Namminersornerullutik Oqartussani kommuninilu tjenestemandit pillugit Inatsisartut inatsisaanni nr. 5-imi 14. maj 1990-imeersumi § 60, imm. 2 tunngavigalugu aalaj angersarneqarput:

Kapitali 1.
Qinikkatut pisortanillu toqqakkatut suliaqarneq.

§ 1. Nalunaarummi matumani qinikkatut pisortanillu toqqakkatut suliaqarnertut isigineqarput:
1) Kalaallit Nunaanni Inatsisartuni ilaasortaaneq,
2) kommunalbestyrelsimi ilaasortaaneq, bygderådimi ilaasortaaneq ataatsimiititalianilu kommunalbestyrelsimit bygderådimillu pilersinneqartuni kommunalbestyrelsimi ilaasortaaneq naapertorlugu ilaasortaaneq,
3) eqqartuussisutut suliaqarneq,
4) eqqartuusseqataasartutut suliaqarneq,
5) eqqartuussivimmi illersuisutut suliaqarneq, kiisalu
6) suliassanik allanik pineqartup inatsisit malillugit suliarissallugit pisussaaffeqarfiini suliaqarneq.

§ 2. Tjenestemandit qinikkatut pisortanillu toqqakkatut suliassanik § 1 naapertorlugu suliallit suliassat pineqartut isumaginissaannut pisariaqartitsineq naapertorlugu sulinngiffeqarsinnaatitaapput §§3-5-mi malittarisassat malillugit.

§ 3. Sulinngiffeqarneq ajornanngippat piffissap suliffiup allanngortiterneqarneratigut imaluunniit suliffimmik paarlaasseqatigiinnikkut pissaaq. Sulinerup pilersaarusiorneqarnerani sulisitsisoq pineqartoq tjenestemandilu pineqartoq naleqquttumik aaqqiissuteqarnissamut peqataanissaminnut pisussaapput.
Imm. 2. Sulinngiffeqarneq imm. 1-imi taaneqartutut piffissap suliffiup allanngortiterneqarneratigut imaluunniit suliffimmik paarlaasseqatigiinnikkut pisinnaanngippat imaluunniit piffissap suliffiup allanngortinneqarnera tjenestemandip katillugit piffissamik suliffissaanik annertuumik sivitsuinikkut aatsaat pisinnaappat § 4-mi malittarisassat atorneqassapput.

§ 4. Inuiaqatigiinni suliaq akissarsiaqaataanngippat qaammatisiutit ukiuanni ataatsimi ullut 60 tikillugit tjenestemandi sulinngiffeqarsinnaavoq akissarsiassaminik ilanngaavigineqarani. Taamatut sulinngiffeqartitsisoqartillugu suliassap naaininassiniarneranut atatillugu ullut angalaffigisariaqakkat ilanngullugit naatsorsuunneqassanngillat. Suliaq aalajangersakkat Nunatta Inatsisartuinit aalajangersarneqarsimasut imaluunniit Kalaallit Nunaanni Kommunit Nakkutilliisoqarfiannit akuerisaasimasut naapertorlugit ineqarnermut nerisanullu akiliutinut matusissutissanik taamaallaat ullormusiaqaataasoq suliatut akissarsiaqarfiunngitsutut isigineqassaaq.
Imm. 2. Sulinngiffeqarneq imm. 1-imi taaneqartumit sivisuneruppat tjenestemandip akissarsiai ilanngaaffigineqassapput sulinngiffeqarnerup nalaani ullormi suliffimmi ataatsimi nal. akunneri sisamat tikillugit qaammammut akissarsiat 1/60-iata ullormilu suliffimmi nal. akunneri sisamat qaangerlugit qaaimammut akissarsiat 1/30-iata nalingannik.

§ 5. Suliaq akissarsissutaappat § 4, imm. 2-mi taaneqartutut akissarsiat ilanngarlugit sulinngiffeqartitsisoqassaaq. Suliaq akissarsiaqaataasutut isigineqassaaq aningaasarsisitsisoqarpat/akissarsisitsisoqarpat imaluunniit ataatsimiinnersiuteqartitsisoqarpat sulilluni akissarsiassaraluit annaasat matussutissinneqarpata aalajangersakkat Nunatsinni Inatsisartunit aalajangersarneqarsimasut imaluunniit Kalaallit Nunaanni Kommunit Nakkutilliisoqarfiannit akuerineqarsimasut naapertorlugit, imaluunniit sulilluni akissarsiassaraluit annaasat taarserneqarnissaannut periarfissaqarpat.
Imm. 2. Taamaattorli imm. 1-imi taaneqartutut akissarsiatigut ilanngaassissutit, tjenestemandi allatut aaqqiinissamut isumaqataalluni nalunaarsimanngippat, qaammatit tamaasa amerlanerpaamik qaammammut aningaasarsiat ataatsimiinnersiutilluunniit qinikkatut pisortalluunniit toqqagaattut suliaqarnermut suliassarititaasumulluunniit atatillugu tunniunneqartartut amerlaqatigisinnaavaat. Aningaasat sinneruttut qaammammut tullermut nuunneqassapput. Ukiup sulinngiffeqarfissanik katersiviusup ingerlanerani akissarsiatigut ilanngaassissutigineqartut tjenestemandip piffissami tassani aningaasarsiaasa ataatsimiinnersiutisiaasaluunniit sinnersimasinnaanngilaat.

Kapitali 2.
Folketingimi ilaasortatut sulineq.

§ 6. Tjenestemandi folketingimi ilaasortaanini pissutigalugu atorfimmini sulinngitsoq atorfimmi tassani akissarsiassatut aalajangersakkat ilaannik sunilluunniit akissarsiaqartinneqassanngilaq.
Imm. 2. Tjenestemandit folketingimi ilaasortaanermut atatillugu piffissap ilaannaanut sulisarneranni akissarsiaritinneqartut pillugit malittarisassat erseqqinnerusut Sulisoqarnermut Pisortaqarfiup aalajangersassavai.

Kapitali 3.
Ataatsimoortumik aalajangersakkat.

§ 7. Namminersornerullutik Oqartussani kommuninilu tjenestemandit pillugit Inatsisartut inatsisaanni § 60, imm. 4 aamma Kalaallit Nunaanni naalagaaffimmi tjenestemandinut il.il. soraarnerussutisiaqarneq pillugu inatsimmi § 3, imm. 6 naapertorlugit aalajangersarneqarpoq § 1-imi imaluunniit Folketingimi ilaasortatut suliassat isumaginissaannut piffissaq tjenestemandip sulinngiffeqarfia piffissalluunniit ilaannaani suliffia ukiut qanoq amerlatigisut najoqqutaralugit sulineq tunngavigalugit akissaatit aamma soraarnerussutisiassat amerlassusiinik katersanut ilanngunneqartassasut. Soraarnerussutisiaqarnissamut ukiunik naatsorsuinermi ilanngussinissami Akissaatinut Ataatsimiititat oqaaseqartereerlugit piumasaqaataavoq soraarnerussutisiaqarnissaq siunertaralugu akilersuisoqassasoq, tak. Namminersornerullutik Oqartussani kommuninilu tjenestemandit pillugit Inatsisartut inatsisaanni nr. 5-imi 14. maj 1990-imeersumi § 56, aamma tak. Kalaallit Nunaanni naalagaaffimmi tjenestemandinut il.il. soraarnerussutisiaqarneq pillugu Inatsimmi § 24 b.
Imm. 2. Akissaatinut qaffasinnerusunut nuunneq inatsit imaluunniit aaqqissuussineq akuerisaq tunngavigalugu sulinerullu sivisussusia pissutigalugu pisoq aammalu naammaginartumik sulinermik pissuteqartoq tjenestemandip pineqartup nalunaarummi matumani suliat pineqartut suliariniarlugit sulinngiffeqarnera apeqqutaatinnagu pissaaq.

§ 8. Nalunaarummut ilitsersuut suliarineqassaaq.

Kapitali 4.
Atortuulersitsineq

§ 9. Nalunaarut manna 1. april 1994 aallarnerfigalugu atortuulersinneqarpoq.

Namminersornerullutik Oqartussat, ulloq 15. marts 1994

Emil Abelsen

/

Jakob Janussen

Ilanngussaq