§ 1

Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaat nr. 6, 5. december 2008-imeersumi makkua allannguuteqartinneqarput:

1.  Inatsisartut inatsisaani tamarmi (qallunaatuuani) ”Landsstyret” allanngortinneqassaaq imaalerlugu ”Naalakkersuisut” aamma ”Landsstyrets” imaalerlugu ”Naalakkersuisut”.

2.  Inatsisartut inatsisaanni tamarmi (qallunaatuuani) ”Landstinget” allanngortinneqassaaq imaalerlugu ”Inatsisartut” aamma ”Landstingets” imaalerlugu ”Inatsisartut”.

3.  Inatsisartut inatsisaanni tamarmi ”namminersornerusut” allanngortinneqassaaq imaalerlugu ”Namminersorlutik Oqartussat” aamma ”Namminersornerullutik Oqartussat” imaalerlugu ”Namminersorlutik Oqartussat”.

4. § 6, imm. 6-imi allanngortinneqassaaq ”Namminersornerullutik Oqartussat” imaalerlugu ”Namminersorlutik Oqartussat”.

5.  § 36, imm. 2, imatut oqaasertalerneqassaaq:
”Imm. 2.  Aningaasaateqarfiup naatsorsuutaannik kukkunersiuineq aammattaaq Namminersorlutik Oqartussani naatsorsuutinik saqqummiussisarnermut maleruagassat atuuttut malillugit ingerlanneqartassaaq.”

6.  § 44, imm. 1, imatut oqaasertalerneqassaaq:
”Aningaasaateqarfiup atorunnaarsinneqarnera taamaallaat Inatsisartut inatsisaani aalajangersaanermi pisinnaavoq.”

7.  § 50 imatut oqaasertalerneqassaaq:
”§ 50.  Ukiumi naatsorsuusiorfiusumi aatsitassarsiornermit isertitat 10 millioner koruuninit amerlanerusut ilaallutik nunap karsiata naatsorsuutaannik ukiut marluk tulleriit Inatsisartut akuersissuteqareernerisa kingorna, ukiup tulliani 1. januar imaluunniit piffissami siusinnerusumi Naalakkersuisut erseqqinnerusumik aalajagigaanni, Inatsisartut inatsisaat atuutilissaaq.
  Imm. 2.  Ulloq 1. januar 2016 atuutilersumik aningaasat imm. 1-imi taaneqartut ukiumut 10 millioner koruuniusut, ukiumi pineqartumi aningaasanut inatsimmi akinut aningaasarsianullu iluarsiinermut tunngaviusup nalinginnaasup qaffaataanut naapertuuttumik, iluarsineqassapput.
  Imm. 3. Imm. 1-imi piumasaqaatit naammassineqarpata, Inatsisartut inatsisaata atuutilernera pillugu nalunaarummik Naalakkersuisut saqqummiussissapput.”.

§ 2

Inatsisartut inatsisaat ulloq 1. januar 2016 atuutilerpoq.

Namminersorlutik Oqartussat, ulloq 9. december 2015

Kim Kielsen