Kalaallit Nunaanni pinngortitamik allanngutsaaliuineq pillugu landstingip inatsisaani nr. 11-imi, 12. november 1980-imeersumi § 3, imm. 1, nr. 2 aamma § 19 naapertorlugit aalajangersarneqarpoq:

§ 1. Nuup Kommuniani qeqertaq Akilia qeqertami nunap sananeqaataa ilisimatuussutsikkut pingaarutilik illersorniarlugu eqqissisimatitassanngortinneqassasoq.
Imm. 2. Qeqertaq nunap assinganut ilanngussami nalunaagaavoq aammalu allorniusanit kip-pasissutsinit avannarpasissutsinillu ukuninnga killeqartut iluanniilluni 51^o35§00"V, 51^o45§00"V, 63^o 57§=00"N, 63^o59§00"N, asseq ilanngunneqarfia: 63 V 1, Kangerluarsoruseq (Færingehavn), 1: 250.000. Geodætisk Institut 1982.

§ 2. Kikkulluunniit qeqertamukarsinnaapput, § 1, imm. 1-imi taaneqartut mianeralugit.

Aatsitassanik ujaqqanillu assigiingitsunik piiaallunilu katersineq

§ 3. Sakkuutit kemikalialluunniit atorlugit aatsitassanik ujaqqanilluunniit assigiinngitsunik piiaaneq inerteqqutaavoq. Tamanna aamma qillerinikkut, qaartitsinikkut, pilattornikkut, qussarnikkut il.il. piiaanermut atuuppoq.
Imm. 2. Qeqertami sanaartorneq, assaaneq imaluunniit innermik ikumatitsineq inerteqqutaavoq.

§ 4. Ujaqqanik tamanik, taakkununnga ilanngullugit aatsitassat, ujaqqat assigiingitsut aammalu kaanngarsimasut suulluunniit katersornissaat inerteqqutaavoq.

§ 5. Naalakkersuisut qinnuteqartoqarneratigut aatsitassanik ujaqqanillu assigiinngitsunik mi-siligutissanik ilisimatuussutsimut atorneqartussanik tigusisoqarnissaanut akuersissummik tunniussisinnaapput. Qinnuteqartup qanoq iliorluni qanorlu annertutigisumik misiligutissamik, kiisalu ujaqqamik qanoq ittumik tigusinissani nalunaarlugu suliariniakkami allaaserineranik tunniussaqassaaq.

Eqqagassanik, atortunik nalunaaqutsersuutinillu igitsisarneq

§ 6. Eqqagassanik, nalunaaqutsersuutinik aammalu ilisimatuutut atortunik sunilluunniit qi-matsinissaq inerteqqutaavoq.

Pineqaatissiisinnaanermik atortuulersitsinermillu aalajangersakkat

§ 7. §-ini 2-mi, 3-mi, 4-mi aamma 6-imi aalajangersakkanik unioqqutitsineq mianersoqquneqarnermik akiliisitaanermilluunniit kinguneqarsinnaavoq.

§ 8. Pinerluttulerinermi inatsimmi aalajangersakkat taamatuttaaq atorneqartassapput.

§ 9. Nalunaarut atuutilerpoq 15. november 1998.

Namminersornerullutik Oqartussat, ulloq 1. november 1998.

Marianne Jensen

/

Søren Hald Møller

Ilanngussaq (Qarasaasiatigut pigineqanngilaq)