Kalaallit Nunaanni aningaasanoorutit ilaat pillugit inatsimmi nr. 223, 22. marts 2011-meersumi § 34 aamma § 46 naapertorlugit makku aalajangersarneqarput: 

Kapitali 1

Nalunaarsuineq

§ 1. Aningaasanoorutit neqeroorutiginissaannut akuersissutit marluk akunneqanngitsumik akuersissutaareersimappata aningaasanoorutit akitsuusigassaatitaasut neqeroorutiginissat pillugu nalunaarsugaareersoq nutarterneqarsinnaanngilaq. 

Kapitali 2

Naatsorsuutit akitsuutillu nalunaarutiginissaat pillugit aalajangersakkat

§ 2. Inuit ingerlatseqatigiiffiillu il.il. (allat sinnerlugit inatsisisitigut ingerlatsisut) aningaasanoorutinik neqerooruteqarsinnaasutut nalunaarsukkat akitsuuteqarfiit tamaasa naatsorsuusiussavaat akitsuut akitsuuteqartitsinerup naanerani nalunaarutigineqartoq naatsorsuutini ersersillugu. Akitsuutip nalunaarutiginnginnerani naatsorsuutit suliarineqareersimassapput. 

Imm. 2. Niuertut naatsorsuutaanni nalinginnaasuni naatsorsuutit suliarineqassapput. Inuit ingerlatseqatigiiffiillu il.il. (allat sinnerlugit inatsisitigut ingerlatsisutut) nalunaarsukkat naatsorsuuserineq pillugu inatsit malillugu naatsorsuuserisussaatitaanngikkaluilluunniit piumasaqaatit naatsorsuuserinermut inatsimmi aalajangersakkat naammassissavaat, taamaattorli takuuk imm. 3. Naatsorsuuserinermik inatsimmi qarasaasiakkut naatsorsuuserineq pillugu aalajangersakkat nalunaarut manna malillugu naatsorsuuserinermi aamma malinneqassapput. 

Imm. 3. EU-mi tassaniluunniit aningaasatigut suleqatigiiffimmi allami pilersinneqartumik akitsuusigaasussaatitaasup danskit naatsorsuuserinermut inatsisaanni piumasaqaatit naammassinissaannut taarsiullugu nunami pilersitsiffimmi piumasaqaatit naammassinissaat toqqarsinnaavai. 

Imm. 4. Aningaasanoortitsisartoq arlalinnik neqerooruteqarnissamut akuersissutinik pigisalik, akuersissutit imm. 1-imi taaneqartut tamaasa immikkoortillugit naatsorsuusiorsinnaavoq, taamaattorli takuuk imm. 5. 

Imm. 5. Aningaasanoortitsisartoq Danmarkimi Kalaallillu Nunaanni akuersissutinik assigiissunik pigisalik imm. 1-imi taaneqartut ataatsimoortillugit naatsorsuusiorsinnaavoq. 

§ 3. Naatsorsuutit paasissutissanik makkuninnga ullulersukkanik tamatigut imaqartinneqartassapput: 

1) Aningaasanoortut aningaasanoorutinut akiliutaat. 

2) Eqqukkat tunniussat. 

3) Aningaasanoortitsisup pissarsiai. 

§ 4. Hiistit qimmillu sukkaniutsinnerannit eqquiniaasitsinermut akuersissutinik pigisallit banit ataasiakkaat tamaasa immikkut aamma banit avataanni eqquiniarfiit naatsorsuusiussavaat. 

§ 5. Inatsimmi § 28, imm. 4 malillugu eqqukkanut akitsuutit akilerneqarsimanngippata eqqukkanut naatsorsuutit aamma eqquiniutit tuninngisat aningaasartaat eqqugassat eqqukkallu aaneqanngitsut tullianik eqquiniaatitsinermi nutaami atorneqartussat immikkut uppernarsaasikkat eqquniaatitsinissamut akuersissummik pigisallip naatsorsuusiussavai. 

§ 6. Eqquiniaasitsinerni ataasiakkaani ingerlanneqartuni aningaasat ullumikkut nalingat malillugu naatsorsuusiortoqassaaq. 

Imm. 2. Inatsimmi §§ 28 aamma 29 malillugit akitsuusigassat naatsorsornerat akitsuutillu akilerneqarnerat danskit koruuniinut naatsorsorlugit ingerlanneqassapput. Naatsorsuutit tamakkerlugit ilaannaalluunniit nunap allap aningaasaata nalinganut naatsorsuusiorneqarpata aningaasat nalingi (akitsuutinut tunngaviusut) tamaasa immikkut katinnerat danskit koruuniinut nuutinneqassapput. Ullormi nalunaaruteqarfimmi danskit koruuniinut nuutitsisoqassaaq. Nuutitap nalingata naatsorsornerani nunap pineqartup aningaasaata nalinga Danmarks Nationalbankimit annertussusilerneqartoq malinneqassaaq imaluunniit akitsuusiinermi nali kingulleq danskit akitsuusiinermut akileraarusiinermullu ingerlatsiviannit annertussusiligaq malinneqassaaq. Nuutitsinermi nalit toqqarneqartut sivikinnerpaamik ukiuni marlunni pituttuisumik malinneqassapput. 

§ 7. Naatsorsuutit, bilagit naatsorsuuserinermilu atortut allat ukiup naatsorsuusiorfiusup naaneranit ukiuni tallimani suliffeqarfimmit nalunaarsukkamit toqqortarineqassapput. 

Imm. 2. Aningaasanoorutit akitsuutaat pillugit inatsimmi § 20 malillugu nunami allami suliffeqarfik maani najugalimmik sinniisoqarpat naatsorsuutit nunami maani sinniisumit toqqortarineqassapput. 

§ 8. Akitsuusikkat nalunaarutiginerisa saniatigut aningaasat akitsuutip (tunngaviusup) naatsorsorneranut tunngavigineqartut paasissutissiissutigineqassapput. 

Kapitali 3

Kingunerititassat aamma nalunaarutip atuutilerfia pillugit aalajangersakkat

§ 9. Nalunaarummi uani aalajangersakkanik piaaraluni annertuumilluunniit mianersuaalliornikkut unioqqutitsinerit akiliisitaanermik kinguneqartinneqassapput, inatsimmi kapitali 14 malillugu sakkortunerusumik kinguneqartitsisoqanngippat. 

Imm. 2. Ingerlatseqatigiiffiit assigisaallu (allat sinnerlugit inatsisitigut ingerlatsisut) Kalaallit Nunaanni pinerluttulerinermik inatsimmi kapitali 5-imi malittarisassat malillugit kinguneqartitsinissamut akisussaatinneqarsinnaapput. 

§ 10. Nalunaarut manna 1. januar 2012-imi atuutilerpoq. 

Akileraartarnermut ministereqarfik, ulloq 5. December 2011

THOR MÖGER PEDERSEN

/ Lars Henry Nielsen