§ 1

Inuussutissarsiutinut ilinniartitaanerit inuussutissarsiutinullu pikkorissartitsisarnerit pillugit Inatsisartut peqqussutaata nr. 2, 31. maj 1999-imeersup Inatsisartut peqqussutaatigut nr. 11, 18. december 2003-meersukkut allanngortinneqartoq, imaattunik allannguuteqartinneqassaaq:

1. Inatsisartut peqqussutaata taaguutaa imatut oqaasertalerneqassaaq:
"Inuussutissarsiutinut ilinniartitaanerit inuussutissarsiutinullu pikkorissartitsisarnerit pillugit inatsisartut peqqussutaat"

2. Qulequtaq § 1 sioqqullugu, imatut oqaasertaqassaaq:

"Siunertaq"

3. Inatsisartut peqqussutaanni allassimasut "inuussutissarsiutinut ilinniartitaanermi pikkorissarneq" tamarmik allanngortinneqassapput: "pikkorissarnerit, inuussutissarsiutinut ilinniartitaanermut tunngasut".

4. § 3-mi allanngortinneqassaaq: "Kulturimut, Ilinniartitaanermut Ilisimatusarnermullu" imaalillugu: "Inuussutissarsiutinut ilinniartitaanerit".

5. Inatsisartut peqqussutaanni allassimasut " Kulturimut, Ilinniartitaanermut Ilisimatusarnermullu" tamarmik allanngortinneqassapput imaalillugit: "Ilinniartitaanermut Pisortaqarfik".

6. § 6, imm. 1-imi oqaaseqatigiinni siullerni, "ilinniartitaanerit nutaat" kingorna ivertinneqassaaq, akuersissutigisassavaat brancheudvalg-it ilinniartitaanermut pilersaarutinik inassuteqareernerisigut".

7. § 22, imm. 1, atorunnaarsinneqassaaq.

Imm. 2 taamaalilluni imm. 1-inngussaaq.

8. § 36 imatut oqaasertalerneqassaaq:
"Ilinniagaqartoq inuussutissarsiutinut ilinniartitaanermut atasumik sungiusaammik suliffeqartoq sungiusaammik sulinermini akissarsiaqartineqassaaq isumaqatigiissut atuuttoq naapertorlugu, aammalu immikkut tapiissutinik pisartagaqassalluni Inatsisartut ilinniartuunersiuteqartarnermut peqqussutaat naapertorlugu. Sungiusaammik suliffigineqartoq ataatsimoorussamik isumaqatigiissutaasunik tunngavissaqanngippat, ilinniagaqartoq minnerpaamik akissarsiaqarlunilu sulinermini atugassaqartinneqassaaq pisortat sulisitsisuini ilinniagaqartut sulinerminni atugassaqartitaanerat akissarsiaqartitaanerallu pillugu isumaqatigiissutaasut tunngavigalugit.
Stk. 2. Ilinniagaqartoq inuussutissarsiutinut ilinniartitaanerni atuartuusoq ilinniagarnersiuteqartinneqassaaq inatsisartut ilinniagaqarnersiuteqarneq pillugu peqqussutaat naapertorlugu."

9. § 47 sioqqullugu qulequtaasoq imatut oqaasertalerneqassaaq:

"Pikkorissaanerit inuussutissarsiutinut ilinniartitaanernut tunngasut".

10. § 47 imatut oqaasertalerneqassaq:
"§ 47. Aningaasanut inatsimmi aningaasaliissutaasimasut iluanni tapiissuteqartoqarsinnaavoq pikkorissaanernut inuussutissarsiutinut ilinniartitaanermut tunngasunut, suliamik ilinniagalinnut suliamillu ilinniagaqarsimanngitsunut sammititaasunut, tassungalu ilanngullugu suliffissaaleqisunut, annnerpaamik ingerlaqqiffiusumik naatsumilli inuussutissarsiutitsigut ilinniagaqarsimasunut. Aammattaaq inuussutissarsiutinut immikkut tapersersorniarneqartunut atatillugu pikkorissarnernut aningaasartuutaasunut tapiissuteqartoqarsinnaavoq, namminersortutut inuussutissarsiuteqartunut minnerusunik suliffiuteqartunut, inuussutissarsiutinut ilinniakkanik ingerlaqqiffiusunik sivikinnerusunik ilinniagaqarsimasunut.
Imm. 2. Pikkorissarnerit inuussutissarsiutinut ilinniartitaanernut ilinniarfinnit isumagineqassapput, aammalu tamanut ammasumik neqeroorutigineqassallutik, taamaattoq imm. 3 naapertorlugu.
Imm. 3. Taamaattoq imm. 2-mi taamatut allassimasoqaraluartoq inuussutissarsiutinut ilinniartitaanermut tunngasuni pikkorissarnernut tapiissuteqartoqarsinnaavoq, pikkorissaasartut allat neqeroorutaannut, pikkorissaanernik assingusunik inuussutissarsiutinut ilinniarfinnit neqerooruteqartoqanngippat. Tamatumalu saniatigut inuit ataasiakkaat pikkorissarnernut peqataanissaannut tapiissuteqartoqarsinnaavoq, inuussutissarsiutinut ilinniartitaanermut tunngasuni pikkorissarnernut inuussutissarsiutinut ilinniarfinnit neqeroorutigineqangitsunut.
Imm. 4. Sulisut sinniisaasa pikkorissartinneqarnerinut imaluunniit taakkunani peqataanermut tapiissutinik tunniussisoqarsinnaanngilaq.
Imm. 5. Taamaallaat qinnuteqartoqarnera tunngavigalugu tapiissuteqartoqarsinnaavoq."

11. § 49 imatut oqaasertalerneqassaaq:
" § 49. Naalakkersuisut maleruagassiorsinnaapput pikkorissaanerit tapiissuteqarfigineqarsinnaasut siunertaat pillugit, tapiissuteqartarnermi piumasarisat pillugit, tassungalu ilanngullugu tapiiffigineqarnissamut qinnuteqarnermi periusissat pillugit, tapiissutit annertussusissaat tunniunneqartarnerallu pillugu, tassunga ilanngullugit ullormut tunniunneqarsinnaasut annertussusissaat pillugu, aammalu pikkorissartitsisarnerni nalinginnaasumik maleruagassaqarnissaa pillugu."

§ 2

Inatsisartut peqqussutaat atortuulerpoq 1. juni 2008.

Hans Enoksen

/

Siverth K. Heilmann