§ 1

Aalisarneq pillugu Inatsisartut inatsisaanni nr. 18, 31. oktober 1996-imeersumi makku allanngortinneqarput:

1. § 27-imi imm. 2, 3, 4, 5 aamma imm. 6-itut ilanngunneqassapput:
"Imm. 2. Kalaallit Nunaanni Aalisarsinnaanermut Akuersissutinik Nakkutilliisoqarfik pisussaavoq akuersissutini, inatsit tunngavigalugu tunniunneqartuni, piumasaqaatit malinneqarnerat nakkutigissallugu.
Imm. 3. Piniarnermut aalisarnermullu nakkutilliisut inuillu allat naalakkersuisunit taamaaliornissamut piginnaatitaasut toqqarneqartullu angallatinut aalisarnermut aalisakkanillu assartuinermut atorneqartunut ikisinnaatitaapput tassungalu atatillugu pisarineqarsimasunik kiisalu aalisarnermut atortunik misissuisinnaatitaallutik.
Imm. 4. Piniarnermut aalisarnermullu nakkutilliisut inuillu allat naalakkersuisunit taamaaliornissamut piginnaatitaasut toqqarneqartullu piumasaqarsinnaapput inuk aalisarsinnaatitaanersoq atuuttumik kinaassutsimut uppernarsaammik takutitseqqullugu.
Imm. 5. Piginnaatitaaffiit imm. 3 aamma 4-mi taaneqartut siumut eqqartuussiviit akuersiseqqaarnagit ingerlanneqarsinnaapput pissusissamisoortumik kinaassutsimut uppernarsaammik takutitsinikkut.
Imm. 6. Naalakkersuisut imm. 3 aamma 4 malillugit aalisarsinnaanermut akuersissutinik nakkutilliisut, piniarnermut aalisarnermullu nakkutilliisut imaluunniit inuit immikkut piginnaaffilerneqartut pisinnaatitaaffiinut suliassaannullu erseqqinnerusunik maleruagassanik aalaj angersaasinnaapput. Inatsimmi aalaj angersakkat inatsillu malillugu maleruagassaliarineqartut malinneqarnerannut suliassat nakkutilliinennik ilaqassappata suliassat aalajangersarneqassapput naalagaaffimmi oqartussaasut oqaloqatigeqqaarlugit.

2. § 28-imi imm. 2-tut ilanngunneqassaaq:
"Imm. 2. Aalisarnermik nakkutilliisut politiillu piginnaatitaaffii eqqartuussiviit akuersiseqqaarnagit ingerlanneqarsinnaapput."

§ 2

Inatsisartut inatsisaat atuutilerpoq ulloq 1. december 1997.

Namminersornerullutik Oqartussat, 6. november 1997.

Jonathan Motzfeldt

/

Pâviâraq Heilmann