§ 1. Oqaasiliortut suliassaraat oqaatsit oqariartaatsillu nutaat, naalisakkat ilanngullugit, katersussallugit, nalunaarsussallugit akuerissallugillu.
Imm. 2. Oqaasiliortut suliassaraattaaq kalaallit oqaasii pillugit pisortat inuillu siunnersortassallugit.
Imm. 3. Aammattaaq oqaasiliortut suliassaraat suliffeqarfiit kalaallisut aammalu Kalaallit Nunaanni atsersuisartut imaluunniit atissanik inassuteqartartut suleqatigissallugit.
Imm. 4. Naalakkersuisut oqaasiliortut sulianik allanik imm. 1-3-mi taaneqartunut assingusunik suliassissinnaavaat.

§ 2. Oqaasiliortut tallimanik ilaasortaqarput marlunnillu sinniisussaqarlutik Inatsisartut toqqagaannik
Imm. 2. Ilaasortat ukiuni sisamani atasartussatut toqqarneqartassapput.
Imm. 3. Oqaasiliortut siulittaasortik namminneerlutik qinertassavaat sulinerminnilu ingerlatseriaasissartik aalajangersassallugu, taamaattorli tak. § 4.

§ 3. Oqaasiliortut allattoqarfiat pillugu malittarisassat erseqqinnerusut Naalakkersuisut aalajangersassavaat.

§ 4. Oqaasiliortut sulinerat pillugu malittarisassat erseqqinnerusut Naalakkersuisut aalajangersassavaat.

§ 5. Inatsisartut inatsisaat una atulerpoq 1. januar 1990-mit. Tamatumunnga peqatigitillugu Kalaallit Nunaanni oqaasiliortut pillugit Inatsisartut inatsisaat nr. 4, 1. april 1982-imeersoq atorunnaarpoq.

Namminersornerullutik Oqartussat, ulloq 26. oktober 1989

Jonathan Motzfeldt

/

Jens Lyberth