Piniarneq aallaaniarnerlu pillugit inatsisartut inatsisaanni nr. 17-imi, 31. oktober 1996-imeersumi § 5, imm. 1, nr. 6 malillugu aalajangersarneqarput:

§ 1. Arfernik angisuunik piniarneq pillugu Namminersornerullutik Oqartussat nalunaarutaanni nr. 9-mi, 6. april 1995-imeersumi § 10, imm. 1-3 apeqqutaatinnagit qamutillit tuukkartallit arfanniarnermut atorneqassanngillat nalunaarutip matuma atuutilerfiata kingornatigut KlS-imit (angallatit pillugit siunnersorteqarfik) imaluunniit suliffeqarfimmit Naalakkersuisunit akuerisaasumit allamit nutaamik misissorneqareersimatinnagit akuersissuteqarfigineqareersimatinnagillu.

§ 2. Nalunaamt una 24. oktober 1997 atuutilerpoq atorunnaassallunilu angallatit tamarmik arfernik angisuunik piniarnermut qamutilinnik tuukkartalinnik atortoqartut misissorneqareerpata akuersissutigineqareerlutillu.

Namminersornerullutik Oqartussat, ulloq 24. oktober 1997

Pâviâraq Heilmann

/

Peder Munk Pedersen