§ 1

Aningaaserivinni ileqqaakkat akileraarutitigut oqilisaaffigineqarnissaat pillugu Inatsisartut inatsisaanni nr. 2, 6. maj 1989-imeersumi, Inatsisartut inatsisaatigut nr. 15, 30. oktober 1992-imeersukkut allanngortinneqartumi, makku allanngortinneqassapput:

1. § 1, imm. 2, nr. 6-imi oqaaseqatigiit aappaat ima oqaasertaqassaaq:
"Matumani aningaaseriviit, sillimmasiisarfiit, aningaasaliisarfiit peqatigiiffiillu aningaasaliisartut inuussutissarsiummik ingerlataqartutut isigineqanngillat."

2. § 2 a, imm. 1-imi "§ 1, imm. 2, nr. 1-imiit 3-mut" imaalineqassaaq: "§ 1, imm. 2, nr. 1-imiit 3-mut aamma 5-imiit 6-imut"

3. § 2 a, imm. 2, oqaaseqatigiit aappaanni "ukiut 5-t" imaalineqassaaq: "ukiut 10-t"

4. § 5, imm. 2 -mi "50.000 koruuniusinnaapput." imaalineqassaaq: "100.000 koruuniusinnaapput."

§ 2

Inatsisartut inatsisaat atuutilissaaq 1. januar 1998-imi.

Namminersornerullutik Oqartussat, ulloq 6. november 1997.

Jonathan Motzfeldt

/

Daniel Skifte