§ 1

Inatsisartut inatsisaanni nr. 18, 31. oktober 1996-imeersumi, Inatsisartut inatsisaatigut nr. 5, 21. maj 2002-imi allanngortinneqartumi, kingullermillu Inatsisartut inatsisaatigut nr. 12, 3. december 2012-imi allanngortinneqartumi, imatut allannguisoqarpoq:

1.    § 10a imatut oqaasertalerneqarpoq:
”§ 10a.  Aalisariutit aalisarsinnaassusiisa aalisarsinnaanermi periarfissanut naleqqussarnissaat siunertaralugu akuersissutit tunniunneqartarnerat ingerlaannartarnerallu taakkunanilu atugassaritinneqartut pillugit Naalakkersuisut malittarisassaliorsinnaapput.
Imm. 2.  Naalakkersuisut imm. 1 malillugu sinerissap qanittuani aalisarnermi malittarisassiornermikkut piumasaqaatigisinnaavaat qinnuteqartoq siornatigut assingusumik akuersissuteqarsimanissaa, kiisalu qinnuteqartup ukiumi qaangiuttumi akuersissutiminik atuisimanissaa.
Imm. 3.  Naalakkersuisut imm. 1-imi 2-milu malittarisassat malillugit aalajangersaanermikkut inuit siusinnerusukkut inuussutissarsiutigalugu aalisarnissamik akuersissuteqarsimasut immikkut pisinnaavaat.”

2. § 10a kingorna ilanngunneqarpoq:
"§ 10b. Aalisakkat ilaannik aalisarsinnaaneq aalisarnermilu atugassaritinneqartut pillugit Naalakkersuisut malittarisassaliorsinnaapput.
Imm. 2. Aalisarnermi atugassaritinneqartut piffissami killilimmi allannguutaat pillugit Naalakkersuisut malittarisassaliorlutik nalunaaruteqarsinnaapput, aammalu aalisarneq qaqugukkut aallartinneqassanersoq aalisarnerlu qaqugukkut unitsinneqassanersoq Naalakkersuisut aamma malittarisassaliorlutik nalunaaruteqarsinnaallutik.
Imm. 3.  Imm. 2 malillugu nalunaarut Namminersorlutik Oqartussat nittartagaat kiisalu tusagassiuutit atorlugit avammut nalunaarutigineqassaaq.”

§ 2

Inatsisartut inatsisaat ulloq 4. juni 2015 atuutilersinneqarpoq.

Namminersorlutik Oqartussat, 3. juni 2015. 

Kim Kielsen