Ilisimatusarfik pillugu Landstingip inatsisiliaani nr. 3-mi majip 9-anni 1989-imeersumi § 3, nr. 4 malillugu aalajangersarneqarpoq:

Nalileeqataagartoqarnera.

§ 1. Nalileeqataasartoqarnera inuiaqatigiit uppernarsaasoraat ilinniartitaanermi pisinnaasassatut piumasarisat anguneqarsimanissaannut, soraarummeersitsinerup aalajangersakkat atuuttut malillugit ingerlanneqarneranut, aammalu soraarummeertut assigiiaamik naapertuilluartumillu nalilerneqarnissaannut.

Nalileeqataasussat.

§ 2. Nalileeqataasussat soraarummeerutissanik nalileeqataaffigisassaminnik paasisimasaliussapput.
Imm. 2. Nalileeqataasussat ilaatigut ilinniarfinni ilinniartitsisuusinnaapput misilittagartuut, ilaatigullu inuit sivisujaamik ilinniagassanik pineqar tunik sammisaqarsimasut aamma tamanna suliaminnut ilaatillugu.
Imm. 3. Ilisimatusarfimmi ilinniartitsisoq Ilisimatusarfiup iluani soraarummeernermi avataanit pisutut nalileeqataasinnaanngilaq. Kisianni Kultureqarnermi atuartitsinermilu Pisortaqarfiup immikkuik pissuteqartumik ilisimasassat tungaatigut pisariaqarpat Ilisimatusarfimmi ilinniartitsisut ilaat institutimi suliffiginngisamini avataanit nalileeqataasussatut ikkussinnaavaa.

Nalileeqataasussanngortitsineq.

§ 3. Inuit nalileeqataasussatut ikkunneqarnissaat pillugu Ilisimatusarfiup rektoria nalileeqataasussat siulittaasuat (naleqq. § 5) atasoq suleqatigalugu Studienævnip siunnersuutaa tunngavigalugu innersuuteqassaaq. Nalileeqataasussat Kultureqarnermi atuartitsinermullu Pisortaqarfimmit ikkunneqassapput ukiuni pingasuni at.asussatut. Immikkut pissuteqarluni pisortaqarfiup nalileeqataasussat ataasiaannarlutik atugassatut ikkussinnaavai. Nalileeqataasussat ikkuteqqinneqarsinnaapput.
Imm. 2. Nalileeqataasussat ima amerlatigisut ikkunneqassapput soraarummeernermi sorlermiluunniit nalileeqataasussat marluk arlaat qinerneqarsinnaassalluni.
Imm. 3. Kultureqarnermi atuartitsinermilu Pisortaqarfiup nalileeqataasussap tassanngaannaq pisinnaajunnaarfiani assigisaanilluunniit pisoqartillugu akuerisinnaavaa nalileeqataasussaq ikkunneqarsimanngikkaluartoq atorneqassasoq imaluunniit atorneqarsimassasoq (immikkut ikkussineq).

Nalileeqataasussat atorneqarnissaat.

§ 4. Nalileeqataasussatut ikkunneqartoq pisinnaavoq pisussaallunilu naliligassanik suliassaqarnini malillugu nalileeqataassalluni. Ikkunneqarnerup aamma kinguneraa § 6 malillugu maalaarutit suliarineqarneranni peqataanissaq, aammalu nalileeqataasussat siulitaasuattut taassumaluunniit tulliatut qinigaassagaanni akuersinissaq.
Imm. 2. Nalileeqataasussaq naliliinissamini kinaassusersiunnginnissaa soraarummeernissamut aalajangersimasumut tunngatillugu qularnartoqartinneqartoq nalileeqataasinnaangilaq tamatuminngalu nalileeqataasussat siulittaasuat kalerritassaralugu.
Imm. 3. Ilisimatusarfiup nalileeqataasussat qaqugukkulluunniit atortussaannik tamanik suliaminnut atugassaannik isumagissavai.

Nalileeqataasussat siulittaasuat.

§ 5. Ilisimatusarfimmi misilitsinnerni nalileeqataasussatut ikkussat akornannit Kultureqarnermi atuartitsinermilu Pisortaqarfiup siulitaasussaat tullersortissaalu siulittaasoq pisinnaatinnagu sinniisuusartussaq toqqassavai.
Imm. 2. Nalileeqataasartussat siulittaasuat Ilisimatusarfimmi nalileeqataasartussat sinniisoraat, apeqqutinillu tunngavissatut pingaarutilinnik nalileeqataasartoqatini isumaqatiginiartassavai.
Imm. 3. Ilisimatusarfimmit siunnersuutaasut tunngavigalugit nalileeqataasartut siulittaasuata nalileeqataasussatut suliassat nalileeqataasussanut agguaattassavai.

Maalaarfissaq.

§ 6. Soraarummeerneq pillugu maalaaruteqartoqassaguni tamanna Ilisimatusarfiup rektorianut ingerlatissavaa. Maalaarut allakkatigut tunngavilerneqassaaq. Ilisimatusarfiup rektoriata piaarnerpaamik maalaarut soraarummeersitsisumut nalileeqataasumullu saqqummiutissavaa.
Imm. 2. Soraarummeersitsisup nalileeqataasullu aalajangersinnaavaat:
1) Naliliinertik atortiinnarniarnerlugu,
2) naliliinertik maalaartoq taperserlugu allanngortinniarnerlugu, imaluunniit
3) maalaartoq misilitseqginnissaanik neqeroorfigissanerlugu, tassa soraarummeernerup pineqartup ingerlanera kukkunertaqarsimappat. Soraarummeersitsisup nalileeqataasullu aalajangiinermik patsisaa ilanngutissavaat. Naliliineq aatsaat allanngortinneqarsinnaavoq maalaartorlu soraarummeeqqinnissaanik neqeroorfigineqarsinnaalluni soraarummeersitsisoq nalileeqataasorlu isumaqatigiippata.
Imm. 3. Soraarummeersitsisoq nalileeqataasorlu maalaarutip aalajangiiviginiarnerani isumaqatigiissimanngippata Ilisimatusarfiulluunniit rektoriata isummernermut pissutaasoq naammaginartinngikkuniuk ilinniartoq soraarummeersinneqaqqinnissaanik neqeroorfigisinnaavaa. Ilisimatusarfiup rektoriata taanna aalajangiivigitinnagu ilinniagassami pineqartumi ilinniartitsisut nalileeqataasussallu allat isumasioqqaarsinnaavai.
Imm. 4. Ilisimatusarfiup rektoriata maalaarutip suliarineqarnerata inernera ilinniartumut nalunaarutigissavaa. Ilinniartup soraarummeeqqinnissaminut neqeroorut akuerippagu soraarummeersimanera siulleq atorunnaarsinneqassaaq, misilitseqqinnerullu nalilerneqarnera naliliinermut siullermut taarsiunneqassaaq.
Imm. 5. Rektorip aalajartgernera ingerlatsisunut allanut suliassiissutigineqarsinnaanngilaq.

Malittarisanit immikkut akuersisinnaaneq.

§ 7. Kultureqarnermi atuartitsinermilu Pisortaqarqarfik nalunaarummi aalajangersakkanit allatut iliortoqarnissaanik akuersisinnaavoq tamanna pissut sinik immikkuik ittunik tunngavissaqassappat. Nalileeqataasussat siulittaasuat Ilisimatusarfiullu rektoria oqaaseqartinneqaqqaassapput.

Atulerfissaa.

§ 8. Nalunaarut una atortuulissaaq laqqaataani 1990-imi.

Namminersornerullutik Oqartussat, ulloq 2. januar 1990

Jens Lyberth

/

Hugin S.Christiansen