Kalaallit Nunaanni ukallinik eqqissisimatitsineq pillugu Namminersornerullutik Oqartussat nalunaarutaat
Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi ulloq 12. november 1980-imeersumi § 2, imm. 1 aamma § 19 naapertorlugit makku aalajangersarneqarput:
§ 1. Ukaleq (Lepus arcticus) Kalaallit Nunaanni inunnit akuerisaasumik aallaaniarnermut allagartalinnit kiisalu Kalaallit Nunaanni najugaqavissunit piniaqqusaavoq.
§ 2. Ukallit piffissami 1. maj - 31. juli eqqissisimatitaapput.
§ 3. Timmiarsiutit, qoorortuuaqqat imaluunniit qoorortuut ukallinik piniarnermi atoqqusaapput. Sakkut eqqarasuartaatit eqittaannartakkallu atoqqusaanngillat.
§ 4. Qamutit motorillit snescooterit ilanngullugit ukallinik piniarnermi atoqqusaanngillat.
§ 5. Siunertanut ilisimatusarnermut allanullu tunngasunut atatillugu Naalakkersuisut immikkut akuersissutigisinnaavaat nalunaarumi matumani aalajangersakkat sanioqqunneqassasut.
§ 6. Kommunet ileqqoreqqusaat nalunaarut una tunngavigalugu akuersissutigineqartut Naalakkersuisunit atortussanngortinneqartassapput.
§ 7. Nalunaarummi matumani aalajangersakkat unioqqutinneqarunik akiliisitaassutaasinnaapput kiisalu pisanik, piniutinik angallatinillu arsaarinnissutaasinnaallutik.
§ 8. Nalunaarut ernerluni atortuulerpoq, peqatigitillugulu makku atorunnaarsinneqarput:
1) Ukallit piaqqiorfimmik nalaani Avannaani eqqissisimatitaanissaannik nalunaarut ulloq 19. maj 1958-imeersoq.
2) Aqissit ukallillu eqqissisimatinneqarnissaannik landsrådip ileqqoreqqusanngortitaani ulloq 24. november 1959-imeersumi § 1 aamma §-it 3, 4 aamma 5, kiisalu
3) Scoresbysundip Ammassallullu pigisaanni piniarnerup aallaaniarnerullu killilersugaanissaannik nalunaarummi ulloq 23. juni 1958-imeersumi § 3.
Imm. 2. Kommunet ileqqoreqqusaat aqissit ukallillu eqqissisimatinneqarnissaannik landsrådip ileqqoreqqusanngortitaa ulloq 24. november 1959-imeersoq naapertorlugu atortuulersinneqarsimasut nalunaarut una naapertorlugu allanngortinneqarnissamik atorunnaarsinneqarnissamilluunniit tungaanut atortuuinnassapput.
Namminersornerullutik Oqartussat, ulloq 17. maj 1989.
Jonathan Motzfeldt
/
Aqigssiaq Møller