§ 1

Kalaallit Nunaanni inuussutissarsiummik ingerlataqarneq pillugu Inatsisartut inatsisaanni nr. 12, 12. november 2001-imeersumi makku allannguutigitinneqassapput:

1. § 5, imm. 1, nr. 1 ima oqaasertalerneqassaaq:
"1) Erhvervs- og Selskabsstyrelsemi Kalaallit Nunaanni angerlarsimaffeqartumi nalunaarsorneqarsimagunik Kalaallillu Nunaanni Inuussutissarsiutinik Nalunaarsuiffimmut nalunaarutigineqarsimagunik,".

2. § 5, imm. 2, ima oqaasertalerneqassaaq:
"Imm. 2. Ingerlatseqatigiiffik pilersinneqarnermi nalaaniippat, imm. 1-imi aalajangersakkat apeqqutaatinnagit Erhvervs- og Selskabsstyrelsimut Kalaallillu Nunaanni Inuussutissarsiutinik Nalunaarsuiffimmut nalunaarutigineqarsimaguni suliffimmik ingerlatsisinnaavoq nalunaarsorneqarnissami tungaanut.".

3. § 5, imm. 3 oqaaseqatigiit aappaattut ilanngunneqassaaq:
"Ingerlatseqatigiiffiup Kalaallit Nunaanni Inuussutissarsiutinik Nalunaarsuiffimmut nalunaarutigineqarsimanissaa ilanngulluguttaaq piumasaqaataavoq.".

4. § 5, imm. 4-mi oqaaseqatigiit sisamaattut ilanngunneqassaaq:
"Immikkoortortat Kalaallit Nunaanni inuussutissarsiummik ingerlatsisinnaassagunik Kalaallit Nunaanni Inuussutissarsiutinik Nalunaarsuiffimmut nalunaarutigineqarsimassapput."

5. § 11 imm. 1, ima oqaasertalerneqassaaq:
"§ 11. § 12-imi oqaatigineqartutut pisut avataanni inuussutissarsiummik ingerlatsinissamut piumasaqaatit eqquutinneqarsimanngikkaluarpataluunniit nioqquteqarfiup aalaakkaasup avataani pajuttornikkut, qamutinit uniartakkanit, qamutinit pajuttuutinit, tupernit allatulluunniit utaqqiisaasumik nioqquteqarfinnit nioqquteqarnikkut, imaluunniit kalaaliminernik tuniniaavinnit il.il. nioqquteqarnikkut inuit inatsisitigullu pineqartut aamma nioqquteqarsinnaapput".

6. § 13-imi imm. 3-tut ilanngunneqassaaq:
"Imm. 3. Inatsimmi matumani aalajangersakkanit takornarianut sammititanit immikkut aaqqissuussinernut il.il. atatillugu Naalakkersuisut erseqqinnerusunik inuussutissarsiummik ingerlataqarnermik ilaatitsinnginnissamut malittarisassaliorsinnaapput.".

Inatsisartut inatsisaat ulloq 1. april 2006 atuutilissaaq.

Hans Enoksen

/

Siverth K. Heilmann