Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 13-imi 26. okt. 1989-imeersumi § 10 imm. 1 aamma § 17 imm. 3, takuuk § 24 imm. 3, tunngavigalugit makku aalaj angersarneqarput:

§ 1. Nalunaarutip matuma aalajangersagai suliffinnut imigassanik nioqquteqarsinnaanermut akuersissutaatilinnut atuuppoq, umiarsuarnulli atuugani. Aalajangersakkat aamma pisortat suliffeqarfiisa niuertarfiinut, akunnittarfiutaannut sassaallertarfiinullu imigassanik aalakoornartulinnik nioqquteqarfiusunut atuupput.

§ 2. Init imigassanik aalakoornartulinnik nioqquteqarfittut sassaallertarfittullu atorneqalinnginnerini akuersissutit makku pissarsiarineqareersimassapput:
1) sanaartukkanik nakkutilliisumit (kommunip atuisinnaanermut akuersissutaa),
2) ikuallattoorsinnaanermut nakkutilliisut akuersissutaat,
3) peqqinnissamut oqartussat akuersissutaat,
4) Sullivinnik Nakkutilliisoqarfiup akuersissutaa kiisalu namminersorluni inuutissarsiorfeqarnermut akuersissut aammalu imigassanik nioqquteqarsinnaanermut akuersissut.
Imm. 2. Aalajangersakkat tamakku aamma atuupput annertuumik allanngortiterisoqarsimappat. Piginnittoq attartortorluunniit allanngorsimappata namminersorluni inuutissarsiorfeqarnermut nutaamik akuersissuteqartoqassaaq aammalu nutaamik imigassanik nioqquteqarsinnaanermut akuersissuteqartoqassalluni.

§ 3. Suliffeqarfiup isaariaa nunaminertallu tassunga avatangiisut qaninnerit sukkulluunniit torersuutinneqassapput.
Imm. 2. Kommunalbestyrelsip suliffeqarfik nunaminertanik avatangiisiminik qanoq annertutigisumik torersuutitsinissaminut akisussaanersoq aalajangersinnaavaa.

§ 4. Kommunalbestyrelsip suliffeqarfik pioreersoq eqqaamiuminik nipiliornikkut, eqqissiviilliornikkut mingutsitsinikkulluunniit annertuumik ajornartorsiortitsisoq akornutaasunik aaqqiissuteqaqqullugu piumasaqarfigisinnaavaa.

§ 5. Inini imigassanik nioqquteqarsinnaanermut akuersissutaateqartuni nipillorneq, nukersorluni qunutitsineq (persuttaaneq), ajuallatsitsiniarneq taakkuluunniit assinginik iliorneq, aammalu kikkulluunniit eqqissisimanissaannut akornutaasumik iliuuseqarneq imaluunniit isersimasunut ajoqutaasinnaasumik torersumilluunniit assuarnanngitsumlllu pissusilersornissamut akerliusumik iliorneq inerteqqutaapput.
Imm. 2. Imm. 1-imi aalajangersakkat unioqqutinneqarpata imigassanik nioqquteqarsinnaanermut akuersissummik piginnittup taassumaluunniit tullersortaata qanoq iliornerit uparuaaffigissavai, pisariaqarpallu unioqqutitsisoq qimagutitissavaa imaluunnit politiit aggeqqussallugit.

§ 6. Sassaallertarfiit initaanni isersimasut ataatsikkut ima amerlatigissanngillat tamanna eqqissisimanissamut akornutaalluni.
Imm. 2. Eqqissisimanissaq qanguniarlugupisariaqartinneqarpat politiit kommunalbestyrelsimut inassutigisinnaavaat ataavartussamik piffissalluunniit aalajangersimasup iluani oqartussaasut isersimasut amerlanerpaaffissaannik aalajangigaannit ikinnerusunik isersimasoqartassasoq.

§ 7. Imigassanik aalakcornartulinnik nioqquteqarnermi sassaallernermilu 18-it inorlugit ukiullit toqqaannartumik sulisorineqassanngillat. Ilinniartut ilinniarnerminnullu atatillugu sungiusarlutik sulisut tamatigut inersimasunik naammattunik amerlassusilinnik ilaqarnissaat qulakkeerneqarsimassaaq.
Imm. 2. Sutorniartarfinni matunik paarsisussatut naammattunik amerlassusilinnik sulisoqassaaq, taamatullu sulisut inersimasuussapput 18-inik ukioqalereersimasut.

§ 8. Imigassanikaalakoornartulinniksassaallernerup matunissaata siuninnguatigut imigassanik aalakoornartulinnik ima amerlatigisunik pisisitsisoqassanngilaq, taakku piffissarititaasup sinnerani imerneqarsinnaasorinaratik imaluunnit aalakoorujussualissutaasinnaallutik.

§ 9. Illut nakkutigineqarnerini ikuallattoornissamullu oqartussat Sullivinnillu Nakkutilliisoqarfik nioqquteqarfiit sassaallertarfiillu akuerineqarnerini piumasaqaataasut suli eqqortinneqarnersut sukkulluunniit misissuiffiginissaannut piginnaatitaapput.
Imm. 2. Aammattaaq peqqinnissamut oqartussat eqqiluisaarnikkut pissutsit naammaginartuunersut sukkulluunniit misissuiffiginissaannut piginnaatitaapput.

§ 10. Nakkutilliisutut oqartussat suliffimmi piumasaqaatinik naammassinnisaimanngitsunut aaqqiinissamik naalakkiuteqarsinnaapput.
Imm. 2. Naalakkiutit taakku oqartussat ilaata piffissaliussaata iluani aaqqinneqanngippata nakkutilliisutut oqartussat aaqqitassat naammassitserlugit suliffik matugallaqqusinnaavaat, aaqqitassat isersimasunut sulisunullu isumannaallisaaffigineqarnermut peqqinnissakkulluunniit ulorlanartorsiortitaasinnaanermut annertuumik pissutaasimappata.

§ 11. Suliffimmi pissutsit inatsisitigut piumasarineqartunik naanmassinnissimanngippata nakkutilliisutut oqartussat kommunalbestyrelsimut, pisortat suliffeqarfiini akunnittarfiit sassaallertarfiillu pineqarpata Naalakkersuisunut, nalunaaruteqassapput. Nakkutilliisutut oqartussat nalunaarumminni ilanngullugit oqaatigissavaat naalakkiutit suut qanoq piffissalikkat suliffiup aaqqinneqarnissaanut pisariaqartissimaneritik.

§ 12. Nalunaarummi matumani aalajangersakkanik unioqqutitsinerit akiliisitsissutigineqarsinnaapput.

§ 13. Nalunaarut manna atortuulersinneqarpoq 1. april 1990 aallarnerfigalugu.
Imm. 2. Suliffioreersup aaqqissuunnissaanut immikkut piumasarisanut naalakkiutit allanngortitsinernut annertuunut tunngassuteqartut Inatsisartut inatsisaanni § 5 imm. 2-mi oqaaseqatigiit aappaannut tunngassuteqartut siusinnerpaamik 1. april 1991-imi aatsaat naammassereeqquneqarsinnaapput.

Namminersornerullutik Oqartussat ulloq 29. marts 1990

Moses Olsen

/

Martha Labansen