Eqalunniarneq pillugu Namminersorlutik Oqartussat nalunaarutaat nr. 20, 25. august 2005-imeersumi § 9 imm. 2 aamma § 10 naapertorlugit aalajangersarneqarput:

Atuuffia

§ 1.  Qeqqata Kommuniani eqalunniarnermut ileqqoreqqusaq aqutsiveqarfinni, Sisimiuni Maniitsumilu, atuuppoq.
Imm. 2.  Aqutsiveqarfiit nunap assingatigut killilersugaapput, takuuk ilanngussaq 1.

Immikkoortortat eqqissisimatitat

§ 2.  2015-imi juunip 11-anit kuuit eqalunniarfigineqarnissamut ukiuni tallimani atuuttussamik immikkoortut ataaniittut eqqissisimatinneqassapput:
1)  Ikerasaarsuup Amerluata qinguata kuua, sumiiffimmi 66´49´2 N 53´03´5 V.
2)  Tinoqqasaap iluata kuua, sumiiffimmi 66´43´8 N 53´27´0 V.
Imm. 2.  Sumiiffiit, takuuk imm. 1, ilanngussami 2-mi takuneqarsinnaapput.

Qassusersornermi malittarisassat

§ 3.  Piffissami juulip aallaqqaataanit aggustip 31-ata tungaanut Aqutsiveqarfik Sisimiuni qassusersorluni eqalunniartoqarsinnaatitaavoq. Aqutsiveqarfik Maniitsumi juunip 15-ani septembarip 25-ata tungaanut qassusersorluni eqalunniartoqarsinnaatitaavoq.
Imm. 2.  Inuussutissarsiutigalugu aalisartut piniartullu aamma piffissami juunip 15-ianiit aggustip 31-ata tungaanut, Aqutsiveqarfik Sisimiuni eqaloqarfinni tullinnguuttuni qassusersorlutik eqalunniarsinnaatitaapput:
1)  Isortoq, sumiiffimmi 67´11´3N 53´48´5V  67´20´0N 52´35´0V.
2)  Itillip kangerluani Itinnermi, sumiffimmi 66´32´5N 52´30´5V 66´33´3N 52´25´2V.
3)  Ikertuumi Maligiami, sumiifiimmi 66´54´8N 52´35´2V 66´58´8N 52´26´5V.
Imm. 3.  Inuussutissarsiutigalugu aalisartut piniartullu qassusersorlutik aalisartut, takuuk imm. 2, inuussutissarsiutigalugu piniartuunermut allagartatik imaluunniit sinerissami qanittumi aalisarnissamut akuersissutitik nassartassavaat, nakkutilliisoqartillugu takutissinnaasariaqarlugu.

Pullatinik atuineq

§ 4.  Immikkut akuerineqarnissamik qinnuteqartoqartillugu, Aqutsiveqarfik Sisimiuni kuunni tullinnguuttuni pullatinik atuisoqarsinnaanissaanut Kommunalbestyrelsi immikkut akuersissuteqarsinnaavoq:
1)  Qeqertalimmi, Saqqaq kangerluani, ataasiarnermi amerlanerpaamik pullatit marlunnik, sumiiffimmi 66´49´8 N 52´40´3 V.
2)  Saqqap Kangerluarsuani, kuuk kujalleq, ataasiarnermi amerlanerpaamik pullat ataaseq,  sumiiffimmi 66´41´5 N 52´57´2 V.
3)  Kangermi Erfalimmi, ataasiarnermi amerlanerpaamik pullatit arfineq-pingasut, sumiiffimmi 66´24´1 N 53´36´5 V.
4)  Kangermi Sassannguani, ataasiarnermi amerlanerpaamik pullatit sisamat, sumiiffimmi 66´23´0 N 53´39´7 V.
5)  Kangermi Napiarissani, ataasiarnermi amerlanerpaamik pullatit sisamat, sumiiffimmi 66´´21´2 N 53´39´8 V.
6)  Itillip kangerluani Aasivinni, ataasiarnermi amerlanerpaamik pullatit pingasut,  sumiiffimmi 66´35´1 N 52´24´8 V.
7)  Kangermi Eqalunnguani, ataasiarnermi amerlanerpaamik pullatit sisamat, sumiiffimmi 66´17´3 N 53´38´1 V.
8)  Kangaarsummi Eqalunnguani, ataasiarnermi amerlanerpaamik pullatit marlunnik, sumiiffimmi 67´06´9 N 53´51´4 V.
9)  Isortumi Eqalusussuani, ataasiarnermi amerlanerpaamik pullatit sisamat, sumiifiimmi  67´20´5 N 53´09´1 V.
Imm. 2.  Imm. 1 naapertorlugu pullatit ilanngussaq 3-mut naapertuuttut kisimik aalisarnermut atorneqassapput.
Imm. 3.  Immikkut akuerineqarnissamik qinnuteqaatit Qeqqata Kommuniani Sisimiuni, Maniitsumi Teknikkimut Avatangiisinullu Immikkoortortamut imaluunniit nunaqarfinni kommunip allaffianut tunniunneqassapput.
Imm. 4.  Pullasersorluni aalisarnissamut akuersissut atasuinnarmik ulluni 14-ini atuuppoq, pullasersornermilu nassatarineqartuaannarlunilu, piumasarineqartillugulu takutinneqartassalluni.

Pineqaatissiinerit

§ 5.  § 2, imm. 1, § 3, kiisalu § 4, imm. 1, 2, aamma 4 ileqqoreqqusami uani unioqqutitsinermi, Kalaallit Nunaanni pinerluuteqarsimanermut inatsimmi malittarisassat naapertorlugit akiliisitsinermik arsaarinninnermillu kinguneqarsinnaavoq. Akiliisitsinerit arsaarinnissutillu Nunatta karsianut tussapput.

Atuutilersitsineq

§ 6.  Ileqqoreqqusaq una 2015-imi juuni-p 11-ani atuutilerpoq.
Imm. 2. Ilutigalugu tullinnguuttut atorunnaarsinneqarput:
1)  Sisimiut Kommuneani eqalunniarnermut ileqqoreqqusat 2007-imi juulip 16-iani atuutilersoq.
2)  Maniitsoq Kommuneani eqalunniarnermut ileqqoreqqusaq 1998-imi juulip 13-ianeersoq.

Taamaalilluni Qeqqata Kommuniani kommunalbestyrelsimit 28.05.2015 akuersissutigineqarpoq.

________________________

Hermann Berthelsen, Qeqqata Kommuniani Borgmesteri