Quppernerup imai iserfigikkit
Oqaatsit toqqakkit
Ujaasinermut uterit
Inatsisit
Nr. 13
3. juunip 2015
Atuuttut

Pisortanut akiitsut akilersinniarneqartarnerat pinaveersaartinne­qarnissaallu pillugit Inatsisartut inatsisaata allanngortinneqarneranik Inatsisartut inat­sisaat
(Akilerneqarfissatut killiliussap ilanngunneqarnera)

§ 1

Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaanni nr. 3, 2. maj 1996-imeersumi, Inatsisartut inatsisaatigut nr. 6, 15. april 2011-meersukkut kingullermik allanngortinneqartumi makku allannguutigitinneqarput:

1.  § 3-p kingorna ilanngunneqarpoq:
§ 3 a.  Aningaasanik tunniunneqartussanik § 3, Kalaallit Nunaanni eqqartuussisarnermik inatsimmi § 625 imaluunniit Aningaasarsianit akileraarutit pillugit Inatsisartut inatsisaanni nr. § 101 naapertorlugu ilanngartuisup, qaammatisiutit malillugit qaammatip siuliani ilanngartuutigineqartut (akissarsianit ilanngaatigineqartut) qaammatip ulluisa kingusinnerpaamik 10-at nallertinnagu akileraaruseriffimmut nalunaarutigisussaavai. Qaammatip ulluisa 10-at arfininngorneruppat, sapaataappat nalliuttuuppalluunniit piffissariti¬≠taasoq ulluinnarmut tullermut qaninnermut sivitsorneqassaaq.
Imm. 2.  Ilanngartuisup ilanngartuinini ilutigalugu aningaasat ilanngartuutigineqartut qanoq amerlatiginerat akiligassalimmut allakkatigut nalunaarutigissavaa.
Imm. 3.  Aningaasat ilanngartuutigineqartut qaammatisiutit malillugit qaammatip tulliuttup aallaqqaataani akiligassanngussapput. Piffissaagallartillugu akiliiffissaq kingulleq tassaavoq qaammatip akiligassanngorfiup kingorna qaammatip tulliuttup ulluisa aallaqqaataat. Ulloq piffissaagallartillugu akiliiffissaq kingulleq arfininngorneruppat, sapaataappat nalliuttuuppal¬≠luunniit piffissarititaasoq ulluinnarmut tullermut sivitsorneqassaaq.”



§ 2

Inatsisartut inatsisaat 1. juni 2015-imi atuutilissaaq.



Namminersorlutik Oqartussat, ulloq 3. juni 2015



Kim Kielsen