§ 1

Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaanni nr. 3, 2. maj 1996-imeersumi, Inatsisartut inatsisaatigut nr. 3, 12. maj 2005-imeersukkut allanngortinneqartumi, makkua allannguutigitinneqarput:

1. § 1, imm. 2, imatut oqaasertalerneqarpoq:
"Imm. 2. Inatsisartut inatsisaat pisassarisanut Inatsisartut inatsisaat peqqussutaallu makkua tunngavigalugit pilersimasunut atuuppoq:
1) Aningaasarsianit akileraarutit pillugit Inatsisartut inatsisaat,
2) Akileraaruserinermik ingerlatsineq pillugu Inatsisartut inatsisaat,
3) Pappiaqqanik nalilinnik naqissusiinermi akitsuut pillugu Inatsisartut inatsisaat,
4) Eqquiniaasitsinermi akileraarutit pillugit Inatsisartut inatsisaat,
5) Aningaasanik ikisilluni pinnguaatinut akileraarut pillugu Inatsisartut inatsisaat,
6) Umiarsualivimmiinnermut aamma umiarsuit takornarianik angallassissutit ilaasunik angallassinerannut akileraarutit pillugit Inatsisartut inatsisaat,
7) Qamutit motorillit akileraarutaat pillugit Inatsisartut inatsisaat,
8) Raajanut akitsuutit pillugit Inatsisartut inatsisaat,
9) Inuussutissarsiutitigut ilinniagaqarnermut sulisitsisut akiliutaat pillugit Inatsisartut inatsisaat,
10) Sulisoqarnermut akitsuut pillugu Inatsisartut inatsisaat,
11) Imigassat ethanolimik akullit Kalaallit Nunaanni sananeqarsimasut akitsuutaat pillugit Inatsisartut inatsisaat,
12) Meeqqanut ileqqaakkat pillugit Inatsisartut inatsisaat,
13) Ilinniagaqarnersiutit pillugit Inatsisartut peqqussutaat,
14) Inuussutissarsiutinut ilinniartitaanerit inuussutissarsiutinullu pikkorissartitsisarnerit pillugit Inatsisartut peqqussutaat,
15) Meeqqanut akilersuutit il.il kiisalu meeravissiartaarnermi tapiissutit tunniunneqartarneri pillugit Inatsisartut peqqussutaat,
16) Pisortanit ikiorsiissutit pillugit Inatsisartut peqqussutaat,
17) Inissianik attartortitsisarneq pillugu Inatsisartut peqqussutaat,
18) Inissialiornermut tapersiissuteqartarneq pillugu Inatsisartut peqqussutaat,
19) Aalisarnermut, piniarnermut nunalerinermullu tapersiisarneq pillugu Inatsisartut peqqussutaat
20) Aalisarnermik, piniarnermillu inuussutissarsiutillit inuussutissarsiornerannik siuarsaaneq pillugu Inatsisartut peqqussutaat,
21) Nunalerinermut tapersiisarneq pillugu Inatsisartut peqqussutaat,
22) Aalisarnermut aningaasaliissutinut immikkoortitat pillugit Inatsisartut inatsisaat,
23) Kommunit inuussutissarsiutini il.il. aningaasaliinermikkut inuussutissarsiutinik ineriartortitseqataanissaminnut periarfissaat pillugit Inatsisartut inatsisissaat, aamma
24) Bibliotekeqarneq pillugu Inatsisartut peqqussutaat."

2. § 2 imatut oqaasertalerneqarpoq :
"§ 2. Pisassarisat § 3, imm. 4 aamma 5-imi taaneqartut pisassarisallu meeqqanut ileqqaakkat pillugit inatsit naapertorlugu, ilinniagaqarnersiutit pillugit Inatsisartut peqqussutaat, inuussutissarsiutinut ilinniartitaanerit inuussutissarsiutinullu pikkorissartitsisarnerit pillugit Inatsisartut peqqussutaat, pisortanit ikiorsiissutit pillugit Inatsisartut peqqussutaat, bibliotekeqarneq pillugu Inatsisartut peqqussutaat naapertorlugit kiisalu Namminersornerullutik Oqartussat kommunillu ulluunerani meeqqerivinnut pujoorfinnillu paaviaanernut akiliutinik pisassarisaat, Kalaallit Nunaanni eqqartuussisarnermik inatsimmi eqqartuussutinik il.il. naammassiniartarnermut malittarisassat malillugit pinngitsaaliinikkut akilersinneqarsinnaapput."

3. § 7, imm. 1-imi, "akileraarutit, akitsuutit aammalu inuussutissarsiutitigut ilinniagaqarnermut sulisitsisut akiliutaat" allanngortinneqarput imatut: "akileraarutit akitsuutillu".

§ 2

Inatsisartut inatsisaat 1. juli 2007-imi atuutilissaaq,pisassarisanullu atuutissalluni ullullu pine- qartup siornatigut imaluunniit kingornatigut pinngorsimanerat apeqqutaatinnagu.

Hans Enoksen

/

Josef Motzfeldt