§ 1

Nioqqutissanik eqqussuinermi akitsuutit pillugit Inatsisartut inatsisaanni nr. 18, 30. oktober 1992-imeersumut, Inatsisartut inatsisaanni nr. 14, 2. november 2006-imeersumi kingullermik allanngortinneqartumut ataani taaneqartut allanngortinneqassapput ima:

1. § 30-imi nutaatut ikkunneqassaaq imm. 4:
" Imm. 4.  Inuit akitsuuteqarfiusumut tikittut imalt. aallalersut, aningaasanik akiliutinillu atoriaannarnik 15.000 euro sinnerlugu nalilinnik nassataqartut peqquneqaqqaaratik unissapput misissortillutillu akileraaruseriffimmeersunullu aningaasat akiliutillu atoriaannaat tamaasa nalunaarutigissallugit pisussaapput”.

Imm. 4 tamatuma kingorna imm. 5-inngussaaq.

2. § 46-mi nutaatut ikkunneqassaaq imm. 5:
"Imm. 5.  Akiliutit atoriaannaat 15.000 euro sinnerlugu nalillit, § 30, imm. 4 naapertorlugu akileraaruseriffimmiut missuinerannut atatillugu nassaarineqartut taakkunannga arsaarinnissutigineqarsinnaapput. Arsaarinninneq pisinnaavoq, akiliutit atoriaannaat pinerluttulerinermi inatsit unioqqutillugu pissarsiarineqarsimasutut imalt. taamatut atorneqarnissaat aarleqqutigineqarpat. Arsaarinnittoqassatillugu, eqqartuussisarneq pillugu inatsisip kapitalia 37naapertorlugu arsaarinninneq ingerlanneqartassaaq.”

Imm. 5 tamatuma kingorna imm. 6-inngussaaq.

3.  Inatsimmi tamani oqaaseq ”Landsstyret” allanngortinneqassaaq ima: ”Naalakkersuisut”.

§ 2

Inatsisartut inatsisaat 1. juni 2010-mi atortuulersinneqassaaq.

Namminersorlutik Oqartussat ulloq 21. maj 2010

Kuupik Kleist

/

Palle Christiansen