Peqqinnissaqarfiup sullissineri il.il. pillugit Inatsisartut peqqussutaanni nr. 8-mi, 30. oktober 1992-imeersumi, § 25, imm. 2 naapertorlugu aalajangersarneqarpoq:

§ 1. Nalunaarummi uani maleruagassat naapertorlugit Peqqinnissamut Avatangiisinullu Pisortaqarfik peqqinnissakkut ilisimatusarnernut tapiissuteqarsinnaavoq.
Imm. 2 Immikkorluinnaq pisoqartillugu Peqqinnissamut Avatangiisinullu Pisortaqarfik suliniutinut, aammattaaq peqqinnissakkut ilisimatusarnermi siuarsaaniutinut, tapiissuteqarsinnaavoq.

§ 2. Ilisimatusaatinut tapiissuteqarnermi pingaarnerutinneqartarput, ilisimatusaatit minnerpaamik peqqinnissaqarf inimi atorfilimmit ataatsimit peqataaffigineqartut.

§ 3. Tapiiffigineqarnissamik qinnuteqaat, pilersaarummi aningaasalersuisinnaasut allat sorliit qinnuteqarfigineqarsimanersut qinnuteqarfigineqassamaarnersulluunniit pillugit, paasissutissanik imaqartinneqassaaq.

§ 4. Tapiiffigineqassagaanni, ilisimatusarnermi ileqqorissaarnissaq pillugu aalajangersakkat sukkulluunniit atuuttut ilisimatusartunit malinneqarnissaat, piumasarineqarpoq.

§ 5. Nalunaarut una naapertorlugu aningaasaliissutaasimasut pillugit naatsorsuutinik Peqqinnissamut Avatangiisinullu Pisortaqarfimmut tunniussisoqassaaq.

§ 6. Tapiiffigineqassagaanni ilisimatusarnermi angusat Kalaallit Nunaanni saqqummiunneqarnissaat piumasaqaataavoq, taammaattorli takuuk imm. 3 .
Imm. 2 Qinnuteqaammi takuneqarsinnaassaaq, ilisimatusarnermi angusat qanoq ililluni saqquinmiunneqassasut naatsorsuutigineqarnersoq.
Imm. 3 Saqqummiussinnginnissamut pissutissaqarluarsorinarpat, tamanna pillugu piumasaqaammit Peqqinnissamut Avatangiisinullu Pisortaqarfik immikkut akuersissuteqarsinnaavoq.

§ 7. Peqqinnissamut Avatangiisinullu Pisortaqarfik ilisimatusaatissanik immikkut siuarsarusutanik nalunaaruteqarsinnaavoq. Tamanna tusagassiuutit tamatumunnga attuumassuteqartut aqqutigalugit saqqummiunneqartassaaq.

§ 8. Peqqinnissamut Avatangiisinullu Pisortaqarfik ukiumoortumik nalunaarusiussaaq. Ukiup ingerlanerani suliniutit sorliit tapiiffigineqarsimanersut aningaasartaasalu annertussusaat pillugit paasissutissanik nalunaarusiaq imaqartinneqassaaq.

§ 9. Aningaasaliissutit ingerlaavartumik, ukiumullu minnerpaamik marloriarluni, tunniunneqartarput.

§ 10. Qinnuteqaatip nalilersorneqarneranut atatillugu Peqqinnissamut Avatangiisinullu Pisortaqarfik immikkut ilisimasalimmik ikiorteqarsinnaavoq. Tamatumunnga aningaasartuutit ilisimatusarnermut aningaasaliissutinit akilerneqassapput.

§ 11. Tapiissutissanik qinnuteqarnermi Peqqinnisamut Avatangiisinullu Pisortaqarf iup qinnuteqarnermi immersugassialiaa atorneqassaaq.
Imm. 2 Qinnuteqarnermi immersugassaq Peqqinnissamut Avatangiisinullu Pisortaqarf immut saaf f iginninnikkut pissarsiarineqarsinnaavoq.

§ 12. Nalunaarut una atuutilissaaq 1. decembari 1993.

Namminersornerullutik Oqartussat, ulloq 1. decembari 1993.

Ove Rosing Olsen

/

Torben Cordtz