Quppernerup imai iserfigikkit
Oqaatsit toqqakkit
Ujaasinermut uterit
Inatsisit
Nr. 1
16. maaji 2008
Atuuttut

Piniarneq aallaaniarnerlu pillugit Inatsisartut inatsisaata allanngortinnera pillugu Inatsisartut inatsisaat (Isertitat tamarmiusut tunngaviata, kommuninut pisinnaatitsinerup allanngortinneqarneri)

§ 1.

Piniarneq aallaaniarnerlu pillugit Inatsisartut inatsisaanni nr. 12 29. oktober 1999-imeersumi Inatsisartut inatsisaatigut nr. 11 12. november 2001-imeersukkut allanngortinneqartumi, inatsisartut inatsisaatigut nr. 9 15. april 2003-meersukkut allanngortinneqartumi makku allanngortinneqarput:

1. § 4, imm. 2, nr. 4, ima oqaasertalerneqassaaq:
4) piniarnermit, aallaaniarnermit aalisarnermillu isertitaqartunut isertitat tamarmiusut ikinnerpaamik 50%-iisa nalinginik, takukkilli litra a-c. Angallatit angallatip uuttuutaanut uppernarsaat naapertorlugu 210 BT-init (150 BRT-init) mikinerusut atorlugit aalisarnermit isertitat tamarmiusut piniarnermit, aallaaniarnermit aalisarnermillu isertitat tamarmiusut naatsorsuusiorneqarnerannut ilanngunneqassapput.
a) Akiliisitsilluni aallaaniartitsisarneq/tammajuitsussarsiniartitsilluni aallaaniartitsineq aalisartitsisarnerlu pillugit Namminersornerullutik Oqartussat nalunaarutaat malillugu akiliisitsilluni aallaaniartitsinermik aaqqissuussinermit imaluunniit akiliisitsilluni aallaaniartitsinermut atatillugu ilisimasortatut suliffeqarnermit pisut isertitatut tamarmiusutut naatsorsorneqarneranni ilanngunneqassapput.
b) Inuussutissarsiutigalugu piniarsinnaanermut allagartat pillugit Namminersornerullutik Oqartussat nalunaarutaat malillugu takornariartitsinermut imaluunniit pinngortitami misissuinermut imaluunniit ilisimatusarnermut atatillugu sullissinernit isertitat, piniarnermit, aallaaniarnermit aalisarnermillu isertitat tamarmiusut naatsorsorneranni imaluunniit isertitat tamarmiusut tamakkerlugit naatsorsorneranni ilanngunneqassanngillat.
c) Qinikkatut pisortanillu toqqakkatut suliassaqartitaanermit aningaasarsiat imaluunniit inuussutissarsiutigalugu piniartut kattuffiisa/peqatigiiffiisa siulersuisuini sulinermit aningaasarsiat, piniarnermit, aallaaniarnermit aalisarnermillu isertitat tamarmiusut naatsorsornerannut imaluunniit isertitat tamarmiusut tamakkerlugit natsorsornerannut ilanngunneqassanngillat.

2. § 4, imm. 4, ima:
Imm. 4. Piumasaqaatinit ukunanit immikkut akuersissuteqarnermik Naalakkersuisut nalunaaruteqarsinnaapput:
1) § 4, imm. 2, nr. 2-4, aamma imm. 3, inuk pineqartoq piffisat taaneqartut iluanni ilinniarnermik assigisaannilluunniit pissuteqartumik Kalaallit Nunaata avataaniikkallarsimappat imaluunniit qinnuteqartup Kalaallit Nunaannut atassuteqarnera naapertorlugu naapertuuttutut isigineqarpat.
2) § 4, imm. 2, nr. 4, inunnut maannamut pingaarnertut inuussutissarsiuteqarsimanngitsunut.
3) § 4, imm. 2, nr. 4, uppernarsarneqarsinnaappat pissutsit immikkut ittut kingunerannik isertitat annertussusissaannik piumasaqaat naammassineqarsinnaasimanngitsoq.
4) § 4, imm. 2, nr. 4, inunnut aalisarnermik, piniarnermik aallaaniarnermillu inuussutissarsiornermik pingaarnertut siusinnerusukkut inuussutissarsiuteqarsimasunut.

3.

§ 6 imm. 2, ima oqaasertalerneqassaaq:
Imm. 2. imm. 1 malillugu malittarisassiornermut atatillugu kommunit aalajangiisinnaanerannik Naalakkersuisut pisinnaatitsisinnaapput, takukkit § 4, imm. 1 aamma 2 nr. 1-4 kiisalu § 5, imm. 1 aamma 2.

 

§ 2

Inatsisartut inatsisaat atuutilerpoq ulloq 1. januar 2008.




Namminersornerullutik Oqartussat, ulloq 16. maj 2008




Hans Enoksen

/

Finn Karlsen