Peqqinnissaqarfiup aqunneqarnera aaqqissuussaaneralu pillugit Inatsisartut peqqussutaanni nr. 3, 23. maj 2000-imeersumi § 3 naapertorlugu aalajangersarneqarput:

§ 1. Pinaveersaartitsinermut ataatsimiititaliap ilaasortarai napparsimmavimmit/peqqissaavim-mit peqqinnissamik sulialik ataaseq, kigutileriffimmit peqqinnissamik sulialik ataaseq, pinaveersaartitsinermut siunnersorti kiisalu meeqqat atuarfiannit aqutsisuniit, politiinit, isumaginninnermik ingerlatsivimmit aamma pinerluuteqarsimasunik isumaginnittoqarfimmit ataaseq. Ataatsimiisitaliap ilaasortai oqartussanit susassaqartunit pineqartunit inassutigineqassapput.
Imm. 2. Anguniarneqassaaq ataatsimiititaliamut ilaasortat suliassanut naleqquttunik soqutigisaqarlutillu ilisimasaqarnissaat.
Imm. 3. Pinaveersaartitsinermut ataatsimiititaliat sulinerminni oqartussat peqataatitaqartut aalajangiisinnaatitaanerat najoqqutarissavaat.

§ 2. Pinaveersaartitsinermut ataatsimiititaliat akunnerminni siulittaasussaminnik allatsissaminnillu toqqaassapput suleriaasissatillu namminneq aalajangersassallugit.
Imm. 2. Pinaveersaartitsinermut ataatsimiititaliaq ikinnerpaamik qaammatit pingasukkaarlugit ataatsimiittassaaq.
Imm. 3. Napparsimmavimmiit/peqqissaavimmiit sinniisuusoq ataatsimiinnermut siullermut qaaqqusissaaq.

§ 3. Pinaveersaartitsinermut ataatsimiititaliat pinaveersaartitsineq peqqinnerulersitsiniarnerlu pillugit ukiumoortumik iliuusissanik pilersaarusiortassapput. Iliuusissanik pilersaarut ukiut tamaasa novembarip aallaqqaataa tikitsinnagu PAARISA, Postboks 1160, 3900 Nuuk-mut nassiunneqartassaaq.
Imm. 2. Iliuusissatut pilersaarut kommunalbestyrelsimut saqqummiunneqartassaaq.

§ 4. Nalunaarut ulloq 1. juuni 2001 atuutilerpoq.

Namminersornerullutik Oqartussat, 18. maj 2001.

Alfred Jakobsen

/

Jørgen Dreyer