Timersorneq pillugu Siunnersuisartoqatigiit pillugit Namminersornerullutik Oqartussat nalunaarutaat
Kulturimut atuartitsinermullu tunngasut siulersorneqar nerat pillugu Inatsisartut peqqussutaanni nr. 8-mi 7. maj 1988-imeersumi § 1, imm. 2 naapertorlugu aalajangersarneqarput:
§ 1. Naalakkersuisut Inatsisartunut nutaamik qinersisoqareernerit tamaasa Timersorneq pillugu Siunnersui sartoqatigiinnik Naalakkersuisunut suliassani timersor nermut tunngasuni siunnersuisuusussamik pilersitsisassapput.
Siunnersuisartoqatigiit suliassaat
§ 2. Timersorneq pillugu Siunnersuisartoqatigiit Naalakkersuisut suliassani timersornermut tunngasuni tamani siunnersortarsinnaavai. Siunnersuineq pisassaaq apeqqutinik saqqummiussiffigineqarnerni imaluunniit siunnersuisartoqatigiit namminneq sulissutiginninnerisigut.
Imm. 2. Timersorneq pillugu Siunnersuisartoqatigiit siunnersuusiortassavai nunatsinni nunanilu allani timersornermut tunngassutigut iliuusissanik pingaarnersiorlugit tulleriiaarisarnissani periaaserineqartartussat.
Imm. 3. Timersorneq pillugu Siunnersuisartoqatigiit siunnersuusiortassavai aningaasat Kultureqarnermut, Ilinniartitaanermut Ilageeqarnermullu Pisortaqarfiup timersornermut tunngasunut atugassarisaasa qanoq agguaanneqartarnissaannut maleruagassat.
§ 3. Timersorneq pillugu Siunnersuisartoqatigiit § 2 malillugu suliaminik ingerlatsinermini qularnaallissavaa timersornerit kikkunnit tamanit ingerlanneqartut, innarluutilinnit ingerlanneqartut pillammannillu inger lanneqartut tamarmik ilaatittarnissaat.
Siunnersuisartoqatigiit ilaasortalersugaanerat
§ 4. Timersorneq pillugu Siunnersuisartoqatigiit ilaasortarissavai:
1) Ilaasortat marluk timersuutinut kikkunnit tamanit ingerlanneqarsinnaasunut attuumassutillit Kultureqarnermut, Ilinniartitaanermut Ilageeqarnermullu Naalakkersuisumit toqqakkat.
2) Ilaasortat pingasut Kalaallit Nunaanni Timersoqatigiit Kattuffiannit qinikkat.
3) Ilaasortaq ataaseq Kalaallit Nunaanni innarluutillit timersoqatigiiffiisa kattuffiannit qinigaq.
Imm. 2. Kalaallit Nunaanni Timersoqatigiit Kattuffiata aamma Kalaallit Nunaanni innarluutillit timersoqatigiiffiisa kattuffiat siunnersuisartoqatigiinni sinniisuutitassaminnik qinersinermut malittarisassatik namminneq aalajangersassavaat.
Ataatsimiinnerit, suleriaasissaq missingersuutillu
§ 5. Inatsisartunut nutaamik qinersinerup kingorna ataatsimeeqqaarnermi Timersorneq pillugu Siunnersuisar toqatigiit siulittaasumik siulittaasullu tullianik ilaasortami akornannit qinersissaaq.
Imm. 2. Timersorneq pillugu Siunnersuisartoqatigiit ukiut tamaasa inunnik suliassanut aalajangersimasunut inuttaliussassanik nutaamik qinersisinnaavoq.
§ 6. Timersorneq pillugu Siunnersuisartoqatigiit ukiumut ikinnerpaamik marloriarlutik ataatsimiittassapput.
Imm. 2. Kultureqarnermut, Ilinniartitaanermut Ilage eqarnermullu Pisortaqarfik Timersorneq pillugu Siunner suisartoqatigiinnut allattoqarfiussaaq.
Imm. 3. Timersorneq pillugu Siunnersuisartoqatigiit suleriaasissartik namminneq allajangersassavaat.
Imm. 4. Timersorneq pillugu Siunnersuisartoqatigiit ataatsimiittarnissaminut ukiumoortumik aningaasartuutissanut missingersuusiortassaaq allattoqarfik peqatigalugu.
Atulerfia
§ 7. Nalunaarut una atulerpoq 1. december 1995.
Ikaarsaariarnermi aalajangersakkat
§
8. Peqqussut atulerpat piaartumik qaammallu ataaseq qaangiutsinnagu Timersorneq pillugu Siunnersuisartoqatigiit qinigaaffimmi matumani atuuttussat pilersin neqassapput.
Imm. 2. Kalaallit Nunaanni innarluutillit timersoqa tigiiffiisa kattuffiannik pilersitsisoqarserlugu timersoqatigiit innarluutillit siunnersuisartoqatigiinni sinniisorisassaat toqqarneqassaaq Nuummi innarluutillit timersoqatigiiffiannit, NIT-imit.
Imm. 3. Timersorneq pillugu Siunnersuisartoqatigiit pilersinneqarneranut peqatigitillugu Timersorneq pillu gu siunnersuisartutut ataatsimiititaliaq atorunnaarsin neqarpoq.
Namminersornerullutik Oqartussat, ulloq den 1.december 1995
Konrad Steenholdt
/
Karl Kristian Olsen