Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaat nr. 9, 13. juni 1994-imeersumi § 15, imm. 3 naapertorlugu aalajangerneqarpoq:

Allagaatinik takunnissinnaatitaaneq pillugu qinnuteqaatit suliarineqartarneri

§ 1.  Pisuni immikkut ittuni, allagaatinik takunnissinnaatitaaneq pillugu qinnuteqaatinik suliarinninnermi aalajangiiviginninnernilu  Naalakkersuisunut saqqummiunneqartunut, Naalakkersuisut Siulittaasuata Naalakkersuisoqarfiani suliarineqassasut Naalakkersuisut Siulittaasuata Naalakkersuisoqarfia aalajangiisinnaavoq.

Atortuulersinnera

§ 2.  Nalunaarut manna atortuulersinneqarpoq ulloq 8. oktober 2012, aamma piffissaq taanna sioqqullugu saqqummiunneqartunut allagaatinik takunnissinnaatitaaneq pillugu qinnuteqaatinut, suli ulloq 8. oktober 2012-mi  naammassillugit suliarineqanngitsunut, atorneqarsinnaavoq.

Kalaallit Nunaanni Namminersorlutik Oqartussat, ulloq 1. oktober 2012

Kuupik Kleist

/

Peter Schultz