§ 1

Inatsisartut inatsisaat nr. 7 ulloq 31. maj 2001-imeersoq sermip erngullu avammut nioqqutissatut atorneqarnissaat pillugu Inatsisartut inatsisaanni (sermip erngullu avammut nioqqutiginissaannut inatsit) makkua allanngortinneqassapput:

1.  Inatsisartut inatsisaanni tamarmi oqaaseq "Landsstyret" "Naalakkersuisut"-nut allanngortinneqassaaq.

2.  Inatsisartut inatsisaanni tamarmi oqaatsit "namminersornerullutik oqartussat" "namminersorlutik oqartussat"-nut kiisalu"namminersornerullutik oqartussat" "namminersorlutik oqartussat"-nut allanngortinneqassapput.

3.  § 18 imatut oqaasertaqassaaq:
Ӥ 18. Pisinnaatitsissummik pigisaqartut allallu Inatsisartut inatsisaannut ilaasut Naalakkersuisunut tunniuttussaavaat paasissutissat uppernarsaatilluunniit suliffeqarfiup pisortanit suliarineqarnerani pisariaqartinneqartut. Pisortat suliarinninnerata naammassineqarnissaa anguniarlugu Naalakkersuisut piginnaatitsissummik pigisaqartut peqqusinnaavaat paasissutissat pisariaqartitaasut nassiuteqqullugit.
Imm. 2. Pisinnaatitsissummik pigisaqartut suliaasimasut taakkulu inerneri ukiut tamaasa nalunaarutigisassavaat, matumani ilanngullugit ingerlatap avatangiisinut sunniutai. Nalunaartarnissamut piumasaqaatit akuersissutini aalajangersarneqartassapput.
Imm.3. Naalakkersuisut pisinnaatitsissumik pigisaqartup sulisumi entreprenųrit, kiffartuusinermi sulisuni kiisalu pilersuisuni assigisaallu akuersissuteqarnermut ilaatinneqartumut taamatullu inatsisartut inatsisaat tunngavigalugit sulianut ingerlataminnut avammullu tunioraanerminnut tunngatillugu paasissutissanik uppernarsaatinillu tunniussisarnissamut piumasaqaatinik aalajangersaasinnaapput.
Imm. 4. Naalakkersuisut pisinnaatitsissummik pigisaqartup sulisumi entreprenųrit, kiffartuusinermi silisuni kiisalu pilersuisuni assigisaallu pisinnaatitsissummut ilaatinneqartumut taamatullu inatsisartut inatsisaat tunngavigalugit sulianut ingerlataminnut avammullu tunioraanerminnut tunngatillugu paasissutissanik uppernarsaatinillu tunniussisarnissamut pisussaaffilerneqassanersorlu pillugu aalajangersaasinnaapput.”.

4.  § 29, imm. 2, nr. 3, imatut oqaasertaqassaaq:
”3)  § 12, imm. 1, § 13, § 18, imm. 2 imaluunniit 3, § 21, imm. 2, imaluunniit § 26 naapertorlugit nalunaarutigineqartutut piumasaqaatit sanioqquppai.”.

5.  § 29, imm. 2, nr. 4, imatut oqaasertaqassaaq:
”4)  § 10, imm. 2, imaluunniit § 17, imm. 1-imi peqqussutitut nalunaarsukkat imaluunniit § 18, imm. 1, 3 imaluunniit 4-mi peqqussutitut aamma aalajangiussatut nalunaarsukkat malittarinissaat ilaginnarpai.”.

§ 2

Imm. 1.  Inatsisartut inatsisaat atuutilissaaq ulloq 1. juli 2014.
Imm. 2.  Sermip erngullu avammut nioqqutissatut atorneqarnissaannut imaluunniit misissueqqaarnissamut akuersissutit Inatsisartut inatsisaata atuutilersinneratigut tunniunneqartut atuuttussaanertik ingerlatiinnassavaat. Kiisalu Inatsisartut inatsisaat akuersissutini taamaattuni, atuinissamut, akuersissutinitaamaattuni avammut nioqqutissatut atorneqarnissaannut pisinnaatitsissutit sermip erngullu avammut nioqqutiginissaannut inatsimmut ilaasut akuersissuteqarfigineqarsimasut inatsisartut inatsisaata atuutilernerani ingerlaannassapput.

Namminersorlutik Oqartussat, ulloq  15. maj 2014

Aleqa Hammond