Eqqartuussisarneq pillugu inatsimmi allannguutit pillugit inatsimmi §§ 3 aamma 4-mik, Bruxelles I-imik peqqussut il.il. inatsimmik aamma inatsisinik assigiinngitsunik allanik Kalaallit Nunaannut atuutilersitsineq pillugu peqqussut
(Ilinniarsimanatik eqqartuussisuusunut maleruagassanik allannguineq, eqqartuussisulersuussiffissamik isumaqatigiissutinut nunat tamalaat isumaqatigiissutaannik naammassinninneq il.il.)
UAGUT MARGRETHE AAPPAAT, Guutip saammaassineratigut Danmarkip Dronningia, tamanut nalunaarutigaarput:
Eqqartuussisarneq pillugu inatsimmut allannguut pillugu inatsimmi nr. 670, 8. juni 2017-meersumi § 13, Bruxelles I-imik peqqussut il. il. inatsit aamma inatsisit assigiinngitsut allat (Ilinniarsimanani eqqartuussisuusunut maleruagassat allannguutaat, eqqartuussisulersuussiffissamik isumaqatigiissutinut nunat tamalaat isumaqatigiissutaat) naapertorlugit aalajangiunneqarpoq:
§ 1
Peqqussutikkut nr. 656, 11. april 2010-meersumik Kalaallit Nunaannut atuutilersinneqartumi, ilusilersuinermik inatsimmi, peqqussummi nr. 48, 18. Januar 2013-meersumi § 3-kkut allanngortinneqartoq, tulliuttunik allannguuteqarpoq:
1. § 42 atorunnaassaaq.
§ 2
Nioqqutissat ilisarnaataannut inatsisimmi, nr. 856, 16. december 1991-imeersumik peqqussutikkut Kalaallit Nunaannut atulersinneqartumi, nr. 655, 11. juni 2010-meersumik peqqussutikkut aamma nr. 48, 18. januar 2013-meersumi peqqussummi § 2-kkut allanngortinneqartumi, allannguutit tulliuttut suliarineqarput:
1. § 43 a atorunnaassaaq.
§ 3
Peqqussut atuutilissaaq ulloq ......
Atsiorfissaq
Kunngiussutsitsinnik Atsiorpugut Naqissusiillutalu
ATSIORTOQ 1
/ Atsiortoq 2