Inatsisartut Naalakkersuisullu pillugit Inatsisartut inatsisaata allanngortinneqarnera pillugu Inatsisartut inatsisaat
(§ 25, imm. 3-p, aamma § 31, imm. 1-ip kalaallisoortaani inatsisip allassimanerata naqqinneqarnera)
§ 1
Inatsisartut inatsisaanni nr. 26, 18. november 2010-imeersumi, Inatsisartut inatsisaatigut nr. 12, 29. november 2013-imeersukkut allanngortinneqartumi, imatut allannguisoqarpoq:
1. § 25, imm. 3, imatut allassimassaaq:
” Imm. 3. Inatsisartut siulittaasuata imm. 2-mi piffissaliussap naanerata kingorna atuuffiit inuussutissarsiutilluunniit sorliit siulittaasup ingerlatiinnarsinnaanerai Inatsisartunut nalunaarutigissavai. Naalakkersuisut siulittaasuata atuuffiit inuussutissarsiutilluunniit sorliit Naalakkersuisut siulittaasuata Naalakkersuisunullu ilaasortat ingerlatiinnarsinnaaneraat Inatsisartut siulittaasuannut nalunaarutigissavaa.”
2. § 31, imm. 1,imatut allassimassaaq:
”Inatsisartunit inatsisit Namminersorlutillu Oqartussat nalunaarutaat allamik aalajangiisoqarsimanngippat atuutilertarput Inatsisartunit inatsisip Namminersorlutilluunniit Oqartussat nalunaarutaasa ulloq taanna atuutilersutut nalunaarsimanerata kingorna ulloq aallartikkaangat.”
§ 2
Inatsisartut inatsisaat januaarip 1.-ni 2016-imi atuutilissaaq.
Namminersorlutik Oqartussat, ulloq 9. december 2015
Kim Kielsen
Uani ataatsimoortunngorlugu allanneqarpoq
-
PDF (0.01MB)
-
PDF (0.01MB)