Aktie- aamma anpartsselskabit pillugit inatsimmi (ingerlatitseqatigiiffiit pillugit inatsit), kunngip peqqussutaatigut nr. 486, 14. maj 2018-imeersukkut Kalaallit Nunaannut atulersinneqartumi § 351 naapertorlugu aalajangersarneqarpoq: 

§ 1. Aktieselskabit angisuut, ingerlatseqatigiiffiup piginnittup ingerlatseqatigiiffimmut pigisaatulli (aktieselskabit namminersorlutik oqartussanit pigineqartut) Namminersorlutik Oqartussat ingerlatseqatigiiffimmut atassuteqarfigisaanni, tak. kunngip peqqussutaatigut Kalaallit Nunaannut atulersinneqartumi ingerlatseqatigiiffiit pillugit inatsimmi § 6, kunngip peqqussutaatigut Kalaallit Nunaannut atulersinneqartuni ingerlatseqatigiiffiit pillugit inatsimmi aamma ukiumut naatsorsuutit pillugit inatsimmi aamma taakkua naapertorlugit atulersinneqartuni najoqqutassani naalagaaffiup aktieselskabiinut malittarisassat malissavaat, tak. imm. 2. 

Imm. 2. Ingerlatseqatigiiffiup angisuujuneranik naatsorsuinermi kunngip peqqussutaatigut Kalaallit Nunaannut atulersinneqartumi ukiumut naatsorsuutit pillugit inatsimmi § 7, imm. 2 aamma 3 atorneqassapput. 

§ 2. Aktieselskabit mikisut akunnattumillu angissusillit naalagaaffiup aktieselskabiinut malittarisassanik malinninnissamut pisussaaffeqanngillat, tak. § 1, ingerlatseqatigiiffiup malittarisassaani aalajangersarneqarsimanngippat naalagaaffiup aktieselskabiinut malittarisassat ingerlatseqatigiiffimmit malinneqassasut. 

§ 3. Nalunaarut ulloq 1. juli 2018-mi atuutilerpoq. 

Imm. 2. Naalagaaffiup aktieselskabiinut malittarisassat atorneqarnissaat pillugu Kalaallit Nunaannut nalunaarut nr. 775, 10. juni 2008-imeersoq atorunnaarpoq. 

Erhvervsstyrelsi, ulloq 29. maj 2018 

HENNING STEENSIG 

/ Henrik Davidsen