Meeqqanut suli atualinngitsunut perorsaanikkut inerikkiartuutaasumik ulluunerani neqeroorutinut akiliuteqartarneq pillugu Namminersorlutik Oqartussat nalunaarutaat
Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut peqqussutaanni nr. 10-mi, 5. december 2008-meersumi, Inatsisartut peqqussutaatigut nr. 4-kkut, 19. maj 2010-meersukkut allanngortinneqartumi § 28a, imm. 3 naapertorlugu aalajangersarneqarpoq:
Akit
§ 1. Kommunalbestyrelse meeqqanut suli atualinngitsunut perorsaanikkut inerikkiartuutaasunik ulluunerani neqeroorutinut ukiumi tullermi akigititassanik kingusinnerpaamik novembarimi aalajangersaasassaaq.
Imm. 2. Akit meeqqanut suli atualinngitsunut perorsaanikkut inerikkiartuutaasunik ulluunerani kommunit neqeroorutaannut aningaasartuutaat akiliisussatitaasullu pineqartup pineqartulluunniit aningaasaqarnikkut atugaat tunngavigalugit aalajangersarneqassapput.
§ 2. Kommunalbestyrelse perorsaanikkut ineriartuutaaasunik kommunini ulluunerani neqeroorutinut akinik assigiinngitsunik 0-2-nik ukiulinnut 3-6-inillu ukiulinnut aalajangersaasinnaavoq.
Imm. 2. Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut peqqussutaanni nr. 10-mi, 5. december 2008-meersumi § 31, imm. 3 naapertorlugu sunngiffimmi ingerlataqarnermik aaqqissuussineq pillugu Inatsisartut inatsisaata akuerineqarnissaata tungaanut sunngiffimmi ornittakkaniinnermut akinik immikkut aalajangersaasoqarsinnaavoq.
Imm. 3. Kommunalbestyrelse kommunimi illoqarfinnut nunaqarfinnullu atuuttunik akinik assigiinngitsunik aalajangersaasinnaavoq. Taamaattorli illoqarfimmi nunaqarfimmiluunniit ataatsimi sullissiveqarfikkuutaartumik akinik aalajangersaasoqarsinnaanngilaq.
Imm. 4. Kommunalbestyrelse angerlarsimaffimmi paarsisoqarnermut kommunimit aaqqissuussaasumut immikkut akinik aalajangersaasinnaavoq.
Imm. 5. Kommunalbestyrelse meeqqanut suli atualinngitsunut perorsaanikkut inerikkiartuutaasunik kommunimi ulluunerani neqeroorutiniittunut sap.ak. 25 tiimit angullugit affarmik akeqartitsinissamik aalajangersaasinnaavoq.
§ 3. Akit skalat tulliuttut malillugit aalajangersarneqarput:
|
Ima isertitallit: |
Inissamut ataatsimut aningaasartuutit %-ii: |
|
|
minnerp. % |
annerp. % |
|
|
149.999 kr.-it angullugit |
0 |
5 |
|
150.000 – 174.999 kr. |
5 |
6 |
|
175.000 – 199.999 kr. |
5 |
7 |
|
200.000 – 224.999 kr. |
5 |
8 |
|
225.000 – 249.999 kr. |
5 |
10 |
|
250.000 – 274.999 kr. |
5 |
15 |
|
275.000 – 299.999 kr. |
10 |
20 |
|
300.000 – 324.999 kr. |
10 |
22 |
|
325.000 – 349.999 kr. |
10 |
24 |
|
350.000 – 374.999 kr. |
10 |
26 |
|
375.000 – 399.999 kr. |
10 |
28 |
|
400.000 – 424.999 kr. |
10 |
30 |
|
425.000 – 449.999 kr. |
10 |
32 |
|
450.000 – 474.999 kr. |
10 |
34 |
|
475.000 – 499.999 kr. |
10 |
36 |
|
500.000 – 549.999 kr. |
10 |
39 |
|
550.000 – 599.999 kr. |
10 |
42 |
|
600.000 – 649.999 kr. |
10 |
45 |
|
650.000 – 699.999 kr. |
10 |
48 |
|
700.000 – 749.999 kr. |
10 |
51 |
|
750.000 – 799.999 kr. |
10 |
54 |
|
800.000 – sinnerlugillu |
10 |
57 |
§ 4. § 5 naapertorlugu akiliisussaatitaasoq akiliisussaatitaasulluunniit kommunalbestyrelsip § 1, imm. 1 naapertorlugu akinik aalajangersaanerata kinguninngua akit qaffasissusiannik ilisimatinneqassapput.
Akiliisussaatitaaneq
§ 5. Meeqqamik pilersuisuiusut akiliisussaatitaapput, taamaattorli takuuk § 6. Meeqqap pilersorneqarnera inummit inunnilluunniit ataatsimut naliliinikkut meeqqap nalinginnaasumik ulluinnarni pisariaqartitaanik, ilaatigut ineqarnermik, nerisaqarnermik atisaqarnermillu isumaginnittuusunit isumagineqarpoq.
Imm. 2. Angajoqqaajusup aappa pilersuisuiuppat taannalu katissimappat, nalunaarsukkamik inooqateqarpat aappaqarnertulluunniit ittumik inuuppat sivikinnerpaamillu ukiumi ataatsimi aalajangersimasumik inooqateqarsimappat angajoqqaaq aappaasorlu, nalunaarsukkamik inooqataasoq aalajangersimasumilluunniit inooqataasoq pilersuisuittut taamatullu akiliisussaatitaasutut isigineqassapput.
Tamakkiisumik ilaannakortumilluunniit akiliunneqarluni inissat
§ 6. Meeqqanut suli atualinngitsunut ulloq unnuarlu paaqqinniffimmut pisortaniilluunniit aaqqissuussamik angajoqqaarsianut inissinneqarsimasunut perorsaanikkut inerikkiartuutaasunik ulluunerani kommunimit neqeroorutini tamakkiisumik akiliussilluni inissamik innersuussisoqassaaq.
§ 7. Kommunalbestyrelse meeqqanik inuusuttunillu ikiorsiisarneq pillugu inatsisartut peqqussutaanni § 9 naapertorlugu ikiorsiissutinik aallartitsinissaq pillugu aalajangiinermut atatillugu aalajangiisinnaavoq meeqqanut suli atualinngitsunut perorsaanikkut inerikkiartuutaasunik ulluunerani kommunimit neqeroorutini inissamik tamakkiisumik ilaannakortumilluunniit akiliussilluni innersuussisoqassanersoq.
Qatanngutigiinnut akikillisaat
§ 8. Akiliisussaatitaasoq akiliisussaatitaasulluunniit meeqqanut suli atualinngitsunut perorsaanikkut inerikkiartuutaasunik kommunimit ulluunerani neqeroorutiniittunut sunngiffimmiluunniit ornittakkamiittunut meeqqamit ataatsimit amerlanerusunut akiliissappata meeqqamut angajullermut tamakkiisumik akiliussisoqassaaq meeqqanullu taassuma tullerisaanut tamanut affarmik akiliussisoqassalluni.
Naatsorsuinermi tunngavigisaq
§ 9. Meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniititsinermut akiliutit akiliisussaatitaasup akiliisussaatitaasulluunniit ukiumi isertitaqarfiusumi qaangiuttumi kingullermi isertitaat akileraaruteqaataasussat tunngavigalugit aalajangersarneqassapput.
Imm. 2. Akiliisussaatitaasup akiliisussaatitaasulluunniit isertitat akileraaruteqaataasussat imm. 1-imi taaneqartut allannguuteqarnerat pillugu kommunalbestyrelsimut nalunaassapput.
Imm. 3. Imm. 1 naapertorlugu kommunalbestyrelse meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniititsinermut akiliutinik allannguissaaq. Tamannali pitinnagu kommunalbestyrelse isertitat akileraaruteqaataasussat imm. 1-imi taaneqartut allannguutaannut uppernarsaatinik pissarseqqaassaaq. Akiliutinik allannguineq pissaaq qaammat ataaseq sioqqullugu ilimasaarereernikkut qaammatip aallaqqaataanit atuutilersumik.
§ 10. Akiliisussaatitaasoq akiliisussaatitaasulluunniit isertitamik annertuumik allanngorsimanerannik uppernarsaasiisinnaappata kommunalbestyrelse aalajangiisinnaavoq isertitat akiliutinut tun-ngavigineqartut tassaassasut maannakkorpiaq isertitat, naleqqiussinikkut ukiumoortumik tamakkiisumik isertitatut naatsorsorneqartut.
Imm. 2. Akileraarusiinermut oqartussaasut siusinnerusukkut isertitanik akileraaruteqaataasussanik aalajangersaasimanngippata siumoortumik nalunaarsuineq imaluunniit maannakkorpiaq isertitarisartakkat ukioq kaajallallugu isertitarisassatut naatsorsuussanut naleqqussariikkat tunngavigalugit akiliineq pissaaq.
Isertitat pillugit uppernarsaaneq
§ 11. Meeqqap meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniilerneranut atatillugu imaluunniit § 5 naapertorlugu kia akiliisussaatitaanerata allannguuteqarneranut atatillugu akiliisussaatitaasoq akiliisussaatitaasulluunniit kommunalbestyrelsimut isertitat pillugit allakkatigut uppernarsaassapput.
Imm. 2. Isertitat pillugit uppernarsaat meeqqap meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniinnera tamaat akiliisussaatitaasup akiliisussaatitaasulluunniit isertitaannut tunngasut pillugit paasissutissanik kommunalbestyrelsip akileraartarnermut oqartussanit pissarsiniarsinnaaneranut piginnaatitsissummik imaqassaaq.
Imm. 3. Akiliisussaatitaasoq akiliisussaatitaasulluunniit imm. 1-imi taaneqartumik uppernarsaammik tunniussiumanngippata akiliutit qaffasinnerpaaniitinneqassapput. Akit taakku atuutissapput akiliisussaatitaasup akiliisussaatitaasulluunniit isertitat pillugit allakkatigut uppernarsaasiinissaasa tungaannut, tamatuma kingorna uppernarsaat tunuliaqutaralugu akit qaammat ataaseq sioqqullugu ilimasaarereernikkut qaammatip ulluisa aallaqqaataannit atuutilersumik aalajangersarneqassapput.
Akiitsoqarneq neqeroorutiniititsiunnaarnerlu
§ 12. Akiliisussaatitaasoq akiliisussaatitaasulluunniit akiliutissaminnut akiitsoqalerpata taannalu imaluunniit taakku akiliinissamik eqqaasinneqartaraluarlutik akiitsorisat akilersorneqarnissaat pillugu isumaqatigiissuteqanngippata § 13 naapertorlugu meeraq meeqqanut suli atualinngitsunut perorsaanikkut inerikkiartuutaasunik ulluunerani neqeroorummiitikkunnaarneqassaaq.
Imm. 2. Akiitsut ullormit eqqaasitsiffiusumit ullut 14-it qaangiutsinnagit akilerneqarpata meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniititsiunnaarnissamik aalajangiineq atorunnaassaaq.
Imm. 3. Kingusinnerpaamik kommunalbestyrelsip akiitsoqarneq pissutigalugu meeqqap neqeroorummiikkunnaartinneqarnissaa pillugu akiliisussaatitaasumut akiliisussaatitaasunulluunniit nalunaarneranut peqatigitillugu tamanna pillugu aalajangiineq isumaginninnermi oqartussaasunut nalunaarutigineqassaaq.
§ 13. Meeqqamik meeqqanut suli atualinngitsunut perorsaanikkut inerikkiartuutaasunik ulluunerani neqeroorutiniikkunnaartitsinerit tamarmik qaammammik ataatsimik sioqqutsilluni ilimasaarereernikkut qaammatip ulluisa aallaqqaataannit atuutilersumik pisassapput.
Atuutilersinneqarnera
§ 14. Nalunaarut manna 1. marts 2011-mit atuutilerpoq. Tamatumunnga peqatigitillugu Meeqqanut suli atualinngitsunut perorsaanikkut inerikkiartuutaasumik ulluunerani neqeroorutinut akiliuteqartarneq pillugu Namminersorlutik Oqartussat nalunaarutaat nr. 17, 27. november 2009-meersoq atorunnaarsinneqarpoq.
Namminersorlutik Oqartussat, ulloq 4. februar 2011.
Mimi Karlsen
/
Lise Lennert Olsen