§ 1.

Inuussutissarsiummik Ingerlataqartunik Nalunaarsuiffik pillugu Inatsisartut inatsisaat nr. 10, 29. oktober 1999-imeersumi imatut allanngortitsisoqassaaq:

1. § 1-imi, oqaaseqatigiit aappaat ima oqaasertalerneqassaaq: "Inatsisartut inatsisaanni aalajangersakkat malillugit Naalakkersuisut Inuussutissarsiummik Ingerlataqartunik Nalunaarsuiffimmik ingerlatsisuussapput.".

2. § 5, imm. 2, ima oqaasertalerneqassaaq:
"Imm. 2. Naalakkersuisut imm. 1-imi normunik taaneqartunik tunniussisassapput."

3. § 7, imm. 1-imi oqaaseqatigiit aappaat imatut oqaasertalerneqassapput:
"Aqutsisoqatigiinnut ilaasortaassapput Naatsorsueqqissaartarfiup sinniisaa ataaseq, naalakkersuisoqarfiup nalunaarsuiffimmik allaffissornikkut ingerlatsisuusup sinniisaa ataaseq, ilaasortaq ataaseq Naalakkersuisut toqqagaat aamma ilaasortaq ataaseq Inuussutissarsiornermut Siunnersuisoqatigiit inassuteqarneratigut toqqarneqartoq."

4. § 9-mi, "Naatsorsueqqissaartarfik" imaalillugu allanngortinneqassaaq "Naalakkersuisut".

5. § 10, imm. 1-imi, "Naatsorsueqqissaartarfik" imaalillugu allanngortinneqassaaq "Naalakkersuisut".

6. § 11-mi, "Naatsorsueqqissaartarfik" imaalillugu allanngortinneqassaaq "Naalakkersuisut".

§ 2.

Inatsisartut inatsisaat ulloq 1. januar 2005-imi atuutilissaaq.

Hans Enoksen

/

Johan Lund Olsen