Inuussutissat il.il. pillugit inatsisip Kalaallit Nunaannut atortuulersinneqarnissaanik peqqussut nr. 523, 8. juni 2004-imeersumi § 54, imm. 1 aamma § 65, imm. 1, uumasuni nappaatit tunillaannartullu pillugit inatsisip Kalaallit Nunaannut atortuulersinneqarnissaanik peqqussut nr. 524, 8. juni 2004-imeersumi § 39, imm. 2 aamma uumasut nakorsaattut suliaqarneq il.il. pillugit inatsisip Kalaallit Nunaanni atortuulersinneqarnissaanikpeqqussut nr. 525, 8. juni 2004-imeersumi § 25, imm. 2 naapertorlugit, tak. Miljøog Fødevareklagenævni pillugu inatsit nr. 1715, 27. december 2016-imeersoq aamma Namminersorlutik Oqartussat isumaqatigiinniarfigereerlugit aalajangersarneqarpoq: 

§ 1. Inuussutissanut uumasullu nakorsaqanermut tunngasut ilaanni avatangiisinut inuussutissalerinermullu ministerimit aqunneqartuni Fødevarestyrelsip aamma Namminersorlutik Oqartussat suliaat pisinnaatitaaffiilu pillugit nalunaarummi § 3-imi, § 45, imm. 1-imi aamma § 5-imi taaneqartuni pisinnaatitaaffinni suliassanillu isumaginninnermut atatillugu Fødevarestyrelsimit aamma Namminersorlutik Oqartussanit oqartussatut siullertut aalajangiiffigineqartut pillugit naammagittaalliuutinik Miljø- og Fødevarestyrelsi suliaqarpoq. 

Imm. 2. Imm. 1-imut ilaasunik naammagittaalliuutinik aamma Miljø- og Fødevarestyrelsip suleriaasia pillugu nalunaarummi malittarisassat malillugit aalajangiinerit nalunaarutigineriniit ullormiit sapaatit akunneri sisamat qaangiutsinnagit tunniunneqartunik naammagittaalliuutinik aalajangiisartut suliaqartarput. Suleriaaseq Miljø- og Fødevareklagenævni pillugu inatsimmi § 7, imm. 2, § 13 aamma § 22 malillugit erhvervsministerimit atulersinneqarpoq. 

Imm. 3. Imm. 1-imi pineqartunik aalajangiinernik aamma Fødevarestyrelsimit aalajangiiffigineqartunik naammagittaalliuutit Fødevarestyrelsi aqqutigalugu tunniunneqassapput. Imm. 1-imi pineqartunik aalajangiinernik aamma Namminersorlutik Oqartussanit aalajangiiffigineqartunik naammagittaalliuutit Namminersorlutik Oqartussat aqqutigalugit tunniunneqarsinnaapput. 

Imm. 4. Fødevarestyrelsi sulianut tunngatillugu oqartussatut siullertut aalajangiiffigineqartuni, naammagittaalliuutip tunniunneqarnerata kingorna aamma naammagittaalliuutip aalajangiisartunut ingerlateqqinneqarnissaa sioqqullugu sulianik qaqitseqqiisinnaavoq. 

Imm. 5. Aalajangiinerit Miljø- og Fødevareklagenævnimit aalajangiiffigineqartut allaffissornikkut oqartussanut allanut suliassanngortinneqarsinnaanngillat. 

§ 2. Nalunaarut 1. september 2017-imi atuutilissaaq. 

Miljø- og Fødevareministeriaqarfik, 25. august 2017 

ESBEN LUNDE LARSEN 

/ Esben Egede Rasmussen