§ 1. Nunaqarfiit innaallagissamik imermillu pilersorneqarnerannut akisussaaneq Namminersornerullutik Oqartussat kommuninit tiguvaat.

§ 2. Atuisut innaallagissamik, imermik kiammillu pisortanit pilersorneqarnerat Nukissiorfiit isumagisaraat.

§ 3. Kommunini atorfeqartut eqqarsaatigalugit ataatsimut isumaqatigiissutit, akissarsiatigut sulinermilu atugarisat pillugit aalajangersakkat naalakkersuisunit aalajangersarneqarsimasut akuerineqarsimasulluunniit, aamma ataasiakkaarluni akissarsiatigut sulinermilu atugarisat pillugit isumaqatigiissutit naapertorlugit pisinnaatitaaffiit pisussaatitaaffiillu inatsisip atulernerani atuuttut Nukissiorfinnit tiguneqarput.

§ 4. Inatsisartut inatsisaat manna 1. januar 1998 atulerpoq.

Imm. 2. Peqatigitillugu nunaqarfinni innaallagissiorfinnik, imeqarfinnik tunisassiorfinnillu sanaartornermut tapiissutit pillugit inatsisartut ileqqoreqqusaat nr. 1, 24. oktober 1979-imeersoq, nunaqarfinni innaallagissiorfîit, imeqarfiit tunisassiorfiillu pilersinneqarnissaannut tapiissutit pillugit Namminersornerullutik Oqartussat nalunaamtaat nr. 3, 18. marts 1981-imeersoq, nunaqarfinni innaallagissap sarfaanik pilersuineq pillugu inatsisartut inatsisaat nr. 10, 28. oktober 1985-imeersoq, aammalu nunaqarfinni innaallagissap sarfaanik pilersuinennut tapiisarneq pillugu Namminersornerullutik Oqartussat nalunaarutaat nr. 5, 5. marts 1986-imeersoq, atorunnaarput.

Imm. 3. Malittarisassat imm. 2-mi taaneqartut malillugit kommunit ileqqoreqqusaliaat atorunnaarput, taamaattorli atuinermik killilersuinermut aalajangersakkat nutaanik taarserneqarnissamik atorunnaarnissamilluuniit tungaannut atuutiinnassallutik.

Imm. 4. Pilersitsinermut malittarisassani imm. 2-mi taaneqartuni atugassarititaasut sanaartukkanut inatsisip atuutilinnginnerani aallartinneqartunut atuupput.

Namminersornerullutik Oqartussat, ulloq 6. november 1997.

Jonathan Motzfeldt

/

Mikael Petersen