Angajoqqaat oqartussaanerannik aalajangiisarnerit il.il. (nunani tamalaani meeqqat aallarunneqartarnerat) nunani tamalaani naammassineqartarnissaat pillugu inatsimmi § 3, imm. 2, peqqussutikkut nr. 677, 6. juni 2016-imeersukkut Kalaallit Nunaanni atuutilersinneqartoq aamma nunani tamalaani meeqqat illersugaanissaat pillugu Haagimi isumaqatigiissut pillugu inatsimmi § 2, tunngavigalugit aalajangersarneqarpoq: 

§ 1. Isumaginninnermut Nunamilu Namminermi pissutsinut ministereqarfik Kalaallit Nunaannut qitiusumik oqartussaaffiuvoq, tak. akuerineqarnissaq aamma angajoqqaat oqartussaanerat pillugu aalajangiisarnerit naammassineqartarnissaat pillugu Europarådip isumaqatigiissutaani 1980-imeersumi aalajangersagaq 2 aamma nunami tamalaani meeqqat aallarunneqartarnerisa innuttaasunut inatsiseqartitsinermi sunniutaat pillugit Haagimi isumaqatigiissummi 1980-imeersumi aalajangersagaq 6 aamma angajoqqaat oqartussaanerat meeqqallu illersugaanissaannut suliniutissat pillugit pisinnaasassat, inatsisinik toqqaanissaq, akuerinninnissaq, naammassinninnissaq suleqatigiinnissarlu pillugit Haagimi isumaqatigiissummi 19. oktober 1996-imeersumi aalajangersagaq 29. 

§ 2. Isumaginninnermut Nunamilu Namminermi pissutsinut ministereqarfik qitiusumik oqartussaasutut 

1) Nunat tamat isumaqatigiissutaat pillugit paasissutissiissassaaq, 

2) Nunat tamat isumaqatigiissutaat malillugit qinnuteqaatit il.il. tigoorartassavai ingerlateqqittassallugillu, 

3) Naalagaaffinni allani nunat tamat isumaqatigiissutaannik atuutilersitsisimasuni qitiusumik oqartussaasunik suleqateqassaaq,

4) Suliassat nunat tamat isumaqatigiissutaat malillugu qitiusumik oqartussaasunittaaq akisussaaffigineqartut isumagisassallugit.

§ 3. Nalunaarut atuutilerpoq ulloq 1. juli 2016.

Social- og Indenrigsministeriet, ulloq 19. juni 2016

KAREN ELLEMANN

/ Malene Vestergaard