Kapitali 1

Siunertaa suliassaalu

§ 1. Pinngortitaleriffik, Kalaallit Nunaanni Nammi-nersornerullutik Oqartussat pinngortitamik ilisimatusarneranni qitiusoq, siunertaqarpoq Kalaallit Nunaanni eqqaanilu pisuussutinik uumassusilinnik nungukkiartuutaanngitsumik atuinissamut ilisimatuussutsikkut tunngavissanik pissarsiniarnermik kiisalu avatangiisinik uumassusillillu amerlalluinnartuunerinik isumannaarinninnissamik.

§ 2. Pinngortitaleriffiup suliassarai

1) pisuussutit uumassusillit atuiffigineqarnerannut nungutsaaliorneqarnerannullu tunngatillugu paasissutissanik katersissalluni, suliareqqiisassalluni naliliisassallunilu,

2) pisuussutit uumassusillit Kalaallit Nunaannut pingaaruteqartut naliliiffiginissaat siunertaralugu ilisimatusarnerit ingerlatissallugit,

3) pinngortitami allanngortiartornerit uumassusillillu avatangiisinut ataqatigiinnerisa misissuiffigineqarnerinut peqataassalluni,

4) sakkut periutsillu naliliiffigineqarnerinut atatillugu misissuinerni ineriartortitsinermilu peqataassalluni,

5) ilisimatusarfigisassatut taaneqartut iluanni Kalaallit Nunaata nunanut allanut pisussaaffii isumagissallugit aamma

6) ilisimatusarnerit aammalu ilisimatusarfinnit allanit misissiuinerit ilisimatusarnerillu inernerinik nalunaarsuinerit, Kalaallit Nunaanni pisuussutinut uumassusilinnut aairanalu kalaallini avatangiisinik pinngortamillu isumannaallisaanernut pingaaruteqartut ataqatigiissaarneqarneri isumagissallugit.

§ 3. Pinngortitaleriffik Nairaninersornerullutik Oqartussanut pinngortitaleriffiup suliassaasa iluini siunnersuisassaaq.

Imm. 2. Pinngortitaleriffik pisortat namminersortullu suleqatigiiffiinik suliffeqarfiinilluunniit allanik sullissisinnaavoq tamakkiisumik ilaannakortumilluunniit tamatumani aningaasartuutaasut akilersillugit.

§ 4. Pinngortitaleriffik pisussaavoq ilisimatusarnermini angusat tamanut saqqummiunnissaannut.

Imm. 2. Pinngortitaleriffik suliassaqarfimmi iluani apeqqutit avatangiisinut, pinngortitamut ilisimatusarnermullu tunngasut pillugit tamanut ingerlatitseqqittarnermut paasissutissiisarnermullu peqataassaaq.

Kapitali 2

Pinngortitaleriffiup siulersorneqarnera

§ 5. Pinngortitaleriffik siulersuisunit pisortamillu siulersorneqarpoq.

Imm. 2. Siulersuisut suleriaasissartik namminneq aalajangersassavaat.

Imm. 3. Siulersuisut ilisimatusarnermut siunnersuisartutut ataatsimiititaliaqartinneqassapput.

§ 6. Siulersuisut qulliunerusumik siulersuineq akisussaaffigaat, tassunga ilanngullugu Pinngortitaleriffiup siunertatut aalajangersakkat naapertorlugit sulinissaa.

Imm. 2. Siulersuisut ilisimatusarnermut siunnersuisartutut ataatsimiititaliaq isumasioreerlugu piffissaq ungasissoq isigalugu Pinngortitaleriffiup suliniuteqarfigisassanut pilersaarutai aamma ukiumut suliassatut pilersaarutai akuersissutigisassavai.

Imm. 3. Siulersuisut tassaapput siulittaasoq ilaasortallu arfineq marluk, tamarmik ukiuni pingasuni atuuttussatut toqqarneqartut.

Imm. 4. Siulittaasoq ilaasortallu pingasut Naalakkersuisunit toqqarneqassapput, ilaasortat marluk soqutigisaqaqatigiiffinnit naalakkersuisunit toqqarneqartunit toqqarneqassallutik ilaasortallu marluk Pinngortitaleriffimmi suleqataasunit taakkulu akornannit qinerneqassallutik.

§ 7. Pisortap Pinngortitaleriffiup ulluinnarni siulersorneqarnera isumagisassaraa avammullu sinniisutut atuutissalluni.

Imm. 2. Pisortaq Naalakkersuisut toqqartassavaat siulersuisut oqaaseqartereerlugit.

§ 8. Ilisimatusarnermut siunnersuisartutut ataatsimiititaliaq tassaavoq siulittaasoq ilaasortallu arfineq pingasut tamarmik ukiuni pingasuni atuuttussatut toqqarneqartut.

Imm. 2. Siulittaasoq Naalakkersuisunit toqqarneqassaaq Pinngortitaleriffiup siulersuisuisa inassuteqarnerisigut. Ataatsimiititaliami ilaasortat sinneri ilisimatusarfinnit, siulersuisut saaffiginninnerisigut, toqqarneqassapput.

Imm. 3. Ataatsimiititaliaq suliassat ungasissumut pilersaarusiugaasut suliarinerini akuersissutigineqarnerinilu siunnersuisassaaq.

Imm. 4. Ataatsimiititaliap akuttunngitsunik Pinngortitaleriffiup ilisimatusarnikkut suliai naliliiffigisassavai. Naliliinerit Pinngortitaleriffiup aqutsisuinut sulisuinullu saqqummiunneqartassapput.

§ 9. Naalakkersuisut Pinngortitaleriffiup aqunne-qarnera aaqqissuussaaneralu pillugit maleruagassanik erseqqinnerusunik aalaj angersaasinnaapput.

Kapitali 3

Aalajangersakkat allat

§ 10. Pisortaq ukiumut ataasiarluni Pinngortitaleriffiup ingerlatai pillugit Naalakkersuisunut nalunaarusiortassaaq.

§ 11. Pinngortitalerifiup inatsisinik tunngaveqartunik suliassaanut ukiumoortumik aningaasaliissutit aningaasanut inatsisikkut aalajangersarneqartassapput.

Imm. 2. Inatsisinik tunngaveqanngitsunik suliassanut aningaasaateqarfinnit avataanillu allanit aningaasaliissutit Pinngortitaleriffimmit allanit akuliuffigineqanngitsumik atorneqarsinnaapput.

Kapitali 4

Atuutilerneranut ikaarsaariarnermilu aalajangersakkat

§ 12. Siulersuisunik siullermeersumik qinersinermi ukioq ataaseq affarlu atuuttussamik ilaasortat marluk Naalakkersuisunit toqqarneqassapput, ilaasortaq ataaseq soqutigisaqaqatigiiffinnit ilaasortarlu ataaseq Pinngortitaleriffimmi sulisunit toqqarneqassallutik.

Imm. 2. Ilisimatusarnernut siunnersuisartutut ataatsimiititaliamut ilaasortassanik siullermeersumik toqqaanermi ilaasortat affai ukioq ataaseq affarlu atuuttussamik toqqarneqassapput.

§ 13. Inatsit atulerpoq 1. juli 1994-imi.

Namminersornerullutik Oqartussat, ulloq 8. juni 1994.

Lars Emil Johansen

/

Ove Rosing Olsen