakkiisumik takissusi-limmik atuisinnaavoq.  Tunisinermi pisat annertussusiat ukiumut pisassiissutinit ilanngaatigi-neqartassaaq.
  Imm. 3.  Ingerlatseqatigiiffimmi angallammut 6 meter sinnerlugu tamakkiisumik takissusi-limmut akuersissummik pigisaqartumi piginneqataasoq angallammut 6 meter sinnerlugu ta-makkiisumik takissusilimmut akuersissummik pigisaqartutut isigineqassaaq.                                     

  § 17.  Angallatit 5 BRT-imit anginerusut inuussutissarsiutigalugu aalisarnermut atorneqar-tussat Aalisarnermut, Piniarnermut Nunalerinermullu Naalakkersuisoqarfimmit akuersissuti-gineqartassapput.
  Imm. 2.  Aalisarnermut, Piniarnermut Nunalerinermullu Naalakkersuisoqarfiup angallatit taamaallaat akuerisinnaavai:
1) piginnittuunermut pissutsit tamanna pillugu aalisarnermut inatsimmi aalajangersakkanut naapertuuppata, aamma
2) angallatip aalisarsinnaassusia aalisarnissamik periarfissanut atuuttunut naleqqussagaasutut nalilerneqarpat.
  Imm. 3.  Akuerineqarnissamik qinnuteqaat allaganngorlugu Aalisarnermut, Piniarnermut Nunalerinermullu Naalakkersuisoqarfimmut nassiunneqassaaq.
  Imm. 4.  Naalagaaffimmi sumi angerlarsimaffeqarnermut uppernarsaatip aammalu usitussu-tsimut uuttuutip assilinerat qinnuteqaammut ilanngullugit nassiunneqassapput. Angallat nu-taamik uuttorneqarsimappat, motooria pingaarneq taarserneqarsimappat imaluunniit annertuu-mik allannguuteqarsimappat usitussutsimut uuttuut nutaaq nassiunneqassaaq.

  § 18.  Kinaluunniit Kalaallit Nunaata aalisarnikkut oqartussaaffiata avataani inuussutissar-siutigalugu aalisarsinnaanermut akuersissummik pigisaqartoq, takuuk § 3, imm. 1, nr. 3, nunat tamalaat akornanni aalisarneq pillugu isumaqatigiissutinik aalajangersakkanillu malinninnis-samut pisussaaffeqarpoq.
  Imm. 2. Isumaqatigiissuteqarfiusuni aalisarnermi angallat nunat tamalaat isumaqatigiissutaat imaluunniit isumaqatigiissut naapertorlugit misissuiffigineqartussaavoq pineqaatissinneqarlu-nilu.

Pineqaatissiissutaasinnaasut

  § 19.  § 1, imm. 3, § 1, imm. 4, § 3, imm. 1, § 3, imm. 2, § 4, imm. 1, § 5, imm. 1, § 6 imm. 1, § 14, § 15, imm. 2, § 16, imm. 2, § 17, imm. 1, § 17, imm. 4, oqaaseqatigiit aappaat aamma § 18-imik unioqqutitsisoq, Kalaallit Nunaanni pinerluttulerinermi inatsimmi malittarisassat naapertorlugit akiliisitsissummik arsaarinnissummillu pineqaatissinneqarsinnaavoq. Akuersissuteqarnermut atugassarititaasunik sumiginnaaneq taamatuttaaq akiliisitsinermik pineqaatissiissutigineqarsinnaavoq. Akiliisitsissutit Nunap Karsianut pisassanngortinneqas-sapput.
  Imm. 2.  Inatsisilerinermi immikkoortut inuttut isigineqarsinnaasut pinerluttulerinermut inatsimmi malittarisassat malillugit imm. 1-imut ilaapput.

Atuutilerfia

  § 20.  Nalunaarut ulloq 11. april 2016-imi atuutilerpoq.                      
  Imm. 2.  Peqatigitillugu Aalisarsinnaanermut akuersissuteqartarneq pisassiissutillu pillugit Namminersorlutik Oqartussat nalunaarutaat nr. 9, 17. juli 2014-meersoq atuukkunnaarsinne­qarpoq.

Namminersorlutik Oqartussat, ulloq 8. april 2016

Karl-Kristian Kruse

/

Jørgen Isak Olsen