§ 1

Sermip erngullu avammut nioqqutissatut atorneqarnissaat pillugu Inatsisartut inatsisaanni nr. 7, 31. maj 2001-imeersumi (sermip erngullu avammut nioqqutiginissaannut inatsit), Inatsisartut inatsisaatigut nr. 3, 15. maj 2014-imeersukkut allannguuteqartinneqartumi,  makkua allanngortinneqarput:                                                                                              

1. § 4 kingorna ilanngunneqassaaq:
”  § 4 a.  Tamatuma saniatigut Naalakkersuisut ingerlatseqatigiiffimmut pisortat pilersuinermut ingerlatseqatigiiffiannit imermik pisinissamik isumaqatigiissuteqartumut avammut nioqqutissatut imermik atuinissamut akuersissummik tunniussisinnaapput. Akuersissut kisermaassisinnaatitaanertut tunniunneqarsinnaavoq ”
  Imm. 2.  Imm. 1 malillugu isumaqatigiissuteqarneq, pilersuisussaatitaaneq aammalu inatsisit atuuttut naapertorlugit pisussaaffiit allat eqqarsaatigalugit pissaaq.
  Imm. 3.  Pisortat pilersuinermut suliffeqarfiisa imeqarfiisa ilaannit imermik pilersuinissaq pillugu pisortat pilersuinermut ingerlatseqatigiiffiannut isumaqatigiissuteqartoqarsimappat, pisortat pilersuinermut ingerlatseqatigiiffiat ingerlatseqatigiiffimmut namminersortumut isumaqatigiissummi nammineerluni niuernermut tunngaviusut aallaavigalugit akigititanik, annertussutsinik ilaalu ilanngullugit aalajangersaasinnaavoq.
  Imm. 4.  Pisortat pilersuinermut suliffeqarfiata aamma qinnuteqartup akornanni atuuttumik aammalu pisussaaffiliiffiusumik isumaqatigiissuteqartoqarsimassasoq, imm. 1 malillugu atuinissamut akuersissummik tunniussinissamut piumasaqaataavoq.”

2. §§ 5 imm. 1-imi aamma imm. 3-mi, 7, imm. 1-imi, 13, imm. 2-mi aamma imm. 3-mi, 21-mi 26-milu allanngortinneqarpoq ”§ 4 malillugu” imatut ”§§ 4 aamma 4 a malillugit”.

3. §§ 12, imm. 1-imi, 13, imm. 1-imi, 14-imi, 15-imi, 16-imi, 20-mi, 23-mi, 24-mi aamma 27, imm. 1-imi aamma imm. 2-mi allanngortinneqarpoq ”§§ 3-4 malillugu” imatut §§3, 4, aamma 4 a malillugit”.

 
§ 2

Inatsisartut inatsisaat ulloq 1. januar 2017 atuutilerpoq.

Namminersorlutik Oqartussat, ulloq 28. november 2016

Kim Kielsen