§ 1.

Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaanni nr. 11, 11. november 2000-imeersumi makku allannguutigitinneqassapput:

1. § 1-imi imm. 6-itut ilanngunneqassaaq:
"Imm. 6. Inatsimmi uani nioqquteqarneq tassaavoq ulluinnarni nioqqutissanik ataasiakkaanik niuertarfinniit nioqquteqarneq."

2. § 2, imm. 2-mi peerpoq: "§ 2 malillugu".

3. § 4, imm. 3 oqaasertalerneqassaaq imatut:
"Imm. 3. Naalakkersuisut akuersiseqqaarnagit sassaallersinnaanermut akuersissutit ingerlatseqatigiiffinnut il.il. aatsaat tunniunneqarsinnaapput pissutissaatitaasut allat tamarmik eqquutsinneqarsimappata aammalu ingerlatseqatigiiffiit ileqqoreqqusaanni aalajangersarneqarsimappat aktiaatit, piginneqataanermut uppernarsaatit il.il. kimulluunniit imigassanik aalakoornartortalinnik kimittuunik kimikitsunilluunniit tunisassiortunut nioqquteqartunullu tigusassanngortinneqaratilluunniit tunniunneqassanngitsut, aktiaatit, piginneqataanermut uppernarsaatit il.il. tamarmik piginnittup aqqanut allassimassasut taamatullu allattorneqassasut tunniussinissarlu siulersuisunit akuerineqaqqaarsimassasoq."

4. § 4, imm. 9 oqaasertalerneqassaaq imatut:
"Imm. 9. Naalakkersuisut akuersiseqqaarnagit sassaallersinnaanermut akuersissummik pigisaqartut suliffinnilu sassaallersinnaanermut akuersissummik pigisaqartuni pisortaatitat kimilluunniit imigassanik kimittuunik kimikitsunilluunniit tunisassiortunit nioqquteqartunilluunniit taarsigassarsianik tigusaqassanngillat, matumanittaaq pequtinik attartussanatik, aallaqqaasiutissinneqassanatik nalinginnaasuunngitsumilluunniit akiligassaqalersussanngussanatik. Aammattaaq Naalakkersuisut akuersiseqqaartinnagit pineqartut imminnut pisussaaffilissanngillat naammassineqarnissaat kimilluunniit imigassanik kimittuunik kimikitsunilluunniit tunisassiortumit nioqquteqartartumilluunniit qularnaveeqqusiivigineqartunik."

5. § 4, imm. 12 oqaasertalerneqassaaq imatut:
"Imm. 12. Naalakkersuisut akuersiseqqaartinnagit inuit imaluunniit ingerlatseqatigiiffiit il.il. imigassanik kimittuunik kimikitsunilluunniit tunisassiortut nioqquteqartulluunniit, imaluunniit ingerlatseqatigiiffinni il.il. imigassanik kimittuunik kimikitsunilluunniit tunisassiortuni nioqquteqartuniluunniit pisortaanernut siulersuisunulluunniit ilaasut sassaallernissamut akuersissummik tunineqarsinnaanngillat."

6. § 11, imm. 1-imi peerpoq: "taamaattoq tak. imm. 3."

7. § 12, imm. 2-mi peerpoq: "taamaattoq tak. imm. 3."

8. § 27, imm. 1-imi oqaaseqatigiinni siullerni "§ 3, imm. 1-imi oqaaseqatigiit aappaat" allanngortinneqarpoq uunga: "§ 3, imm. 2-mi oqaaseqatigiit appaat."

§ 2.

Inatsisartut inatsisaat ulloq 1. juni 2001 atortuulerpoq.

Namminersornerullutik Oqartussat, ulloq 31. maj 2001

Jonathan Motzfeldt

/

Simon Olsen