Piginneqatigiiffinnut inatsit § 211, imm. 2-mut, Kunngip peqqussutaa normu 486, ulloq 14. maj 2018-itut taallugu atuuttussanngortitaasoq naapertorlugu, kingorna Kunngip peqqussutaanik nr. 486, 14. maj 2018-imeersumik allanngortinneqartumi, kingornalu kunngip peqqussutaanik nr. 2624, 28. december 2021-meersumik allanngortinneqartumi aalajangerneqarpoq:

Qalliusumik piginneqatigiiffiit, taarsigassiiffigineqarsinnaasut il.il.

§ 1. Piginneqatigiiffik aningaasaliisartuusoq toqqaannartumik toqqaannartuunngitsumilluunniit aningaasanik atugassiisinnaavoq, atimini piginneqatigiiffittut, suleqatigisatut, allatulluunniit piginneqatigiiffittut ilusiligaasumik pigisaminut taarsigassarsisitsinikkut qularnaveeqqusiinikkulluunniit atugassiisinnaavoq, piginnittutut inissisimasoq

1) Nunami EU-mut ilaasortaasumi najugaqarpat, nunatut EØS-tut imal. Schweitzimi inissisimasuuppat, imaluunniit

2) Australiami, Canadami, Chilemi, Tuluit Nunaanni, Irlandimi avannarlermi, Israelimi, Japanimi, Korea Kujallermi, New Zealand-imi, Singapore-imi, Taiwanimi USA-miluunniit najugaqartuuppat.

Atuutilerfia

§ 2. Nalunaarut atuutilissaaq ulloq 5. januar 2022.

Imm. 2. Nunani allani atimi piginneqatigiiffinnut taarsigassarsisitsisinnaaneq il.il Kalaallit Nunaannut nalunaarut nr. 621 29. maj 2018 naapertorlugu atorunnaarsinneqarpoq.

Imm. 3. Aningaasatigut ikiorsiinerit, maannamut maleruagassat naapertorlugit ingerlanneqartoq, allanngortinneqanngitsumik ingerlaannarsinnaatitaapput.

Inuussutissarsiornermut aqutsisoqarfik / Erhvervsstyrelsen, ulloq 28. december 2021

Henning Steensig

/ Søren Corfixsen Whitt