Utoqqalinersiutillit inuussutissarsiorsinnaajunnaarnersiutillillu 1991-imut akileraarutitigut ilanngaatissaasa angissusilerneqarnissaannut piffissaq killissarititaq pillugu Inatsisartut inatsisaat
§ 1. Qaammatisiutit malillugit ukiumut 1991-imut utoqqalinersiutillit inuussutissarsiorsinnaajunnaarnersiutillillu ilanngaatissaasa angissusilerneqarnissaannut piffissaq killissarititaq allanngortinneqassaaq, aningaasarsianit akileraarutit pillugit Inatsisartut inatsisaanni nr. 5, 19. maj 1979-imeersumi, kingullermik allanngortinneqartumi Inatsisartut inatsisaatigut nr. 10, 17. oktober 1988-imeersukkut, §§-it 16B, imm. 4 aamma 16C, imm. 4 naapertorlugit, qaammatisiutit malillugit ukioq atuutilerfissaat sioqqullugu ukiup affaani siullermiit qaammatisiutit malillugit ukioq atuutilerfissaat sioqqullugu ukiup affaani kingullermut.
§ 2. Inatsisartut inatsisaat ingerlaannaq atuutilerpoq.
Namminersornerullutik Oqartussat, ulloq 15. maj 1990.
Jonathan Motzfeldt
/
Emil Abelsen