Ilageeqarneq pillugu Inatsisartut inatsisaanni nr. 9-mi, 19. maj 2010-meersumi aalajangersarneqarpoq:

§ 1.  Illoqarfiit ataasiakkaarlutik nunaqarfii ilanngullugit tassaapput palaseqarfiit, taamaattorli  tak. imm. 2.
Imm. 2. Ivittuut aamma Paamiut illoqarfii Paamiut palaseqarfianiipput.

§ 2.  Kommunit agguataarnerisa avataaniittuni ilagiit pillugit suliassat, ilagiit atuagaasa allattortarneri, nalunaarusiortarnerit il.il. pillugit suliassat ilanngullugit, domprovstimit suliarineqartassapput, taamaattorli tak. imm. 2. Qeqqani Tunumilu Provsteqarfimmi palasit arlaat ataaseq amerlanerusulluunniit suliassanik tamanik ilaannaannilluunniit isumaginnittussatut Domprovstip toqqarsinnaavai.
Imm.2.  Pituffimmut ilageeqarnikkut suliassat, atuagarsualerinerit, nalunaarusiortarnerit il.il. pillugit suliassat ilanngullugit Avannaani provstip isumagissavai. Avannaani provsteqarfimmi palasit arlaat ataaseq amerlanerusulluunniit suliassanik tamanik ilaannaannilluunniit  isumaginnittussatut Avannaani Provstip toqqarsinnaavai.

§ 3.  Nalunaarut manna 1. marts 2011-mi atuutilerpoq.
Imm.2.  Tamatumunnga peqatigitillugu Palaseqarfiit agguataarneri pillugit Namminersornerullutik Oqartussat nalunaarutaat nr. 1, 9. januar 2009-meersoq atorunnaarsinneqarpoq.

Namminersorlutik Oqartussat, ulloq 28. januar 2011.

Mimi Karlsen

/

Lise Lennert Olsen