Kapitali 1
Kommunalbestyrelsimut qinersineq

Qinersisinnaatitaaneq qinigaasinnaanerlu

§ 1. Kommunalbestyrelsimut qinersisinnaatitaavoq § 2-mi eqqaaneqartut eqqaassanngikkaanni kinaluunniit folketingimut qinersisinnaanermut ukiussarititaasunik naammatsitsisimasoq aammalu qinersinissaq sioqqullugu sap. akunnerini arfínilinni kommunimi pineqartumi aalajangersimasumik najugaqarsimasoq aammalu
1) qallunaatut innuttaassuseqartoq aammalu qinersinissaq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq imaluunniit
2) qinersinissaq sioqqullugu sivikinnerpaamik ukiuni pingasuni naalagaaffimmi aamma sivikinnerpaamik qaammatini arfmilinni Kalaallit Nunaanni aalajangersimasumik najugaqarsimasoq.
Imm. 2. Kommunalbestyrelsimut ilaasortaq kinaluunniit kommunalbestyrelsimut ilaasortaanerminut atatillugu nuna tamakkerlugu soqutigisaqaqatigiit kattuffiannut, kommunimi allami angerlarsimaffeqartumi, piffissaq tamaat siulittaasussatut toqqarneqartoq, kommunimi qimatamini taasisinnaatitaavoq.

§ 2. Inuit eqqartuussivikkoortumik Kalaallit Nunaanni atuuttussatut aalajangikkamik nammineersinnaajunnaarsitaasimasut qinersisinnaatitaanngillat.

§ 3. Kinaluunniit qinersisartut allassimaffiannut ilanngunneqarsimatinnani qinersisinnaatitaanngilaq.

§ 4. Kommunalbestyrelsimut qinigaasinnaatitaavoq kinaluunniit § 1 naapertorlugu tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi kommunalbestyrelsimut ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni. Piffissaliussat taaneqartut ullormit qinersivimmiit atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut pineqaatissinneqarsimanini pissutigalugu qinigaasinnaannginnera pillugu akerliliisoqaraluarpalluunniit.

§ 5. Kommunalbestyrelsimut qinersinermi kommunit tamarmik qinersivik ataasiupput.
Imm. 2. Kommunit tusarniaavigineqareerneratigut taasiartorfissat amerlassusissaat aammalu qinersivinni ataasiakkaani kommunalbestyrelsimi ilaasortat amerlassusissaat Naalakkersuisut aalaj angersassavaat.

§ 6. Kommunalbestyrelsimut ilaasortat ukiuni sisamani ilaasortaasussatut qinigaassapput, tamarmillu ataatsikkut tunuassallutik, taamaattorli takuuk § 50.
Imm. 2. Qinigaaffik majip aallaqqaataaniit naatsorsuunneqartassaaq, qinersinerlu pissalluni aprilimi ullumi Qinersinermut ataatsimiititaliamit aalajangerneqartumi.

 

Qinersinermut piareersaanerit

§ 7. Qinersineq Qinersinermut ataatsimiititaliamit siulersorneqassaaq.
Imm. 2. Qinersinermut ataatsimiititaliap allattuiffigissavaa qinersinermik allattaavik, tassani allanneqassallutik suut qinersinermut pingaaruteqarnerusut, taakkununnga ilanngullugit qinigassanngortitat partiillu pillugit paasissutissat aammalu qinersinerup naatsorsorneqarnera.
Imm. 3. Qinersinermut ataatsimiititaliap qinersinermik siulersuisunut sapinngisamik piaartumik nalunaarutigissavaa ullormi sumi qinersineq ingerlanneqassanersoq aammalu qinigassanngortitanik nalunaarutit qaqugu tunniunneqassanersut.
Imm. 4. Qinersivinni tamani qinersineq piareersarneqarlunilu siulersorneqassaaq qinersinermik siulersuisunit aamma taaguinermik siulersuisunit §§8 aamma 9 naapertorlugit toqqarneqartunit.

§ 8. Qinersineq qinersivinni tamani qinersinermik siulersuisunit piareersarneqarlunilu siulersorneqassaaq.
Imm. 2. Qinersinermik siulersuisunut ilaasortaassapput borgmesteri aamma kommunalbestyrelsimut ilaasortat ikinnerpaamik marluk kommunalbestyrelsimit qinerneqarsimasut. Borgmesteri qinersinermik siulersuisunut siulittaasuussaaq.
Imm. 3. Qinersinermik siulersuisunut ilaasortaq tunuarpat kommunalbestyrelsi ilaasortami akornannit tunuartup taartissaanik toqqaassaaq.
Imm. 4. Borgmesteri qinersinermik siulersuisunit tunuarpat taakku ilaasortamik akornannit siulittaasussaminnik nutaamik toqqaassapput.

§ 9. Qinersinermik siulersuisut qinersivimmi taasiartorfissanut ataasiakkaanut tamanut inunnik qinersisinnaatitaasunik taasiartorfissani pineqartuni taaguinermik siulersuisussanik toqqaassapput aammalu immaqa qinersisartunik qinersinerup ingerlanneqarnerani ikiuuttussanik aalajangersimasumik amerlassuseqartitaminnik toqqaassallutik.
Imm. 2. Taaguinermik siulersuisussaq qinigassanngortippat qinersinermik siulersuisut taaguinermik siulersuisussamik nutaamik toqqaassapput.

§ 10. Inuit § 8, imm. 2 aamma § 9 naapertorlugit toqqarneqartut taamatut suliassinneqarnerminnut akuersinissaminnut pisussaapput.
Imm. 2. Kommunalbestyrelsip inuit § 9 naapertorlugu toqqarneqartut qinersinerup ingerlanneqarneranut atatillugu suliaqarnerannut aningaasarsiaqartissavai. Aningaasarsisitsisoqartassaaq kommuninik aqutsineq pillugu Inatsisartut inatsisaanni aaliangersakkat malillugit.

§ 11. Qinersinermik siulersuisut Qinersinermut ataatsimiititaliamiit nalunaarfigineqarsimanertik naapertorlugu piffissaq taasiffissaq piaarnerpaamik nalunaarutigisassavaat, tak. § 7, imm. 3. Tamatumunnga peqatigitillugu nalunaarutigineqassapput taasiartorfissat ataasiakkaat inuillu taasiartorfissani ataasiakkaani taaguinermik siulersuisussatut toqqarneqarsimasut aqqi kiisalu kommunalbestyrelsimut ilaasortatut qinerneqartussat amerlassusiat aammalu piffissaq qinigassanngortitanik nalunaarutinik tunniussivigineqareersimasussaq.
Imm. 2. Qinersinermik siulersuisut taaguinermilu siulersuisut qinersinermik allattaavinnik Qinersinermut ataatsimiititaliamit nassiunneqarsimasunik, qinersinermut tunngassutillit pingaaruteqarnerasut allattorsimaffiannik, allattaaveqartassapput taakkunanilu ilanngullugit qinigassanngortitanik nalunaarutit tunniunneqarsimasut, taasiviit atorsinnaasut amerlassusii, taasiviit atorsinnaanngitsut amerlassusii aammalu sooq atorsinnaannginnerinut pissutaasut, kiisalu qinersinerup inernerata inaarutaasumik naatsorsornera pillugu paasissutissat allattomeqartassapput, taasiartorfinnilu tamani immikkut taamaaliortoqartassaaq.
Imm. 3. Taaguinermik siulersuisut suut tamarmik taasinissamut aaqqissuunneqareersimanissaat isumagisassavaat, pingaartumillu qinersisussat allassimaffiata pappiarallu taasiviit piareersimanissaat isumagisassallugu, aammalu inini qinersivinni tamani ineeqqamik taasivissamik aammalu qinersinemut tamanut karsimik taasivimmik nakkartitsivissamik peqarnissaa.
Imm. 4. Imm. 1 naapertorlugu tamanut nalunaaruteqartameq allagarsiinikkut qinersinermilu siulersuisut erseqqinnerusumik aalajangiinera malillugit pisassaaq.

§ 12. Qinersinissamut qinigassanngortittut kisimiillutik qinigassanngortittutut, kisimiillutik qinigassanngortillutikkattusseqatigiittut, tak. § 14, imaluunniit partii qinigassanngortitsisinnaasoq, tak. Inatsisartunut qinersisameq pillugu inatsisartut inatsisaat, sinnerlugu qinigassanngortissinnaapput.

§ 13. Partii sinnerlugu qinigassanngortittut nalunaarutigineqarnerat Qinersinermut ataatsimiititaliap partiinut nalunaarsuiffissatut allaffissiaatigut pisassaaq. Nalunaarut qinersivimmi taaguinermik siulersuisumut tunniunneqareersimassaaq kingusinnerpaamik qinersinissaq sapaatip akunnerinik pingasunik sioqqullugu nal. 12.00.
Imm. 2. Partiimik qinigassanngortitsinermut nalunaarsuiffimmi qinigassanngortittut aqqi, inuuii, atorfii najugaalu allassimassapput. Qinigassanngortittut qinersinissamut qinigassanngortinnertik namminneq atsiorlutik uppernarsarsimassavaat. Nalunaarummi namminermi imaluunniit taassuma assilineqarnerani atsiortoqarsinnaavoq.
Imm. 3. Partiinut nalunaarsuiffiit nalunaarutigineqameri partiimi oqartussaasunit, partiip malittarisassai malillugit kommunalbestyrelsinut qinersinermut qinigassanngortitsinissamut akuerineqarsimasunit, atsiomeqarsimassapput. Partiit qinigassanngortitsmermik akuersissutaat partiinut nalunaarsuiffíit assilineqarnerisa atsíornernik qulaani taaneqartunik ilaqartillugit taaguinermi siulersuisumut nassiunneqarnerisigut pisinnaapput.
Imm. 4. Partiit qinigassanngorteqatigiinnissamik isumaqatigiissuteqarsinnaanngillat.

§ 14. Qinigassanngortittunik partiit avataanni qinigassanngortitanik nalunaarut Qinersinermut ataatsimiititaliap qinigassanngortittut pillugit allaffissiaasigut nalunaarutigineqartassaaq, taaguinermilu siulersuisumut tunniunneqarsimassalluni § 13, imm. 1-imi piffíssaritinneqartoq sioqqullugu.
Imm. 2. Qinigassanngortitamik nalunaarummiissapput, qinigassanngortittup aqqa, inuuia, atorfia najugaalu. Qinigassanngortittut qinersinissamut qinigassanngortinneqarnertik namminneq atsiorlutik uppernarsarsimasassavaat. Nalunaarummi namminermi imaluunniit taassuma assilineqarnerani atsiortoqarsinnaavoq.
Imm. 3. Partiit avataanni qinigassanngortittut marluk amerlanerusulluunniit kattusseqatigiinnikkut tapersersoqatigiinniarlutik isumaqatigiissinnaapput. Qinigassanngortitaq ataaseq kattusseqatigiinni ataasiinnarni peqataasinnaavoq. Qinigassanngortitap qinigassanngortitaq alla ataaseq amerlanerusulluunniit kattusseqatigisimappagit nalunaarummi tamanna taaneqarsimassaaq. Qinigassanngortitat kattusseqateqarnissartik atsiorlutik akuersissutigisimassavaat. Akuersissutit nalunaarummi namminermi taassumaluunniit assilinerini nalunaarutigineqarsinnaapput.

§ 15. Partiit avataanni qinigassanngortittut nalunaarutigineqarneri qinersivimmi qinigassan-ngortitsisunit ikinnerpaamik qulinit amerlanerpaamillu 20-nit atsiorneqarsimassapput, qinersivinnili qinersinissaq sioqqullugu ukiumi januarip aallaqqaataani 1.000-it inorlugit inulinni qinigassanngortitsisunit minnerpaamik tallimanit amerlanerpaamillu qulinit. Atsiornerit nalunaarummi namminermi issinnaapput taassumalluunniit assilineraniissinnaallutik. Nalunaarummi allassimassapput qinigassanngortitsisut tamarmik immikkut aqqi, inuuii, atorfii najugaallu. Qinigassanngortitsisut ilaat ataaseq nalunaarut pillugu qinigassanngortitsisut tamaasa sinnerlu-git saaffigineqarsinnaasutut allassimassaaq. Qinigassanngortitsisut aqqi qinersisartumit allamit kimilluunniit piumasarineqarpata nalunaarutigineqassapput.

§ 16. Kinaluunniit partiinut ataatsimit amerlanerusunut qinigassanngortissinnaanngilaq imaluunniit partiimut qinigassanngortiitigaluni partiit avataanni qinigassanngortissinnaanani.
Imm. 2. Kinaluunniit qinigassanngortittunut arlalinnut qinigassanngortitsisuusinnaanngilaq. Aamma qinersisartoq taamaallaat qinersivimmi qinersisartut nalunaarsorsimaffianni allassimaffímmini qinigassanngortittunut qinigassanngortitsisuusinnaavoq.

§ 17. Qinigassanngortittup qinigassanngortitsinermik nalunaarut tunniunneqareersimasoq taaguinermik siulersuisumut qinersinissaq kingusinnerpaamik sapaatip akunnerinik pingasunik sioqqullugu nal. 12.00 tunuartissinnaavaa. Qinersisartup qinigassanngortitsisutut qinigassanngortittumik inassuteqarsimasup inassuteqarnini utertissinnaanngilaa qinigassanngortitsinermik nalunaarut taaguinermi siulersuisumut tunniunneqareersimappat.

§ 18. Taaguinermi siulersuisup qinigassanngortitanik nalunaaruteqarnissamut piffissaliussaq naaniariarpat, tak. § 13, imm. 1, pilertornerpaamik telefaxikkut imaluunniit allatut iliornikkut qinigassanngortitanik nalunaarutit tigusimasani allakkatigut qinersinermik siulersuisunut nalunaarutigissavai taakkunanilu qinigassanngortitsisut amerlassusii atorsinnaasut oqaatigalugit aammalu taaguinermik siulersuisup isumaa malillugu nalunaarutit § 12-imiit 17-imut piumasaasunik naammassinninnersut paasissutissiissutigalugu.
Imm. 2. Qinersinermik siulersuisut nalunaarutissaq imm. 1-imi taaneqartoq taaguinermi siulersuisuiniit tigoreerunikku inaarutaasumik aalajangissavaat nalunaarutit tiguneqarsimasut atorsinnaasutut isigineqassanersut, tamannalu piaartumik taaguinermik siulersuisunut nalunaarutigalugu. Qinigassanngortitap nalunaarutigineqarnerani kukkuneqarsimappat qinersinermik siulersuisut pineqartoq kukkunerup aaqqinneqarnissaanut ulluinnarnik marlunnik piffissalissavaat.
Imm. 3. Qinersinermik siulersuisut qinigassanngortittut aqqi piaarnerpaamik tamanut nalunaarutigissavai. Qinigassanngortittoq partii sinnerlugu qinigassanngortippat imaluunniit qinigassanngortittut arlallit kattusseqaíigiissimappata, nalunaarummi tamanna taaneqassaaq.
Imm. 4. Qinigassanngortittut aqqi allagarsiinikkut aammalu qinersinermik siulersuisut aalajangiinerat malillugu nalunaarutigineqassapput.

§ 19. Qinigassanngortitanik nalunaaruteqarnissamut piffissaliussap naanerani qinersivimmi qinigassanngortitat qinersivimmi kommunalbestyrelsimut ilaasortassatut qinerneqartussaniit ikinnerusut nalunaarutigineqarsimappata qinersinermik siulersuisut qinersisartut kajumissaassavai piffíssaq erseqqinnerusumik taasaq naatinnagu qinigassanngortitanik amerlanerusunik nalunaarutiginneqqullugit.

§ 20. Qinigassanngortitanik nalunaaruteqarnissamut piffíssaliussap naanerani qinersivimmi qinigassanngortitat qinersivimmi kommunalbestyrelsimut ilaasortassatut qinerneqartussat amerlaqatigippatigit, qinersinermik siulersuisut kommunalbestyrelsimut qinersinissaq taamaatiinnassavaa nalunaarutigalugulu qinigassanngortittutut nalunaarutigineqarsimasut taasinertaqanngitsumik qinigaasut.
Imm. 2. Qinersinermik siulersuisut qinersinermut allattaavinni erseqqissumik nalunaassavaat kikkut qinigaasutut isigineqarnersut, qinigaasullu qinigaanerat pillugu allakkatigut nalunaarfigissallugit.

 

Qinersisussat allassimaffîi

§ 21. Ulloq qinersivissaq aalajangemeqareerpat qinersinermik siulersuisut inuit kingusinnerpaamik ullormi qinersivissami § 1 malillugu qinersisinnaatitaasutut piumasaqaatinik eqquutsitsisut kiisalu qinersivirmni pineqartumi inuit aqqisa nalunaarsorsimaffíannut nalunaarsimasut kikkuunerinik allattuiffíit suliarissavai.
Imm. 2. Qinersisussat allattorsimaffíanni ilaatinneqassapput inuit qinersinissaq sioqqullugu kingusinnerpaamik sap. akunnerisa arfínilissaanni qinersivimmut nuussimasut aammalu kingusinnerpaamik ulloq taanna nuunnerminnik kommunimi inuit aqqisa nalunaarsorsimaffiannut allatsissimasut.
Imm. 3. Qinersisartut qinersinissaq sioqqullugu kingusinnerpaamik sap. akunnerisa arfinilissaanni qinersiviup iluani nuussimasut aammalu kingusinnerpaamik ulloq taanna nuunnerminnik kommunimi inuit aqqisa nalunaarsorsimaffiannut allatsissimasut najugarilikkaminni allassimallutik qinersisussat allassimaffiannut ilanngunneqassapput.
Imm. 4. Qinersisartut qinersinissaq sioqqullugu kingusinnerpaamik sap. akunnerisa arfínillit iluanni qinersiviup iluani nuussimasut imaluunniit ullormit tassannga kingusinnerusumik nuunnerminnik nalunaaruteqarsimasut najugarisimasaminni najugalittut qinersisussat allattorsimaffíanni nalunaarsorneqassapput.
Imm. 5. Qinersisartut qinersinissaq sioqqullugu kingusinnerpaamik sap. akunnerisa arfmillit iluanni qinersiviup avataani aalajangersimasumik najugaqarsimasut qinersinermik siulersuisunit qinersisussat allattorsimaffiannit peerneqassapput.
Imm. 6. Qinersisartut allassimaffiisa suliarineqarnerinut maleruagassat erseqqinnerusut Naalakkersuisunit aalajangersameqarsinnaapput.

§ 22. Qinersisussat allassimaffiat qinersiviup iluani taasiartorfiit ataasiakkaat tamaasa immikkoortortanngorlugit suliarineqassaaq.
Imm. 2. Qinersisussat allassimaffianniissapput qinersisartut aqqi inuuialu aammalu Ilagiinnut ilaasortaanerat. Taamatuttaaq qinersisussat allassimaffiat krydsiliivissaqassaaq kommunalbestyrelsimut qinersinermi taamatullu aamma krydsiliivissaqassalluni ilagiit sinniisaannut qinersinermi.
Imm. 3. Ilagiinnut ilaasortaaneq pillugu paasissutissat tamanut saqqummiunneqassanngillat. Qinersisartoq kinaluunniit pisinnaatitaavoq nammineq qanoq nalunaarsorneqarsimanini pillugu paasitinneqarnissaminut.
Imm. 4. Qinersisussat allassimaffianni ilagiinnut immikkut tunngasuni ilanngunneqarsimaneq imaluunniit ilanngunneqarsimannginneq pillugu naammagittaalliuutit Kalaallit Nunaata biskoppeqarfíani biskoppimut ingerlatinneqassapput § 62 malillugu.

§ 23. Qinersisussat allassimaffiat kingusinnerpaamik ulloq qinersivissaq sap. akunnerinik pingasunik sioqqullugu qinersivimmi kikkunnit tamanit takuneqarsinnaanngorlugu ulluinnarni marlunni saqqumitinneqassaaq.
Imm. 2. Qinersisussat allassimaffiat qinersiviup iluani taasiartorfiit ataasiakkaat tamaasa immikkoortortanngorlugit suliarineqarsimappat immikkoortortat tamarmik kikkunnilluunniit tikinneqarsinnaasumi saqqumitinneqassapput, qinersiviullu taarsiartorfiini allani tamani saqqu-mitinneqassalluni qinersisussat allassimaffiata taasiartorfimmut atortup assilinera.
Imm. 3. Qinersisussat allassimaffiata qaqugu sumilu saqqumitinneqarnissaa qinersinermik siulersuisut aalajangissavaat.

§ 24. Kinaluunniit isumaqartoq nammineq imaluunniit inuk alla pissutissaqanngitsumik allassimaffimmi ilanngunneqarsimanngitsoq imaluunniit ilanngunneqarsimasoq, qinersisussat allassimaffíata saqqumitinneqarfissaata naanerata kingorna kingusinnerpaamik ulluinnaat marluk qaangiutsinnagit qinersinermik siulersuisunut naammagittaalliornermut pissutaasut naatsumik taallugit allakkatigut naammagiltaalliuuteqarsinnaavoq.
Imm. 2. Qinersisussat allassimaffíat pillugu naammagittaalliuutit sapinngisamik piaarnerpaamik qinersinermik siulersuisunit aalajangiiffígineqassapput. Qinersisussat allassimaffíi tamatuma kingorna iluarsineqarsimasui qinersinermik siulersuisut siulittaasuannit atsiorneqassapput.
Imm. 3. Kinaluunniit qinersisussat allassimaffiannit peerneqarsimasoq, imaluunniit nammineq inuulluunniit allap ilanngunneqarsimannginnerannik naammagittaalliuutini pillugu isumaqatigineqanngitsoq qinersinermik siulersuisunit allakkatigut nalunaarfígineqassaaq.
Imm. 4. Inuup qinersisinnaatitaannginnerminik naammagittaalliuuteqartup qinersisussat allassimaffíata immikkoortoq 2 malillugu iluarsineqarnerata kingorna ulluinnaat marluk qaangiutsinnagit apeqqut allakkatigut saqqummiussinnaavaa Qinersinermut Ataatsimiititaliamut inaarutaasumik aalajangiisussamut, taamaattoq tak. § 22, imm. 4. Qinersinermut Ataatsimiititaliap naammagittaalliortoq qinersinermílu siulersuisut attuumassuteqartut aalajangiinerminik nalunaarfigissavai, tamatumalu kingorna qinersisussat allassimaffianni iluarsisassat qinersiner-mik siulersuisunit iluarsineqassapput.
Imm. 5. Tamatuma saniatigut qinersisussat allassimaffíat, immikkoortoq 2 aamma 4 naapertorlugit qinersinermik siulersuisunit iluarsineqareeruni allanngortinneqarsinnaanngilaq.

 

Taaguineq

§ 25. Qinersinermut Ataatsimiititaliaq pappiarat taasivissat pissarsiarinissaat, ilusilernissaat agguaannissaallu pillugit aalajangersagaliussaaq. Pappiarat taasiviit kalaallisut qallunaatullu naqitanik allagartaqassapput: "Kommunimut qinersineq".

§ 26. Taasisoqassaaq taasiartortarfinni tamani inimi qinersinennik siulersuisunit ínnersuussutigineqartumi.
Imm. 2. Taaguinermi siulersuisup inimi taaneqartumi ineeqqamik imatut ilusilimmik taasiveqarnissaa isumagissavaa: Taqqamani inuk nikorfasinnaassaaq ineeqqap silataani inunnit allanit takuneqarsinnaanani. Ineeraq naammattumik qaammaqquteqassaaq, allannerit erseqqissumik atuarneqarsinnaallutik aammalu aqerluusamik nalinginnaasumik qernertumik peqassaaq allannermullu toqqavissamik manngertumik peqassalluni.
Imm. 3. Ineeqqap taasiviup silataani taasinermut karseqassaaq parnaarsimasumik, taannalu sananeqarsimassaaq pappiarat taasiviit taasinennut karsi ammaqqaartinnagu ammunneqarsinnaajunnaarlugit.

§ 27. Taaguinermi siulersuisup taaguinerup aallartinnerani taaguineq ammarnerarlugu nalunaarutigissavaa, najuuttullu isigitillugit karsit nakkartitsiviit ammariarlugit imaqannginnerat takutissallugu, taamaalioreerunilu karsit parnaassavai.
Imm. 2. Inimi qinersivimmi erseqqissunngorlugu inissitamik allagartaqassaaq, tassani allassimassallutik qinersivimmi partiit inuillu qinigassanngortittut aqqi. Qinigassanngortittut arlallit kattusseqatigiillutik qinigassanngortissimappata allagartaq tamatumunnga paasissutissanik imaqartinneqassaaq. Allagartap taassuma assinga ineeqqami taasivimmi, allannissami allequttap qulaatunginnguani, nivingatinneqassaaq. Allagartat taaneqartut Qinersinermut ataatsimiititaliamit pissarsiarineqassapput.
Imm. 3. Qinersisoqassaaq nammineerluni inimut qinersivimmukarnikkut, qinersisussarlu taaguinermi siulersuisumut saaffiginnissaaq. Taaguinermi siulersuisup qinersisussat allassimaffíanni qinersisartup aqqa nalaatigut krydsilissavaa, taavalu qinersisartoq pappiaramik taasivissamik allaffigineqarsimanngitsumik tunissallugu.
Imm. 4. Taasineq pissaaq ineeqqami taasivimmi allamik inoqartussaanngitsumi. Qinersisartup pappiara taasivissaq immersussavaa qinigassanngortittup imaluunniit partiip kommunalbestyrelsimut qinigaatinniakkap aqqa allallugu. Taava qinersisartup pappiara taasivik peqissavaa, kina taasimanerini allanit takuneqarsinnaajunnaarlugu. Qinersisartoq taamaalioreeruni pappiara taasivik peqitaq karsimut nakkartitsivimmut ikissavaa pissutissaqanngitsumillu uninnganani inimit qinersivimmit qimagutissalluni.
Imm. 5. Nalinginnaasumik taasisitsineq naammassereerpat taaguinermi siulersuisoq nammineerluni taasissaaq.
Imm. 6. Qinersisartup pappiara taasivik kukkusumik immersorneratigut imaluunniit mianersuaalliornikkut atorsinnaajunnaartissimaguniuk allamik taarsertissinnaavaa. Allamik taarsertitsisoqarsinnaanngilaq pappiara taasivik karsimut nakkaatitsivimmut nakkartinneqareersimappat. Pappiara taasivik atorsinnaajunnaarsitaasimasoq taaguinermi siulersuisumit immikkoortillugu toqqortarineqassaaq.
Imm. 7. Qinersisartup pappiara taasivik pissusissaatut nammineerluni immersorsinnaanngippagu taaguinermi siulersuisup qinersisartoq pineqartoq ikiussavaa. Qinersisartut angallarlunnertik pissutigalugu allamilluunniit assigisaanik peqquteqarlutik inimut taasivimmut isersinnaanngitsut taaguinermi siulersuisoq isigitillugu inip taasiviup silatinnguani taasisinnaassapput. Qinersisartup tappiitsuuguni isigiarsuttuuguniluunniit taasinermini inummit najuuttumit, nammineq toqqakkaminit, taamaallaat ikiorneqarnissani piumasarisinnaavaa.

§ 28. Qinersineq aallartissaaq nal. 9 naammassineqassallunilu nal. 20, siusinnerusukkulli naammassineqassaaq qinersisussat tamarmik nalunaaqutaq taasaq nallertinnagu taasiartoreersimappata.

 

Taasissutinik allakkatigut nassitsinikkut taasineq

§ 29. Qinersisartut, taasinissamut piffissaliussat iluanni taasiartorfimmukarsinnaanngitsut imaluunniit aatsaat ajomartorsiorujussuarlutik taasiartoríimmukarsinnaasussat, §-ini 30 - 35-ini maleruaqqusat malillugit pappiaramik taasivimmik nassitsinermikkut taasisinnaapput.

§ 30. Qinersisartut Kalaallit Nunaanniittut inuit aqqinik nalunaarsuiffimmi, tassungalu ilanngullugu qinersivimmi qinersisussat allassimafiannut allanneqarfigisimasaminni inuit aqqinik nalunaarsuiffimmi, taasisinnaapput.
Imm. 2. Qinersisartut napparsimmavimmi imaluunniit peqqissartarfinni paarineqartarfinniluunniit allani uninngasut, napparsimavimmi uninngaffigisaminniluunniit allami maleruaqqusat Naalakkersuisunit aalajangersakkat naapertorlugit taasisinnaapput.
Imm. 3. Qinersisartut Kalaallit Nunaanni pinerluttunik isumaginnittoqarfíup inissiisarfíini inissinneqarsimasut inissinneqarfigisaminni maleruaqqusat Naalakkersuisuinit aalajangersakkat naapertorlugit taasisinnaapput.
Imm. 4. Qinersisartut inoqarfinni avinngarusimasuni immikkut taasiartorfmnngitsuni najugaqartut inummut qinersisinnaasumut Qinersinermik siulersuisunit attavigisaminnit toqqarneqarsimasumut taasisinnaapput.
Imm. 5. Qinersisartut timmisartut mittarfiini, silasiorfinni il.il. kommunit aggornerisa avataanniittuni najugaqartut inummut Qinersinermut Ataatsimiititaliamit Naalakkersuisunit piginnaatitaasumut taasisinnaapput.
Imm. 6. Qinersisartut naalagaaffiup ilaani allani najugaqartut inuit aqqinik nalunaarsuiffimmi imaluunniit Qinersinermut Ataatsimiititaliamit piginnaatinneqartumi taasisinnaapput.
Imm. 7. Qinersisartut naalagaaffiup avataani najugaqartut qallunaat aallartitaqarfiini imaluunniit konsuleqarfiini taasisinnaapput.
Imm. 8. Qinersisartut umiarsuarni Kalaallit Nunaanni angerlarsimaffeqartuniittut umiarsuup naalagaanit, taassumaluunniit toqqagaanit, taasisinneqarsinnaapput.
Imm. 9. Qinersineq siusinnerpaamik sapaatip akunnerinik 6-inik sioqqullugu taasisoqarsinnaavoq.

§ 31. Qinersinermut Ataatsimiititaliap § 32, imm. 1 naapertorlugu Kalaallit Nunaanni allakkatigut taasinermi atortussat pisariaqartinneqartut pissarsiarissavai.
Imm. 2. Kalaallit Nunaata avataani taasinermi Danmarkimi Savalimmiunilu kommunimut qinersinermut atatillugu taasivissat atorneqartartut atorneqartassapput.

§ 32. Qinersisartoq taasiartorfînni § 30-imi taaneqarsimasut ilaanni taasinernik tigooqqaasussamut saaffiginninnermigut pappiaramik taasivimmik, puussaqarlunilu allakkanik nassitsissutitaqarlunilu ungaluusartalimmik tunineqassaaq. Qinersisartup allanit isigineqarani pappiara taasivik ernerluni immersussavaa kommunalbestyrelsimut qinersiviup, qinersisartut allassimaffiannut allanneqarfigisimasami, iluani partiip arlaata aqqa allallugu imaluunniit kommunal-bestyrelsimut qinersivimmi qinigassanngortissimasut arlaata aqqa allallugu.
Imm. 2. Qinersisartoq taasereemiariarpat allakkat nassitsissutit immersomeqassapput. Taakku ukuninnga imaqassapput:
1) Qinersisartup nammineq piumassutsiminik allanillu isigineqarani pappiaramik taasivimmik immersuisimaneranik, puussaanut ikisisimaneranik taassuminngalu matusisimaneranik uppernarsaat. Qinersisartup aamma ilumoorluinnarluni uppernarsassavaa ullormi qinersivissami taasinissamut piffissaliussat iluanni taasiartorfissamukarsinnaanani imaluunniitaatsaat ajornartorsiorujussuarluni taasiartorfissamukarsinnaalluni. Qinersisartup taasinermik tigusisussaq isigitillugu allakkat nassitsissutissat atsiussavai, allakkanilu nassitsissutini taaneqassapput atsiornerup ullua, qinersisartup aqqi tamarmik, inuuia, atorfia, kommunimilu qinersisussat allattorsimaffiannut ilanngunneqarfigisimasamini najugaa.
2) Qinersisartup atsiornerata ilumoortuuneranik aammalu qinersisartup piffissami sumiiffimmilu taasaani pisimaneranik, kiisalu allanit isigineqarani taasisimaneranik taasinermik tigusisup uppernarsaasiussaa. Uppernarsaat taanna pineqartumit namminermit ateq, atorfik, najugarlu allallugit atsiomeqassaaq.

§ 33. Puussaq pappiaramik taasivimmik allakkanillu nassitsissutinik imalik ikineqassaaq puussamut tassunga ikisiffissiamut, taannalu matuneqassaaq, kommunimullu qinersisartup qinersisussat allassimaffíanni allanneqarfigisimasaanut nassiunneqassalluni. Puussap tunuani erseqqissumik allanneqassapput qinersisartup aqqa najugaalu. Taasinermik tigusisup pisariaqanngitsumik kinguarsaanani puussaq kommunimut nassitsivissamut nassiutissavaa.

§ 34. Kommunip puussaq nassiunneqarsimasoq ammarnagu ernerluni taasiartorfimmi qinersisartup pineqartup najugaatut puussami taaneqarsimasumi taaguinermi siulersuisumut ingerlateqqissavaa. Puussat taaguineq naammassitinnagu taaguinermi siulersuisumit tiguneqareersimassapput.

§ 35. Taaguinerup naammassineqariitsiamerani puussat tiguneqarsimasut taaguinermi siulersuisumit ammarneqassapput, taassumalu misissussavaa allakkatigut taasinerit taasinernut ilanngunneqarsinnaanersut. Allakkatigut taasineq taasinemut ilanngunneqarsinnaappat qinersisartup pineqartup aqqa qinersisussat allassimaffianni krydsilerneqassaaq, taavalu allakkat puussaat pappiaramik taasivimmik imalik ammamagu karsimut nakkartitsivimmut nakkartinneqassaaq.
Imm. 2. Paasineqarpat puussaq inummit qinersisussat allassimafiíanni ilanngunneqarsimanngitsumeersoq, imaluunniit qinersineqartinnagu toqusimasumeersoq, taava naatsorsuutigeqqinneqassanngilaq. Aamma taamaappoq puussaq allamik imaluunniit allakkanik nassitsissutinik ataasiinnaanngitsunik allakkalluunniit puuannik ataasiinnaanngitsumik imaqarpat, imaluunniit puussap, allakkat puuata allakkalluunniit nassitsissutit isikkuatigut isumaqarnarpat inatsimmut naapertuuttumik suliarineqarsimasuunngitsoq, imaluunniit immersorneqarnerat, uppernarsarneqarsimanerat atsiorneqameralluunniit peqqussutigineqartut malillugit pisimanngippat, takuuk § 32.
Imm. 3. Puussat aatsaat taasineq naammassereersoq taaguinermi siulesuisumit tiguneqartut naatsorsuutigineqassanngillat.
Imm. 4. Qinersisartut ullormi qinersivimmi taasisimasut allakkatigut taasineri ilanngunneqarsinnaanngillat.
Imm. 5. Puussat, allakkat nassitsissutit, allakkat puui pappiarallu taasiviit tamarmik qinersinermik siulersuisunut nassiunneqassapput atortussanut § 44-mi taaneqartunut ilanngullugit.

 

Taasanik kisitsineq il.il.

§ 36. Taaguineq naammassineqamiariarpat taaguinermi siulersuisup immikkut poortugakkuutaarlugit makku qilersussavai:
1) Pappiarat taasiviit atorsimanngitsut aamma
2) pappiarat taasiviit allamik taarsigassatut utertinneqarsimasut.
Imm. 2. Taamaalioreerniariarluni najuuttut isigitillugit karsi taasivinnut nakkaatitsivik ammassavaa taamaalioreerpallu pappiarat taasiviit qaqinneqassapput iluarsaanneqassallutillu pappiarat taasiviit
1) partiimut taassumalu qinigassanngortitaanut,
2) kattusseqatigiillutik qinigassanngortittunut aamma
3) qinigassanngortittunut partiit kattusseqatigiillu avataanniittunut immikkoortiterlugit qaleriissakkuutaarlugit. Taamaalereerpata partiinut qinigassanngortitsisunut, kattusseqatigiinnut tamanut aammalu partiit avataasigut qinigassanngortittunut tamanut taasinerit qanoq amerlassuseqarnersut kisinneqalissapput.
Imm. 3. Taaguinermi siulersuisup tamatuma kingorna partiinut, kattusseqatigiinnut aammalu partiit avataasigut qinigassanngoríittunut ataasiakkaanut tamaasa ataasiakkaarlugit naatsorsuusiussavai taasinerit qassit qinigassanngortittunut ataasiakkaanut tunngatinneqassanersut.
Imm. 4. Inuit qinersisinnaatitaasut ikinnerpaamik marluk qinersinermi taasinernik kisitsinermik tamanut ammasuusumik malinnaajartorlutik najuukkiartorsimanngippata taaguinermi siulersuisoq qinersisinnaasut akornanni inunnik marlunnik uppernarsaasussatut najuuttussanik aggersaassaaq.

§ 37. Pappiara taasivik inimi qinersivimmi taasivigineqarsimasoq atorsinnaanngilaq:
1) Allaffígineqarsimanngikkuni,
2) erseqqissumik takuneqarsinnaanngippat partíit arlaat sorleq imaluunniit qinigassanngortittoq partiit avataanniittoq sorleq qinersisartup taaniarsimaneraa,
3) pappiarap taasiviup isikkua malillugu isumaqarnarpat pappiara taasivik inatsit naapertorlugu suliarineqarsimasuunngitsoq.
Imm. 2. Allakkatigut taasivik atorsinnaanngilaq:
1) Allaffígineqarsimanngikkuni,
2) erseqqissumik takuneqarsinnaanngippat partiit arlaat sorleq imaluunniit qinigassanngortittoq partiit avataanniittoq sorleq qinersisartup taaniarsimaneraa,
3) allakkat puussaat allamik imaqarpat imaluunniit pappiaranik taasivinnik ataatsimit amerlanerusunik imaqarpat,
4) pappiarap taasiviup isikkua malillugu isumaqarnarpat pappiara taasivik inatsit naapertorlugu suliarineqarsimasuunngitsoq imaluunniit pissusissat naapertorlugit immersorneqarsimanngippat.
Imm. 3. Pappiara taasivik atorsinnaanngitsuutinneqarpat tamanna qinersinermik allattaavimmi, taaguinermi siulersuisup allattuiffigisaani, allanneqassaaq, atorunnaarsitaaneranullu tunngaviusoq naatsumik taaneqarluni.
Imm. 4. Pappiarat taasiviit, taakkununngalu ilanngullugit allakkatigut taasiviit, naliliiffigineqartarnissaat pillugu malittarisassanik Naalakkersuisut aalajangersaasinnaapput.

§ 38. Taasinemik kisitsineq naammasseriiginnartoq taasinernik nutaamik kisitsisoqalissaaq. Aatsaat kisitsinerít marluk assigiimmik inerneqarpata taaguinermi siulersuisup qinersinermi taasinerit inerneri inaarutaasumik naatsorsussavai.

§ 39. Qinersinermik allattaavimmi partiit qinigassanngortittullu nalunaarsorneqassapput. Allattorneqassapput partiit ataasiakkaat taasinernik qasseraarsimanersut, aammalu allanneqassallutik partiit ataasiakkaat sinnerlugit aammalu partiit avataanni qinigassanngortittut tamarmik immikkut qassinik taaneqarsimanersut.

§ 40. Taasiartorfímmi qinersinerup inemera taaguinermi siulersuisup ingerlaannarluni qinersinermik siulersuiunut nalunaarutigissavaa.
Imm. 2. Qinersinermik siulersuisut nalunaarutit imm. 1-imi taaneqartut qinersivimmi taasiartorfínnit tigugunikkit ingerlaannartumik Qinersinermut Ataatsimiititaliamut nalunaarutigissavaat. Nalunaarummi ilanngullugit taaneqassapput taasiartorfínni ataasiakkaani qinersisinnaatitaasut qassiuneri aammalu qinersinermut atatillugu pissutsinik immikkut ittunik qinersinerup inerneranut sunniuteqarsinnaasunik atuuttoqarsimanersoq oqaatigineqassalluni.

§ 41. Qinersinermik siulersuisut taaguinermi siulersuisunit naatsorsukkat inerneri tigoreerunikkit qinersivimmi qinersinerup tamakkerluni inernera naatsorsussavaat.
Imm. 2. Naatsorsuinermi taasinerit ataatsimut naatsorsorneqassapput makkununnga agguataarlugit
1) partiit ataasiakkaat taakkulu qinigassanngortitaat
2) kattusseqatigiit ataasiakkaat qinigassanngortitaat
3) kisimiillutik qinigassanngortittut ataasiakkaat.
Tamatuma kingorna ilaasortaaffiit agguataarneqassapput d'Hondtip periaasia malillugu, tassa partiit ataasiakkaat, kattusseqatigiit ataasiakkaat kisimiillutillu qinigassanngortittut ataasiakkaat taasisaasa katinneri 1-imik, 2-mik, 3-mik kommunalbestyrelsimilu ilaasortaasinnaasut amerlassusaat tikillugu agguartitemeqassapput. Qinersivimmi siulliulluni ilaasortanngussaaq partii, kattusseqatigiit imaluunniit kisimiilluni qinigassanngortittoq amerlanerpaamik taagorneqarsimasoq, qinersivimmi tulliulluni ilaasortanngussalluni partii, kattusseqatigiit imaluunniit kisimiilluni qinigassanngortittoq, amerlanerpaamut tulliulluni taaguunneqarsimasoq ilaasortaaffissat tamakkernissaasa tungaanut.
Imm. 3. Qinersivimmi ilaasortaaffiit partiimit kattusseqatigiiffimmilluunniit ilaasortaaffigineqalersussat partiip kattusseqatigiiffiulluunniit qinigassanngortitaanut agguarneqassapput qinersivimmi siulliulluni ilaasortaasussanngorlugu qinigassanngortitaq amerlanerpaamik taagorneqarsimasoq, qinersivimmi tulliulluni ilaasortaasussanngorlugu qinigassanngortitaq amerlanerpaamut tulliulluni taaguunneqarsimasoq ilaasortaaffissat tamakkernissaasa tungaanut.
Imm. 4. Partiit, kattusseqatigiit kisimiillutilluunniit qinigassanngortittut arlallit amerlaqatigiimmik taaguunneqarsimappata, tak. imm. 2, qinersinermik siulersuisut tannermoortitsineratigut aalajangerneqassaaq kia arlaata ilaasortaaffik pissarsiarissaneraa. Aamma taamaappoq partiip kattusseqatigiilluunniit qinigassanngortitaasa akornanni ilaasortaaffiit agguarneqarneranni, tak. imm. 3, partiip imaluunniit kattusseqatigiit qinigassanngortitaat arlallit assigiimmik taagorneqarsimappata.

§ 42. Qinersinermik siulersuisut sinniisussanik nalunaarsuiffik suliarissavaa. Nalunaarsuiffimmi allattorneqassapput qinigassanngortittut qinigaasimanngitsut, kisiannili sinniisussatut kommunalbestyrelsimut ilaasortaasinnaatitaasut, takukkit §-it 50 aamma 51.
Imm. 2. Sinniisussanik nalunaarsuiffik partiinut kattusseqatigiinnullu ataasiakkaanut suliarineqartassaaq, taamaalillutik qinigassanngortittut qinigaanngitsulli taagorneqarnertik malillugu tulleriinnilersomeqassallutik.
Imm. 3. Sinniisussanik nalunaarsuiffimmi qinigassanngortittut arlallit amerlaqatigiinnik taaguunneqarsimappata tulleriinnilersuineq qinersinermik siulersuisut tannermoortitsineratigut aalaj angemeqassaaq.

§ 43. Qinersinermik siulersuisut qinersinermik allattaavimmut allassavaat kikkut ilaasortassatut qinigaasutut isiginerini, taavalu qinigaasut qinigaanerannik allaffigissallugit.

§ 44. Kingusinnerpaamik qinersinerup aqaguani taaguinermi siulersuisup pappiarat taasiviit qilertakkuutaarlugit ukuninnga imaqartillugit poortussavai:
1) Pappiarat taasiviit atorsinnaasut,
2) pappiarat taasiviit allaffigineqarsimanngitsut allallu atorsinnaanngitsut.
Imm. 2. Tamatuma kingorna poortukkat immikkoortoq 1-imi aamma § 36, imm. 1-imi taaneqartut qinersisussat allassimaffii atorneqarsimasut aammalu qinersinermik allattaavik taaguinermi siulersuisumit immersorneqarsimallunilu atsiorneqarsimasoq ilanngullugit, qinersinermik siulersuiunut piaarnerpaamik nassiunneqassapput.

§ 45. Qinersinermik siulersuisut atortussat § 36, imm. 1-imi aamma § 44-mi taaneqartut qinersivimmi taasiartorfinnit tamaniit tigoreerunikkit, taamaattorli qinersinerup kingorna siusinnerpaamik sap. ak. marluk qaangiutereerpata, ataatsimiissapput qinersinerup ingerlanneqarsimasup atorsinnaassusia aalajangerniarlugu, taamaattorli tak. § 53. Ataatsimiinnermut tassunga qinigassanngortittut qinigaasutut isigineqartut aggersameqassapput.
Imm. 2. Qinigassanngortittut qinigaasimagunik qinigaasimanngikkunilluunniit, aammalu kialluunniit qinersivimmi qinersisartup qinersinerup atorsinnaassusia naammagittaalliutigisinnaavaat. Naammagittaalliomeq pissaaq allakkatigut, akerliliinermut pissutaasoq naatsumik oqaatigalugu, taasiartorfimmilu pineqartumi taaguinermi siulersuisumut nassiunneqassalluni kingusinnerpaamik qinersinerup kingorna ullut arfineq marluk qaangiutsinnagit. Taaguinermi siulersuisup naammagittaalliuut oqaaseqaatigisariaqarsorisaminik ilallugu piaarnerpaamik qinersinermik siulersuisunut ingerlateqqissavaa.
Imm. 3 Qinersinermik siulersuisuni ilaasortaq naammagittaalliuuteqarpat, naammagittaalliuullu taaguiffiinmi pineqartumi taaguinermi siulersuisumut saqqummiunneqarsimanngippat apeqqutip aalajangiiffigineqamissaa kinguartiiineqassaaq taama oqaaseqaateqartoqamissaata tungaanut.
Imm. 4. Qinersineq qinersinermik siulersuisuni amerlanerussuteqartunit atortussaajunnaarsinneqanngikkuni akuerineqartutut isigineqassaaq.
Imm. 5. Qinersinermik siulersuisut aalajangiineri qinersinermik allattaavimmut allanneqassapput qinersinermillu allattaaviup nuutinneqarnera Qinersinermut Ataatsimiititaliamut nassiunneqassaaq.

§ 46. Qinersinermik siulersuisut naammagittaalliuutit tiguneqarsimasut pillugit § 45 naapertorlugu aalajangiineri aalajangiinermit ullut arfineq marluk qaangiutsinnagit Qinersinermut ataatsimiititaliamut ingerlateqqinneqarsinnaapput, taassuma aalajangiinera inaarutaassalluni. § 45, imm. 2 naapertorlugu qinersineq pillugu Qinersinermik siulersuisunut naammagittaalliuuteqarsinnaatitaasut aamrna matumani naammagittaalliuuteqarsinnaatitaapput. Naammagittaalliuut qinersinermik siulersuisunut pineqartunut allakkatigut tunniunneqassaaq, taassumalu taanna piaarnerpaamik Qinersinermut ataatsimiititaliamut ingerlateqqissavaa oqaaseqaatitalerlugu.
Imm. 2. Qinersinermi annertuumik kukkusoqarsimappat Qinersinermut ataatsimiititaliaq pisinnaatitaavoq tunngavilersukkamik aalajangiinermigut qinersineq atorsinnaanngitsutut nalunaarutigissallugu qinersinermilu siulersuisut peqqussallugit nutaamik qinersisitseqqeqqullugit.

§ 47. Sapinngisamik piaartumik qinerseqqinneqassaaq.
Imm. 2. Qinersisussat allassimaffíata atorneqarsimasup annertuumik amigaateqarnera pissutigalugu qinersineq atortussaajunnaarsitaappat, qinersinerup atortussaajunnaarsitaanerata peqatigisaanik aalajangerneqarsinnaavoq qinersisussat allassimaffiat iluarsineqassasoq nutaamik qinerseqqinneqartinnagu inuit qinersinermi atortussaajunnaarsitaasumi qinersisussat allassimaffianni ilanngunneqarnissaminnut pinmasarisaasunik eqqortitsisimanngitsut piiameqarnerisigut aammalu inuit allassimaffimmi ilanngunneqarsimasussaagaluartut ilanngunneqarnerisigut. Taamatut aalajangiisoqarpat qinersinermik siulersuisut qinersinermik allattaaviup taamatut suliarineqarsimasup nalinginnaasumik misissorneqarnissaanut il.il. erseqqinnerusumik maleruaqqusaliussapput.

§ 48. Qinersinermik siulersuisut ilaasortat nutaat qinigaanerat akuerisimappagu, aalajangiinerlu piffissaliussap § 46, imm. 1-imi taaneqartup naannginnerani Qinersinermut ataatsímiititaliamut naammagittaalliuutigineqarsimanngippat, kommunalbestyrelsiusimasoq aprilip 30-iani tunuassaaq.
Imm. 2. Aalajangiineq piffissaliussap iluani Qinersinermut ataatsimiititaliamut naammagittaalliuutigineqarsimappat kommunalbestyrelsi ingerlaannassaaq, Qinersinermut ataatsimiititaliaq aalajangerserlugu qinersisoqaqqissanngitsoq, imaluunniit inatsisit malillugit nutaamik qinersisoqareernissaata tungaanut.
Imm. 3. Kommunalbestyrelsi imm. 1-imi malittarisassat malillugit aprilip 30-iata kingorna atuuttoq Naalakkersuisut akuersiseqqaartiraiagit aningaasartuuteqarsinnaanngilaq missingersuutini akuersissutaareersuni aalajangersarneqarsimanngitsumik, imaluunniit pisussaaffiliisinnaani missingersuutini tunngavissaqanngitsunik.

§ 49. Kommunalbestyrelsimut ilaasortaasimasut tunuarniariarpata kommunalbestyrelsi nutaamik qinigaq sulilissaaq.
Imm. 2. Naak kommunalbestyrelsiusimasoq tunuaraluartoq borgmesteriusup kommunimi ulluinnarni suliassat ingerlatiinnassavai, kommunalbestyrelsip nutaap inissitsiternissaata tungaanut.

 

Qinigaqffiup iluani ilaasortap tunuarnera

§ 50. Ilaasortaq qinigaaffiup iluani kommunalbestyrelsimit tunuarniarluni qinnuteqarpat, kommunalbestyrelsip aalajangissavaa qinnuteqaat taamaattoq akuerineqarsinnaanersoq. Qinnuteqaat peqqissutsimut tunngasunik, sulianik assigisaannilluunniit pingaaruteqartunik qinnuteqartup ilaasortaanissaanut ajornartorsiutaasussamik pissuteqarpat, qinnuteqaat nalingirmaasumik akuerineqassaaq.
Imm. 2. Ilaasortaq qinigaaffíup iluani kommunalbestyrelsimut ilaasortaajunnaarpat, nammineersinnaajunnaarsitaappat imaluunniit toquppat, sinniisussamit taarsemeqassaaq. Tamanna aamma atuuppoq Qinigaasinnaassutsimut Ataatsimiititaliaq aalajangiippat qinigassanngortitaq qinigaq qinigaasinnaanngitsoq.
Imm. 3. Ilaasortaq qinersivimmi najugaqarunnaarallarpat kommunalbestyrelsip aalajangersinnaavaa pineqartup qinigaasinnaanini annaasimanngikkaa, taamaalillunilu kommunalbestyrelsimit ilaasortaajunnaarallaaraiassalluni qinersivimmi aalajangersimasumik najugaqaqqilernissami tunngaanut.

§ 51. Kisimiilluni qinigassanngortittoq kattusseqateqarani qinigassanngortissimasoq pissutsit § 50-imi taaneqartut tunngavigalugit ilaasortaajunnaarpat naammaqqutissamik qinersineqassaaq, taamaattoq tak. § 52.
Imm. 2. Ilaasortaaffik inuttaaruttoq partii sinnerlugu kattusseqatigiittulluunniit qinigaanikkut pissarsiaalluni qinersivimmi ilaasortaaffmppat ilaasortaaffik partiip kattusseqatigiilluunniit qinersivimmi qinigassanngortissimasaanit qinigaanngitsunit amerlanerpaanik taaneqarsimasumit pissarsiarineqassaaq, tak. § 42. Partii kattusseqatigiilluunniit qinersivimmi ilaasortaaffiup inuttaaruttup inuttalernissaanut sinniisussamik peqanngippata naammaqqutissamik qinersineqassaaq, taamaattoq tak. § 52.

§ 52. Kommunalbestyrelsimi aallaqqaammut ilaasortaasut affaanit amerlanerusut aalajangiippata, § 51-imi aalajangersakkat apeqqutaatinnagit, naammaqqutissamik qinersineqassanngilaq.
Imm. 2. Naammaqqutissamik qinersinermi qinigaasoq taamaallaat kommunalbestyrelsip atuuffissaata sinneranut qinigaassaaq.

 

Qinigaasinnaassuseq pillugu ataatsimiititaq

§ 53. Naalakkersuisut Qinigaasinnaassutsimut ataatsimiititaliamik pilersitsissapput, tassani siulittaasuussaaq Kalaallit Nunaanni landsdommeri allanillu sisamanik ilaasortaqassalluni, taakkunannga marluk Kalaallit Nunaanni Kommunit Kattuffiata toqqassavai kommunalbestyrelsinut nunaqarfínnilu aqutsisunut ilaasortat akornanni Inatsisartullu toqqassallugit marluk ilaasortami akomanni. Tamatumunnga peqatigitillugu ilaasortat sisamat tamarmik sinniisussaannik toqqaasoqassaaq. Qinersinerit ukiuni sisamani atuutissapput.
Imm. 2. Kommunalbestyrelsimi ilaasortap qinigaasinnaanerminik annaasaqarsimaneranut apeqqutini tamani ataatsimiititaq aalajangiisassaaq, tak. § 4. Kalaallit Nunaata Biskoppeqarfiani biskoppi ilagiit sinniisaannut qinigaasinnaassuseq pillugu suliassani ataatsimiititamut aggersarneqartassaaq.
Imm. 3. Kommunalbestyrelsimut qinersinerup kingoma qaammat ataaseq qaangiutsinnagu kommunalbestyrelsit Qinigaasinnaassutsimut ataatsimiititaliamut nassiutissavaat kommunalbestyrelsimut ilaasortatut qinikkat tamarmik aqqisa cpr.nr.-muisalu allattorsimaffiat.
Imm. 4. Qinigaasinnaassutsimut ataatsimiititaliap Kalaallit Nunaanni Politimesteri oqaaseqaateqartissavaa kommunalbestyrelsimi ilaasortanngorlaat § 4 naapertorlugu pineqaatissinneqarsimanersut. Taamaattoqarsimappat Politimesterip aalajangiinerup allattorsimaffíata assinga Qinigaasinnaassuseq pillugu ataatsimiititamut nassiutissavaa.
Imm. 5. Ilaasortaq piffíssap qinigaaffiup iluani § 4 naapertorlugu pinerluttulerinermik inatsisit tunngavigalugit pineqaatissinneqarpat Kalaallit Nunaanni Politimesterip Qinigaasinnaassuseq pillugu ataatsimiititamut nassiutissavaa aalajangiinerup allattorsimaffiata assinga.
Imm. 6. Qinigaasinnaassuseq pillugu ataatsimiititap kommunalbestyrelsi ilaasortarlu pineqartoq piffíssaq siulleq atorlugu nalunaarfígissavai aalajangiisimaneq pillugu, Politimesterip oqaaseqaatai tiguneqarsimasut tunngavigalugit aalajangiisoqaraangat.
Imm. 7. Qinigaaffíup nalaani sinniisussaq ilaasortaq sinnerlugu ilaasortanngorpat, qinigaasinnaassuseq pillugu aalajangiisoqassaaq maleruaqqusat qulaani allassimasut naapertorlugit, pineqartoq taamaallaat piffíssami killilimmi ilaasortanngoraluarpalluunniit.
Imm. 8. Maleruaqqusat imm. 1-imiit 7-imut allassimasut atuupputtaaq kommissioninut, aalajangersaasartutut ataatsimiititanut, siunnersuisoqatigiinnut il.il. ilaasortanut, kommunit ataatsimiititaliaannut qinigaasinnaassuseqarneq naapertorlugu ilaasortaasinnaasoqaraangat, piffissarli qaammammik ataatsimik sivisussusilik pineqartup ullormiit toqqagaaffianiit naatsorsuullugu.
Imm. 9. Qinigaasinnaassuseq pillugu ataatsimiititap aalajangiineri inaarutaassapput.

 

Kapitali 2
Nunaqarfimmi aqutsisunut qinersineq

§ 54. Nunaqarfimmi aqutsisunut qinersisinnaatitaavoq kinaluunniit § 1 malillugu kommunalbestyrelsimut qinersisinnaatitaanermut piumasarisaasunik eqqortitsisimasoq, aammalu qinersinissaq kingusinnerpaamik ullunik 14-inik sioqqullugu nunaqarfimmi aalajangersimasumik najugaqarsimasoq.
Imm. 2. Qinersinissaq ullunik 14-inik sioqqullugu qinersinermik siulersuisut suliarissavaat inuit ullormi qinersivissami qinersisinnaatitaallutik nunaqarfimmi najugallit allattorsimaffiat.
Imm. 3. Qinersisussat allattorsimaffiat suliarineqarnermi kinguninngua ulluni marlunni saqqumitinneqassaaq.
Imm. 4. Inuk qinersisussat allattorsimaffíannut ilanngunneqarsimasoq qinersisussat allattorsimaffiata suliarineqareernerata kingorna nunaqarfiup avataani aalajangersimasumik najugaqalersimasoq qinersisussat allattorsimaffíannit piiarneqassaaq.
Imm. 5. Kinaluunniit qinersisartut allassimaffiannut ilanngunneqarsimatinnani qinersisinnaatitaanngilaq.
Imm. 6. Qinersisartut allassimaffíanni ilanngunneqarsimannginneq imaluunniit ilanngunneqarsimaneq pillugu naanimagittaalliuutit eqqarsaatigalugit § 24-mi maleruagassat atorneqassapput.

§ 55. Nunaqarfimmi aqutsisunut qinigaasinnaatitaavoq kinaluunniit § 54, imm. 1 naapertorlugu tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi nunaqarfimmi aqutsisunut ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni. Piffissaliussat ullormit qinersivimmiit atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut pineqaatissinneqarsimanini pissutigalugu qinigaasinnaannginnera pillugu akerliliisoqaraluarpalluunniit.
Imm. 3. Qinigaasinnaanermik annaasaqarneq pillugu §§50 aamma 53-imi maleruaqqusat aamma nunaqarfimmi aqutsisunut ilaasortanut atuutissapput.

§ 56. Sioqqutsisumik kommunini tusarniaasoqareerneratigut nunaqarfínni suni nunaqarfimmi aqutsisunut qinersisoqarsinnaanersoq aammalu nunaqarfinni ataasiakkaani tamani nunaqarfímmi aqutsisunut ilaasortat amerlassusissaat Naalakkersuisut aalajangissavaat.

§ 57. Nunaqarfimmi aqutsisut ukiuni sisamani atuuttussatut qinigaassapput ilaasortallu tamarmiusut ataatsikkut tunuassallutik.
Imm. 2. Piffíssap Nunaqarfimmi aqutsisut qinigaaffiata piffissaq kommunalbestyrelsimut qinigaaffik malissavaa.

§ 58. Kommunini tamani qinersineq piareersarneqarlunilu siulersorneqassaaq qinersinermik siulersuisunit.
Imm. 2. Nunaqarfíit tamarmik immikkut taasiartorfiupput. Qinersinermik siulersuisut nunaqarfinni tamani taaguinermik siulersuisussanik toqqaassapput.
Imm. 3. Qinersinerup piareersarneqarnera eqqarsaatigalugu §§7-11-ini maleruaqqusat aamma malinneqassapput.

§ 59. Qinigassanngortitanik nalunaarutit nunaqarfímmi taaguinermik siulersuisumut tunniunneqareersimassapput kingusinnerpaamik qinersinissaq ullunik 10-nik sioqqullugu nal. 12.00.
Imm. 2. Qinigassanngortitanik nalunaarutit il.il. eqqarsaatigalugit §§ 12 - 20-ini maleruaqqusat aamma malinneqassapput.

§ 60. Qinersinermut ataatsimiititaliaq pappiarat taasivissat pissarsiarinissaat, ilusilemissaat agguaannissaallu pillugit aalajangersagaliussaaq, pappiarat taasiviit kalaallisut qallunaatullu naqitanik allagartaqassapput "Nunaqarfimmi aqutsisunut qinersineq".
Imm. 2. Qinersinermi taaguineq eqqarsaatigalugu §§ 26 - 28-ini maleruaqqusat aamma malinneqassapput.
Imm. 3. Qinersisartut taasinissamut piffíssaatitat iluanni taasiartorfimmukarsinnaanngitsut imaluunniit aatsaat ajornartorsiorujussuarlutik taasiartorfimmukarsinnaasut §§ 30-35-ini ma-leruaqqusat malillugit taasisinnaapput, tassunga ilanngullugu danskit Kalaallit Nunaata avataani taasinissami allakkatigut taasinermi atugassaat atorlugit.

§ 61. Nunaqarfinni ataasiakkaani qinersinerup inernerata naatsorsorneranut nalunaarutigineranullu aammalu piffissap qinigaaffiup ingerlanerani ilaasortat tunuarnerat il.il. eqqarsaatigalugit kommunalbestyrelsimut qinersinermut maleruaqqusat assingi atuupput, tak. kap. 1.

 

Kapitali 3
Ilagiit sinniisaannut qinersineq

§ 62. Ilagiit sinniisaannut qinersisinnaatitaavoq kinaluunniit § 1 malillugu kommunalbestyrelsimut qinersisinnaatitaanermut piumasarisaasunik eqqortitsisimasoq aammalu Ilagiinnut ilaasortaasoq.
Imm. 2. Kinaluunniit qinersisartut allassimafiiannut ilanngunneqarsimatinnani qinersisinnaatitaanngilaq.
Imm. 3. Qinersisartut allassimaffíi eqqarsaatigalugit §§ 21-24-ini maleruaqqusat aamma malinneqassapput.

§ 63. Immikkoortoq 3-mi taaneqartut eqqaassanngikkaanni Ilagiit sinniisaannut kinaluunniit qinigaasinnaatitaavoq § 62 naapertorlugu tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi ilagiit sinniissaanni ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni. Piffissaliussat ullormit qinersivimmiit atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut pineqaatissinneqarsimanini pissutigalugu qinigaasinnaamginnera pillugu akerliliisoqaraluaipalluunniit.
Imm. 3. Ilageeqarneq pillugu inatsisartut peqqussutaat sukkulluunniit atuuttoq naapertorlugu inuit ilagiit sinniisaanni ilaasortaasussat tassunga qinigaasinnaanngillat.
Imm. 4. Qinigaasinnaanermik annaasaqarneq pillugu §§ 50 aamma 53-imi maleruaqqusat aamma ilagiit sinniissaannut ilaasortanut atuutissapput.

§ 64. Sioqqutsisumik Kalaallit Nunaata Biskoppeqarfíani biskoppimut aamma provsteqarfíit allaffíinut tusarniaasoqareerneratigut oqaluffinni aamma atuarfmtigalutik naalagiartarfinni suni ilagiit sinniisaannut qinersisoqarsinnaanersoq aammalu sumiiffinni tamani ilagiit sinniisaannut ilaasortat amerlassusissaat Naalakkersuisut aalajangissavaat.
Imm. 2. Sumiiffinni ilagiit sinniisaannut qinersiffiusussaanngitsuni qinersisartut taakkunani najugaqartut, tak. § 62, ilagiit sinniisaannut qinersinermi sumi qinerseqataassanersut Naalakkersuisut aalajangissavaat.

§ 65. Ilagiit sinniisaat ukiuni sisamani atuuttussatut qinigaassapput, ilaasortallu tamarmiusut ataatsikkut tunuassallutik.
Imm. 2. Piffissap ilagiit sinniisaasa qinigaaffiata piffissaq kommunalbestyrelsimut qinigaaffik malissavaa. Qinersinermut ataatsimiititaliap ulloq qinersinerup ingerlanneqarfissaa aalajangersassavaa.

§ 66. Kommunini tamani qinersineq piareersameqarlunilu siulersorneqassaaq qinersinermik siulersuisunit.
Imm. 2. Qinersinerup piareersarneqarnera eqqarsaatigalugu §§ 7 - 11-ini maleruaqqusat aamma malinneqassapput.

§ 67. Ilagiit sinniissaannut qinersinissaq kingusinnerpaamik qaammatinik marlunnik sioqqullugu palasi palaseqarfiup pisortaqarfittut siulersuisua ilagiinnik ataatsimiigiaqqusissaaq, ataatsimiinnermi tassani pisortaqaríimmi siulersuisup taassuma imaluunniit taanna pisinnaanngippat palaseqarfîmmi palasit arlaata imaluunniit ajoqip ilagiit sinniisaasa suliassaat nassuiaateqaatigissavai paasiniassallugulu ilagiit sinniisaannik naammattunik qinersinissap siunnersuutiginissaa isumaqatigiissutigineqarsinnaanersoq. Isumaqatigiittoqarsinnaappat ataatsimiinnermi imaluunniit ataatsimiinnermut atatillugu qinigassanngortitat qinigaatinniakkat nalunaarsorneqassapput, tak. § 68, imm. 1.
Imm. 2. Ataatsimiinnissamut imm. 1-imi taaneqartumut ataatsimiigiaqqusineqassaaq ataatsimiinnissap siornatigut sapaatini kingullerni pingasuni naalagiarnemi ataatsimiinnissap nalunaarutigineqameratigut, qaqugu sumilu ataatsimiinnissaq oqaatigineqassalluni aammalu allagarsiinikkut kiisalu qinersinermik siulersuisut erseqqinnerusumik aalajangiinerisigut.
Imm. 3. Ataatsimiinnissami tassani taamaallaat peqataasinnaapput inuit ilagiit sinniisaannik qinersisinnaatitaasut.
Imm. 4. Ataatsimiinnermi imm. 1-imi taaneqartumi qinigassanngortitassat naammattut isumaqatigiissutigineqaraluarpataluunniit qinigassanngortitat allat § 70, imm. 1-imi piffissaliussap naannginnerani taaguivimmi pineqartumi qinersinissamik siulersuisumut nalunaarutigineqarsinnaapput.

§ 68. Qinigassanngortitanik nalunaarut Qinersinermut ataatsimiititaliap qinigassanngortittut pillugit allaffissiaasigut nalunaarutigineqartassaaq, taaguivimmilu pineqartumi taaguinermik siulersuisumut tunniunneqareersimassapput kingusinnerpaamik qinersinissaq sap. akunnerinik pingasunik sioqqullugu nal. 12.00.
Imm. 2. Inuit qinigassanngortitat tamarmik immikkut ikinnerpaamik tallimanik amerlanerpaa-millu qulinik qinigassanngortitsisoqassapput, aammalu taamaallaat qinigassanngortitsisuusinnaapput inuit ilagiit sinniisaannik qinersisinnaatitaasut. Kinaluunniit qinigassanngortittumit ataatsimit amerlanerusunut qinigassanngortitsisuusinnaanngilaq.
Imm. 3. Qinigassanngortittup qinigassanngortitsinermik nalunaarut tunniunneqareersimasoq taaguinermik siulersuisumut kingusinnerpaamik imm. 4-imi piffíssaliussap naannginnerani tunuartissinnaavaa.
Imm. 4. Piffissaliussap naanerani ilagiit sinniisaattut qinerneqartussaniit amerlanerusunik qinigassanngortittoqanngippat qinigassanngortitaasut qinigaasutut isigineqassapput.
Imm. 5. Piffissaliussap naanerani ilagiit sinniisaattut qinerneqartussaniit amerlanerusunik qinigassanngortittoqarpat taakkunannga qinersineqassaaq, qinigassanngortittullu aqqi allagarsiinikkut aammalu qinersinermik siulersuisut erseqqinnerusumik aalajangiinerat malillugu tamanut saqqummiunneqassapput.

§ 69. Qinersinermut ataatsimiititaliaq pappiarat taasivissat pissarsiarinissaat, ilusilernissaat agguaannissaallu pillugit aalajangersagaliussaaq, pappiarat taasiviit kalaallisut qallunaatullu naqitanik allagartaqassapput "Ilagiit sinniisaannut qinersineq".
Imm. 2. Qinersineqassaaq kommunalbestyrelsimut qinersinerup peqatigisaanik taasiartorfissani tamani inimi qinersinermik siulersuisut innersuussutaani.
Imm. 3. Taaguinermik siulersuisup ilagiit sinniisaannik qinersinermi pappiaranut taasivinnut immikkut nakkaatitsivik pissarsiarissavaa.
Imm. 4. Qinersinerup ingerlanneqarnissaa, tassunga ilanngullugu taasissutinik nassiussilluni taasineq, eqqarsaatigalugit §§ 26 - 35-ini maleruaqqusat aamma malinneqassapput.

§ 70. Qinersinerup naatsorsorneqarnerani siulliulluni ilaasortanngussaaq inuk amerlanerpaanit taagomeqarsimasoq, tulliulluni ilaasortanngussalluni inuk amerlanerpaanik taagorneqarsimasup tulliatut taagorneqarsimasoq ilagiit sinniisaanni inissat tamakkerlugit agguaanneqarserlugit.
Imm. 2. Qinigassanngortitat arlallit amerlaqatigiimmik taagorneqarsimappata taaguinermik siulersuisup tannermoortitsineratigut aalajangerneqassaaq arlaat kina qinigaanersoq.
Imm. 3. Taaguinermik siulersuisup sinniisussanik nalunaarsuiffik suliarissavaa, tassani allattorneqassapput qinigassanngortissimasut qinigaanngitsulli taaguunneqarnertik malillugu tulleriinnilersorneqarlutik. Qinigassanngortittut arlallit amerlaqatigiinnik taaguunneqarsimappata taaguinermik siulersuisup tannermoortitsineratigut tulleriinnilersuineq aalajangerneqassaaq.
Imm. 4. Qinersinerup naatsorsorneqarnera eqqarsaatigalugu §§ 36 - 40-ni, §§ 43 - 46-ni aammalu § 48-mi maleruaqqusat aamma malinneqassapput.

§ 71. Ilaasortatut qinigaasoq piffissap qinigaaffmp ingerlanerani ilagiit sinniisaannit tunuarpat, nammineersinnaajunnaarsitaappat imaluunniit toquppat sinniisussamit taarserneqassaaq.
Imm. 2. Ilaasortaq qaammat ataaseq sinnerlugu pisinnaanngippat sinniisussaq ilagiit sinniisaanni ilaasortanngorallassaaq.
Imm. 3. Pissutsini imm. 1-imi taaneqartuni ilaasortap taartissaanik sinniisussaqanngippat ilaasortat allat piffíssap qinigaaffiup sinnerani ilaasortaasussamik allamik qinersissapput taavalu ilagiit, palasi palaseqarfiup pisortaqarfittut siulersuisua, Kalaallit Nunaata Biskoppeqarfiani biskoppi aammalu Kultureqarnermut, Ilinniartitaanermut Ilageeqarnermullu Pisortaqarfik qinersineq pillugu nalunaarfigissallugit.

 

Kapitali 4
Ataatsimut aalajangersakkat

§ 72. Qinersinermut ataatsimiititaliaq kap. 1, 2 aamma 3-mi taaneqartoq tassaavoq Kalaallit Nunaata Inatsisartuinut qinersisameq pillugu inatsisartut inatsisaanni ataatsimiititaliaq taaneqartoq. Qinersinermut ataatsimiititaliap suliassai suliarineqassapput inatsisartut inatsisaanni qulaani taaneqartumi § 54-imi maleruaqqusat malillugit.

§ 73. Qinigaasinnaassuseq pillugu Ataatsimiititap § 53-imi taaneqartup sulineranut atatillugu aningaasartuutit Landskarsimit akilerneqassapput.
Imm. 2. Naalakkersuisut Allattoqarfiata Ataatsimiititaq allattoqarfeqartissavaa.
Imm. 3. Siulittaasoq akissarsiaqartinneqassaaq eqqartuussisut pillugit isumaqatigiissut sukkulluunniit atuuttoq naapertorlugu Naalakkersuisut aalajangersagaannik.
Imm. 4. Qinikkat Ataatsimiititami ilaasortaasut akissarsiaqartinneqassapput Inatsisartunut, Naalakkersuisunut il.il. ilaasortat aningaasarsiaqartitaanerat pillugit inatsisartut inatsisaanni maleruaqqusat malillugit.

§ 74. Qinersinermut ataatsimiititaliaq qinersinerup piareersarnerani ingerlanneqarneranilu piginnaatitaavoq pissutsit naapertorlugit, tassunga ilanngullugu sila, pisariaqarsorinarneratut inatsisartut inatsisaanni matumani maleruaqqusanik saneqqutsinissaminut, patsisissaatillugu qinersinerup isertuussassaanerata qinersinerullu ingerlanneqarnerata nakkutigisaanerata tamatigut isumannaarneqarsimanissaat. Qinersinermut ataatsimiititaliap qinersineq pillugu allattuiffimmini aalajangersagaq manna malillugu saneqqutsinerit pisimasut nassuiaateqarfigissavai.

§ 75. Naqitertitanut, tamanut saqqummiussanut pappiaqqanullu taasivinnut aningaasartuutit aammalu sumiiffiit kommunit aggomerisa avataaniittut pillugit immikkut aningaasartuutit landskarsimit akilerneqassapput. Qinersinermut atatillugu aningaasartuutit allat kommunip pineqartup karsianit akilerneqassapput.

§ 76. Qinersisartoq taasisimasoq suliassami sumiluunniit pisussaanngilaq eqqartuussisunut oqaatigissallugu qinigassanngortitaq kina imaluunniit partii sorleq taasimanerlugu.

§ 77. Kinaluunniit inatsisartut inatsisaat una malillugu imminut suliakkiutigineqartunik sumiginnaasoq pinerluttulerinermik inatsit malillugu pineqaatissinneqamissamik eqqartuunneqarsinnaavoq.

§ 78. Qinersinermik siulersuisunut ilaasortat imaluunniit allat inatsisartut inatsisaanni uani aalajangersakkat malillugit inini pappiarat taasiviit tigooqqarneqarfianniissinnaatitaasut
1)taasisitsinerup nalaani qinersisartumik siunnersuissaanngillat, ilitsersuissanatik kajumissaarissanatilluunniit qinigassanngortitaq kina taassaneraat,
2)allanik ilisimatitsissanngillat qinersisartoq una unalu najuussimanersoq, imaluunniit pappiaramik taasivimmik tuneqqusimanersoq tunniussisimanersorluunniit, imaluunniit
3)allanut nalunaarutiginnissanngillat taasivimmi qinersisartup qinigassanngortitamik imaluunniit partiimik sorlermik taasisimaneranik paasisimasaminnik.
Imm. 2. Qinersisartut aggerlutik taasinerata inatsisartut inatsisaanni peqqussutigineqartumiit allaanerusumik nakkutigineqamissaa akuerisaanngilaq.
Imm. 3. Immikkoortumi 1-imi aamma 2-mi aalajangersakkanik unioqqutitsinerit pinerluttulerinermik inatsit malillugu pineqaatissinneqamermik eqqartuunneqaataasinnaapput.

§ 79. Inatsisartut inatsisaat atuutilerpoq 1. januar 1997. Tamatuma peqatigisaanik atorunnaar-sinneqarput Kommunalbestyrelsinut bygderådinullu qinersineq pillugu inatsisartut inatsisaat nr. 2, 30. marts 1982-imeersoq aammalu Kalaallit Nunaanni ilageeqameq pillugu Inatsisartut peqqussutaanni nr. 2, 30. marts 1982-imeersumi §§ 12 - 14 aamma § 23.
Imm. 2. Nunaqarfinni aqutsisunut 1993-imi qinersinermi nunaqarfímmi aqutsisunut ilaasortatut qinigaasut eqqarsaatigalugit piffissaq qinigaaffik naassaaq 1997-imi aprilip qaammataata naanerani, taamaattoq tak. § 48.

Namminersornerullutik Oqartussat, ulloq 31. oktober 1996

Lars Emil Johansen

/

Kaj Kleist